استفسار عن نبض الجنين

[زهــــور]

السلام عليكم ورحمة الله وبركاته

اعذروني يامشرفات اذا الموضوع بقسم خطاء

بس انا عندي استفسار عن النبض الجنين الدكتوره تقول 16 /10/1430

نسمعه وانا خايفه مانسمع النبض لانه بدري وخايفه من الصدمه

لان هاذا اول حمل بعد اجهاض مرتين .وبمثبت كمان ابر وحبوب دفاستون

وياليت اللي تعرف تقولي اي اسبوع الافضل لسماع نبض الجنين

وكمان اللي تعرف تحسب لي كم اسبوع لي بالحمل ..

دورتي 21/8/1430..
وعذرا على الاطاله ..عليكم ..

دعواتكم يثبت حملي ..

[أم ياسمين]

قوه اختي الحسبه ما اعرفها يمكن احد ثاني يفيدج من الخوات بس النبض وايد تصير ان مايبين اول الحمل
انا لمن كنت حامل في بنتي مابين النبض الا بالسونار الداخلي لأن طبقة الجلد عندي ثخينه حتى في حملي هذا لي الاسبوع ال25 جهاز النبض اللي من بره ما يلقط نبضات الجنين مال الصدا مادري اذا اتعرفينه.
وبنت خالتي نفس الشي ما بين عندها لا الجنين و لا النبض ولا شي الا بالسونار الداخلي.
و رفيجة اختي دقت علي و اهي تحاتي وايد و خايفه تقول ما بين نبض الجنين مع ان اهي حامل في توم و زوجها مو راضي انها تسوي سونار داخلي لأن سامع أن مو زين قتلها مالج شغل في الرياييل شنو يعرفهم اذا الدكتوره قالتلج سونار داخلي سوي لي متى تقعدين تحاتين و فعلا سوت سونار داخلي و طلع فيهم نبض الحمدالله.
لا تحاتين انشالله خير يا رب و تسمعين النبض و يثبت و اتشوفينه بين ايدج و تقر عينج بشوفته.

[رجه بس فله]

بسم الله الرحمن الرحيم
اختي العزيزه لاتحاتين انشاءالله خير
انا حامل لي 7اسبوع وللحين مابين نبض بس الحمدالله
سويت سونار وبين وتغربيا انتي لك 4 اسبوع صح يعني بدري مايطلع الحين ولاتحاتين في الاسبوع 7 .8 يطلع النبض والله اتمم عليك علي خير وتقر عينك

[abrar]

شوفي ياقلبي النبض ينبان بعد اربعين يوم من الحمل يعني بالاسبوع الخامس
او السادس او السابع انا بان معي بالاسبوع الخامس
وتقريبا اناقبلك بشهر

[rose]

الله يتمملك ع خير وصحة وسلام يارب انت وكل حامل
شوفي الاكيد انه يبين مابين الاسبوع السادس للثامن ع حسب كل جنين بيختلف

[توفيه الفوشيه]

الله يتمم عليك وابالاسبوع الثامن ان شاء الله تسمعينه

[زهــــور]

الله يجزاكم خير ولايحرمني منكم

ويارب يتقبل منكم ..

[om feesal]

يبين النبض من الأسبوع السادس إلى الثامن

واسألي دكتورتك اذا من الأفضل تاخذين اسبرين اطفال

لان انا حملي الاول مابين نبض واجهضت

والحين حملي ولله الحمد كتبت لي من بداية الحمل اسبرين والحمدالله انا في الشهر الرابع والله يتمم لي على خير

[ملكة الاحساس]

ياقلبي 4\10 تكملي شهرين الله يتمم لك على خير

[زهــــور]

انا اللحين على اسبرين الاطفال من بداية الحمل

ومشكورين على الدعوات الحلوه

يارب افرح فيه واشوافه ..