اخر اخباري

[فروووحه a]

السلام عليكم

بنات للاسف طلع مافيه حمل الحمدلله على كل حال لان كان احساسي ان مافيه حمل حتى قلت لزوجي مااحس بااعراض ولا شي وغير كذا ماصار جماع في ايام التبويض
بس زوجي كان مصدق الدكتور لان الدكتور كان واثق ان فيه حمل ولا بعد قال بنسبه كبيره جدا جدا ان فيه حمل
الدكتور كثير شاطر ماشاءالله وقديم وعنده خبره
هو قبل شهر شك ان فيه حمل وسويت تحليل بس للاسف تحطمت
وهذا الشهر كلامه كان واثق اكثر من قبل
الله يهديه ماله داعي يحطمني مره ثانيه حتى لو كان واثق المفروض مايأكدلنا بدون التحليل
انا اول ماقال انه يمكن فيه حمل مافرحت لاني عارفه نفسي مابي اتحطم اكثر من كذا وبنفس الوقت كل شي جايز وربي قادر على كل شي

الدكتور يوم كشف ع السونار شاف الكيس وحجم الرحم كبير يعني معقوله ماخطر ع باله ان ذا ممكن يكون الكيس الوظيفي اللي كان قبل !

الزبده انا الحين خايفه ان فيني شي
وش سبب كبر حجم الرحم ؟

دعواتكم ربي يعوضني في بنتي

[سوزان الرياض]

جعلها خيره حبيبتي
الله يعوضك
الاطباء مجرد اسباب عليك بالدعاء والاستغفار

[حياتي توأمي]

أولا ياقلبي لو تغيري الدكتور افضل
المفروض اي دكتور مايكون واثق هالثقه العمياء لأن لو طلع عكس كلامه يفقد مصداقيته
والثقه دائماً ماتكون بهالطريقه لأن الله العالم باﻷرحام
وربي يزرع برحمك جنين سالم معافى يارب بدل اللي فقدتيه ويعوضك خير ان شاء الله

[حياتي توأمي]

أنا دكتورتي اللي حملت على ايدها طبعاً بعد فضل الله تعالى
كنت كل ماسألها هل فيه أمل هل ممكن أحمل هالشهر كانت كل كلمة على لسانها الله القادر على كل شيء ثقي في الله
مع انها كمان شاطره ومعروفه لكن لم تتباهى بنفسها ابداً وسبحان الله بنفس الشهر اللي تعالجت معاها اول مره حملت سبحان يارب
مع اني كنت اتعالج مع دكاتره كثير لكن مانفع معاهم
حلو لما يكون الدكتور واثق بالله قبل الوثوق في نفسه
ولهذا السبب قلت لك غيريه لعل ياقلبي ربي يكتبلك الخير على ايد دكتور غيره
وموفقه يارب

[فروووحه a]

المشاركة الأصلية كتبت بواسطة حياتي توأمي

أولا ياقلبي لو تغيري الدكتور افضل
المفروض اي دكتور مايكون واثق هالثقه العمياء لأن لو طلع عكس كلامه يفقد مصداقيته
والثقه دائماً ماتكون بهالطريقه لأن الله العالم باﻷرحام
وربي يزرع برحمك جنين سالم معافى يارب بدل اللي فقدتيه ويعوضك خير ان شاء الله

تصدقين فكرت اغير الدكتور ودي اقول لزوجي بغيره
هذي ثاني مره يحطمني انا ابكي لانه خلى زوجي يصدق
غير كذا مااحب احلل منزلي عشان مااحطم زوجي

طيب وش سبب كبر حجم الرحم ؟ اذا عندك افاده

مشكوره حبيبتي دعواتك لي

[فروووحه a]

الدكتور هو ماشاءالله شاطر وكثير حملوا من بعد الله ثم هو
في حملي الاول بعد زواجي بشهور رحت له ومن اول كوورس الحمدلله حملت
بس هو يمكن من السونار اكد له

دورتي متأخره اسبوع من بعد حبوب ريباريل تبع الكيس
من عندها خبره متى تنزل الدوره من بعد هالحبوب

[سحابة الماضي]

معلش حبيبتي الله يعوضك

ما عندي علم ايش السبب

والله يرزقك اللي بتتمنيه

[ندى الوردة]

ربي يعوضك الشهر الجاي
وياريت تتابعي تبويضك لحالك عن طريق جهاز التبويض كثييييييييير حملو بهذه الطريقة

[أتوق للجنه]

ربي يعوضك بالحمل السليم المعافى يآآرب