تجمع مواليد شهر ( ذو الحجة ) لعام 1434 ه بإذن الله

[غيمة ومطر]

بالنسبة لاغراض الصيدلية
انا خذيت فازين غير معطر للبيبي ولي
وخذيت زيت اطفال جانسون كويس ابدهن فيه جسم البيبي بعد الحمام
وخذيت مسحة طبية علشان باليوم امسح وانظف سرتها باذن الله
وخذيت حفاظة اطفال نيوبرن من هجيز يجي من النص فتحة خاصة للسرة علشان ما تكتمها
خذيت للبنوتة حلق طبي واحد
خذيت برضه شاي يانسون اطفال لي وللبيبي خخ
واختي جابت لي شفاط للانف
وطقم مقص الاظافر للبيبي
و دواء مضاد للانتفاخ اسمه سالينال من شركة جلفار من الامارات العربية المتحدة
وجابت لي في -دي ٣. واللي هو عبارة عن فيتامين دال من الشركة السعودية لتوزيع المستحضرات الطبية
علشان اعطيها للبيبي وهو مفيد لعظامها وجسمها
دام هالفترة بيدخل البرد وغبره وحر وما ادري بيكون صحي لها الشمس او بيمرضها
فجابت اختي لي هالعلاجات
الله يوفقها ويسعدها ويخلي لها عيالها ويحفظ ولدها الصغير ويشفيه ربي من الصفار يااارب

[غيمة ومطر]

صح
وخذيت مناديل للحفاضة الاطفال من هجيز احسن نوع الابيض
لانه ما يسبب حساسية او يحبب في المكان
وخذيت من مذكير كيس حفايض معقمة للبيبي كان عليه عرض الكيسه فيها ١٠٠ ب ١٠ ريال

[اخت عبدالرحمن]

هههههههههههههههه اضحتي سني غيمه ومطر

اقصد بعد الولاده راح تفقدين كرشتك والمبههاه فيها هههههههههه

انا طيبه الحمدلله

اللهم اميييين تفرحين فيها والله جد انا متحمسه حق هاللحضه

لما تسمعين صوت النونو يطلع منك كيف الشعور ي ترى ربي يبلغنا

[اخت عبدالرحمن]

وشهي اكياس الحفايض م عرفها يعني حق وشو هي

[غيمة ومطر]

الله يسعدك اخت عبدالرحمن
ايه اي مباهاة ع هالكرش
عندنا ياساتر كل وحدة تخبي بطني علشان العين
وان قلتي لها ماشاءالله باي شهر
قالت ابد توني بالسادس
وهي عقب شهر تولد ويبلغونك بعد الاربعين
ياشيخة مافيه الا قوة عين
الله يعين بس
انا لاني علمتهم
فصرت مشهورة بالعيلة
كلن يدق ها ولدتي انتي توك ؟!
لو اني ماعلمتهم انا باي شهر
كنت الحين مرتاحة من رسايلهم واتصالتهم
وطنازتهم ع حملي وعلى بنتي بسم الله عليها
المرة الجاية ان حملت سكتم بكتم
لين اولد
كليت تبن من اللي حولي
سين وجيم
وبالاخير
ياحبيبتي حنا ولدنا وطبخنا الغذا والعشاء بنفس اليوم
شغل جدات ذي ما تنفع معي
بس يالله
اطنش لكن ما اخليهم يطقطقوا ع راسي او ع راس زوجي

[بيللي]

الله يحفظك ياغيمة
مشكوره على الدعوة
وهذي ايام فضيله كلنا لازم ندعي
//
اليوم رحت الطبيبة بس مافحصتني بايدها الحمدلله
قالت لي معك طلق خفيف
والرحم انفتح شويه وبدا يلين
سالتها كم فتح قالت لاشيء يذكر بس ترقق ولان
وولادتك خلال هاليومين
وقالت كحتك زادت لازم تعالجيها
وكتبت لي شراب للكحه وكبسولات ٣ مرات باليوم

