تجمع بنات الجزائر الحوامل

[نسرين فادي]

[si ze="5"]السلام عليكم بنات انشاء الله تكونو بخير انا هدا ثانب حمل عندي قبل ولد و راح يجيني الثاني اشاء الله و لحد اليوم معرفتش واش نسميه [/size]

[نسرين فادي]

حبيت نسالكم بنات واش هي السور ليقروها بزاف في اخر الشهور و الله انا من كترت تعبي وليت فنيانة بزاف مندير والو حتى المنتدى ندخله غير بالبورتابل و قليللي

[lin2]

السلام عليكم بنات
انا هادا تاني حمل ليا عندي طفلة في عمرها عامين
و اجهظت منذ 3 شهور تقريبا
و عندي 3 سنين زواج
و نسكن في العاصمة
بصح ما نقدرش نكون معاكم كل يوم لانه في داري ما عنديش انترنت
نكونيكتي غير كي نكون في دارنا
تسمعو اخباري الاسبوع الجاي ان شاء الله

[mina79]

مساء الورد انا نعيمة من غارداية وأنا حامل بالشهر الرابع

[lonnna]

مساء الخير علكم كااامل..


ان شاء الله تكونو بالف خير ..

نور الهدى ربي يرزقك ان شاء الله ويفرحك انتي وكل اللي تتمنى الحمل يا رب...

صبورة حبيبتي لا نوال هدي صاحبتي ماش نن المنتدى تزوجت معاي وللان ما حملتش ودايما ندعيلها ربي يرزقها ..ادعيولها معاي الله يخليكم..


خولة ،نعيمة، نسرين، لين، مرحبا بيكم معانا وربي يتمملكم على خير ويثبث حملكم ان شاء الله يا رب

[lonnna]

نور الهدى طمنينا على اختك..


قريت في التجمع قلتي بلي بدا يحمها الوجاع..

ربي ان شاء الله يسهلها ويسلكها على خير...

[lonnna]

حبيت نقسيكم كامل..

كيفاش شغل الدار معاكم..


انا والله فرطت خلاص عدت ما نقدرش نخدم..


ما نرقدش طول الليل ..والصباح نحب نعوض مي عندي جيران فوضويين مايخلونيش خلاص نرقد..

والتعب كامل رجعلي على شغل الدار ..

سيرتو راني نخدم برا..


والله ما قدرت نوفق...

[عقيلة]

سلام عليكم لبنات
نعيمة ولين ونسرين مرحبا بيكم في المنتدى
واش لونا سي فرطتي فالشقا نتاع الدار
أنا كونقولك اليوم مشيت لعند الطبيب وقالي
سوى الماكلة ورقاد
لخاطش ضاعولي أربع ذراري
والحمدلله
دروك راني في دارنا مريحا
المهم يكملي الحمل على خير أنا في داري عندي العجوز والطفالات
يدبرو ريسانهم يقومو بدارهم ولا يقعدو
طولت لحبيبة راني كارهة

[lonnna]

صح عقيلة لازم تريحي..


سيرتو في اول المل واجهضتي من قبل..


لازمك الراحة وما تخدميش وماتهزيش خلاص خلاص الثقيل...


ربي ان شاء الله يثبث حملك ويكملك يا رب...


الشغل تاع الدار انا والله فرطت..

الحمد لله راني وحدي وراجلي من النوع اللي ما يطلبش بزاف اي حاجة

حتى كون ما يلقاش الماكلة ما يهدرش مسكين...


والله ساعات حتى يغيضني...

[عقيلة]

المشاركة الأصلية كتبت بواسطة lonnna

صح عقيلة لازم تريحي..


سيرتو في اول المل واجهضتي من قبل..


لازمك الراحة وما تخدميش وماتهزيش خلاص خلاص الثقيل...


ربي ان شاء الله يثبث حملك ويكملك يا رب...


الشغل تاع الدار انا والله فرطت..

الحمد لله راني وحدي وراجلي من النوع اللي ما يطلبش بزاف اي حاجة

حتى كون ما يلقاش الماكلة ما يهدرش مسكين...


والله ساعات حتى يغيضني...

ما عليش لحبيبة المهم الواحد فالتالي ينال بيبي