>> تجمع الي موعد ولادتهم محرم 1435 <<

[دلوعه عبدالله]

بنت النور ودي اسوي الرباعي بس الظروف صعبه شوي هاليومين

زوجي شاري قطعه ارض وحط فيها كل اللي عنده وجاي العيد و تجهيزات الولاده و قيمه الولاده لاني بولد بمستشفى خاص فماودي اثقل عليه

وزي ماقلتي الابيض احسن للبيبي حديث الولاده انا من الاساس احب اللون الابيض حتى ولدي وبنتي اغلب لبسهم ابيض

بستنى لموعدي الشهر الجاي واذا ما عرفت خلاص بجهز ابيض وبيج وبترك جنس الجنين مفاجأه لي ههههههه

[احلا نغم]

مسااء الخير حبووبات ..كييفكم
بناات انا بعد ابي اسوي سونار رباعي
بس خايفه مايبين لان الجنين راسه لتحت
تتوقعون يبين وجهه و ملامحه و نوعه و هو راسه ع تحت ؟؟

[أفنان الرياض]

بنات كتبت موضوع سألت فيه سؤال مهم


وين اسوي الاشعة رباعية الأبعاد في الرياااااااض

http://forum.hwaml.com/t268083.html

لأني سويت اشعة في كذا مكان مثل الحبيب بالتخصصي
ومستوصف شعاع
ومستشفى المك فيصل التخصصي
ولا واحد فيهم كان اشعة ملونة ، اغلبهم عادية او ثلاثي ابعاد ابيض واسود

وانا ابي الملونة اللي تبين ملامح وجه الجنين والجنس
الله يهون علينا

وبكم تكلف

[احلا نغم]

افنان حبيبتي
انا مو من الرياض ان شاء الله البنات يفيدووك
و اسعارها اتوقع تتراوح من ٣٠٠ الى ٦٠٠

[بنِت النوُر]

افنان انا سويته بالجزيره الي بالنسيم ب300 يبن وجه البيبي بس مايعطونك سي دي للاسف
وع فكره بيكون الشاشه لونها اصفر مو الوان^_^
بس ملامح البيبي واضحه

نغم مادري اذا البيبي راسه لتحت يبن او لا. *_* انا كان متخبي بالمشيمه شفت جزا من وجهه الله يحفظه لي ويبلغني فيه بكامل صحته يارب

[احلا نغم]

�� مشكوووره بنت النور
يعني ماراح القى جوواب ��

[بنِت النوُر]

نغم يمكن الملامح تكون واضحه حتا لو منزل راسه انتي اسالي الدكتوره ...اتوقع يبن لان ع جنب يصورنه فاتشوفي جزا من ملامه ..اسالي نغم وشوفي لان شعور ماينفووووت ابد

[دلوعه عبدالله]

رخيص ب٣٠٠

عندنا ب٨٠٠ ريال هع

[احلا نغم]

بنت النوور مشكووره حبيبتي حمستيني
ان شاء الله بحاول اروح هالايام و ياارب يكون وااضح

[بنِت النوُر]

دلوعه اكيد في مستوصفات ارخص انت من وين
بالرياض عندنا في مستوصفات 700 وفي 800 وفي 350 وفي 300 ابحثي بالنت اكيد في مستوصفات ارخص