/
اليوم زوجي راح المستشفى يسال
قالهم دخلت العاشر متى اجيبها
قالو خلاص المفروض تنويم ونسوي فحوصات
وتحريض عشان يفتح
فبكره انا رايحة واحتمال اتنوم
الله يعيني على الطفش

بس شعوري غريب



كاني رايحه اخذ جائزة وخايفه بنفس الوقت




في امان الله(:

[غيمة ومطر]

اكياس الحفايض
هذي تلقينها في محل مذكير
انا خذيته من مول الرياض جاليري بالرياض
لقيت محل مذكير
سالتهم عن مناديل الحفايض وبيني وبينك معطره ومالها داعي حسيت وقليلة عددها
اما الاكياس فهي تشبه المنديل بس ريحتها معقمة وتجنن
بس يوسخ البيبي تغيري له وتنظفي وتخلصي وترميها كلها داخل الكيسه وتربطينها
ماتسوي لك ريحة ابد ابد
لا بالزبالة ولا بالمكان الله يكرمك
عاد انتي احسبي كم حفاضة باليوم للبيبي ولك
مشكلة
وللامانة ما لقيت اكياس مثل حق مذكير
فيه بسنتربوينت بس مخيس كيس عادي جدا
لكن اللي بمذكير معقمة وريحتها تجنن
انتي لو رحتي مذكير قولي اكياس حفايض البيبي
وافتحيه وشوفيه وشمي ريحته
ع فكرة فيه كيس او بوكس يجي ١٠٠ كيس او ٢٠٠ كيس بداخله
وذيك الايام خذيته برمضان كان عليه عرض وشريت ابو ١٠٠ كيس
لو اني خذيت اكثر كان ازين
بس مو مشكلة بشتري منه ثاني مرة
مرررة رهيب
لما تروحي عند الناس وتغيري الحفاض
لما تطلعي تسافري تتسوقي
مرة هالكيس خطير صراحة
عاجبني انه معقم وهذا احلي مافيه
لو تجلس بالزبالة ٣ ايام ما تطلع ريحة الخياس لو ايش
جربيه وراح تدعي لي*

[بيللي]

غيمة زيي علمت من اول اسبوع وندمت
الكل يحسب
ويرسل ويسال
ويقولو طولتي


من جد طفشت

[غيمة ومطر]

ماشاءالله تبارك الرحمن
الله يسهل لك اختي بيللي
ويعينك يااارب وتبشرينا بولادتك يااارب قريب
انا طيبة والحمدلله
نزلت مني ع المغرب افرازات كثيرة بيضاء ع خيوط دم
وظهري احسه مقصوص نصين
واسفل بطني عند منطقة الكلوت صار مثل اللصق القوي يشد بالقوة لثواني ويفتح ويرتخي
غريبة قلت يمكن طلق او انقباضات ابحسب لقيت عقبها نزل الافراز
واختفي الالم ولا كانه صار شي
ما ادري كلمت اختي
قالت معناته ولادة روحي المستشفي
قلت بس مافيني الم
استغربت وقالت لو جاك علمينا نسعفك
بنات صار لكن كذا ؟
وهل الافراز الابيض مع خيوط دم من علامات الولادة
يعني انتظر لبكره ولا اروح الليلة ؟
الله يعين يارب
بكره الاربعاء موعدي عند الدكتورة
وهو اخر موعد للتحريض والكشف
دعواتكم اخواتي
يارب نولد ع خير وسلامة يااارب

[غيمة ومطر]

بيللي
حنا نكون ع نياتنا ونحسب الكل مثلنا
لكن نتعلم من اول اخطاءنا
وتوبة وربي نكرر الغلط ثاني مرة
وربي حتي ما اعطيهم الحسبة صح
حتي زوجي ما بعلمه
لانه ما يقصر ما يخبي ع اهله شي
ويشووف اهله اخبر وهم اللي فاهمين كل شي صح وانا اللي بقربع ولا افهم ولا اعرف شي
ما اقول الا الله يعين يااارب