حبيباتى سيدات ليبيا تفضلو لأعرف ما حالكم

[جوهرة ليبيا]

لااااااااا اثري جيتي وانا بنطلع تعالي هدرزي عليا شويه ليك وحشه

[أثري في مدادي]

ههههههههههههههههههه

جيجي
خشتنا دوما متقاربة

الله يسهلك ولادتــــــــــــــــــك
ويسخرلك حالك ~~~~

[جوهرة ليبيا]

اثري اعطيني رايك شن نلبس في الكسوه عندي عرس نهايه الشهر وجايبه فرقه دف اسلامي يشكروا فيها


والحق الكسوه حتكون مستوره مافيهاش العريان هلبه والله حتي نمشي لعرس بدون منظومه وفي حوش انموووت ميات مره علي هالمناظر ربي يهديهم


وعريان علي عريان يفرق ندعي ان ربي يغض بصري وخلاص

[أثري في مدادي]

تعرفي جو البحر
جبتيه في خاااااااااااااااااااااااااااااطري
مش عادي

الله يباركلكم في جميـــــــــــــــــــــــــــــــــــــــــــــــ ــــــــــــــع أيامكم

حتى أني متوحاشاتك

[جوهرة ليبيا]

انفكر نلبس البدله الكبيره بطريقه ملكيه


عرفتيها

تسريحه ومكياج بس التسمال يلتبس زي الكارونه عالشعر وينحط فوقه الشنبير والردي من الخلف يطلع من تحت الفرمله

كان ايد مفتوحه تحت الراس

وبدون حزام مش عارفه وصلاتك الفكره بالشرح او شابحتيها

[جوهرة ليبيا]

ذكرتيني في مشيه البحر محلاها السبت ان شاء الله سبوع بنت اختي بيذبحوا وبيديروا غدي للرجاله وبنمشوا كان هدا مشيت


وعازمه اختي حتي امتاعين راجلها البعاد مايقدروش ايجوا في الليل

وسبوع للنساوين قاعده مش عارفه آمتي بديره


وقاعدين مش عارفين شن ايسموها ههههههه ربي يحفظها خليتها اليوم تعيط

[أثري في مدادي]

إممممممممممممم

حكاية فرقة الدف الإسلامــــــــــــــــــــي
هذه !!!!

موضة جديدة
المدة الماضية حضرت حفلة وحدة نعرفها
على أساس جايبة حاجة زي هكي

يالطيف
شكلهم مش مريح بكل .................. استغفر الله
الحواجب شبه مســـــــــــــــــــــــــــــح
وراسمينهم رسم
وسماهم .......................... ؟؟؟............
وأسلوبهم بكل مش حلوووووووووووووو

صاحبة العرس هي صاحبتي مش راضية بكل عليهم
لكن بنتها العروسة شادة فيهم باش ينشطوااااااااااا العرس

والله انشطوا فيه بدفنا خير منهم
هم لما هرب الضي معاش بوا يغنوا
ولما جي الضي
نقصت صاحبة العرس الصوت
بدوا يصيحوا ويقولوها ما تتدخليش فينا
في الأخير ناضوا
متعفلقااااااااااااااااااات
وروحوا

علما
بأن هناك من قال أن الشيخ أللباني لم يجيز أخذ الأجرة على الغنااااااااااااء

بالله إحكيلي بعد العرس عن انطباعك عنهم .... ولعلهم يكونون غير هؤلاء !!!!

[جوهرة ليبيا]

انا طايحه نسال وانتي قاعده تكتبي هههه

نبي محل اطفال مواليد منزل بضاعه للخريف وفيه لبسات حلوات امتاع بنوتات مانبش القامجوات ولبس اللي مافيشي لون

[أثري في مدادي]

إمممممممممممم

عرفتها حلوووووووووووة

وتناسبك من جهة حملــــــــــــــــكــ

روعة ............. نحس فيك حتطلعي .................. لقطة
اللهم بارك

[جوهرة ليبيا]

والله مانعرف هو صح ايصير الاختلاف وانتي وحضك

بس في حفله صحباتي ماشفناهمش واخدين مكان بعيد والصوت هادي مش تلعليع وعادي والله اعلم