الله يسهل امري مع الدكتوره يارب

[شعشوعه]

صباح النور بنات ،،، انا امس فليل تعبت شوي سبق وقلت لكم ان الدوره متأخره حيل علي والحين لي عشر ايام متأخره والله مو قادره اوصف لكم نفسيتي من التعب والالم اللي بصدري وكل ماله يكبر طبعا انا حسيت انو هرمون حليب سبق وقد جاني قبل طفلي الثاني وعالجته من والحمدالله ورزقت بولد والحمدلله يارب على نعمتك طبعا هذا بفضل الله وفضل علاج الهرمون وشرب المراميه بعد الاغتسال من الدوره بشكل يومي اشربها والحمدلله راح ماطول معي ، وبعدي اجلت فكرة الانجاب لمدة خمس سنوات بحكم ظروف جتني والحمدالله كانت دورتي منتظمه ولا اكل موانع ولاشي كان الانزال خارج الرحم ، بس الحين خلاص اريد الانجاب بس هالشهر مدري وش صار للدوره وللحين مانرلت وحللت وماطلع حمل و حجرت موعد مع الدكتوره اليوم عشان اشوف سبب التأخر من وين وزي ماقلت لكم انا حاسه انه هرمون الحليب مرتفع شوي ونزل امس مني قطرات خفيفه من صدري والحمدلله على كل حال ودعواتكم لي الله يسهل امري مع الدكتوره أدعولي الله يجزاكم الجنه ويزقكم جميعا..

[حياتي توأمي]

حبيبتي نزول نقط الحليب من الصدر دليل على هرمون مرتفع للحليب
فأنتي لاتخافي ان شاء الله تحملين بالقريب العاجل
وطبعا علاج الهرمون سهل وبسيط والحلو ان علاجه سريع
ماعندك اي اسباب تعيق حملك وحملتي قبل وان شاء الله الثالث جاي بالطريق
بس راجعي الدكتورة وخذي العلاج اللازم وان شاء الله تحملين بعد هالدورة

موفقه

[شعشوعه]

المشاركة الأصلية كتبت بواسطة حياتي توأمي

حبيبتي نزول نقط الحليب من الصدر دليل على هرمون مرتفع للحليب
فأنتي لاتخافي ان شاء الله تحملين بالقريب العاجل
وطبعا علاج الهرمون سهل وبسيط والحلو ان علاجه سريع
ماعندك اي اسباب تعيق حملك وحملتي قبل وان شاء الله الثالث جاي بالطريق
بس راجعي الدكتورة وخذي العلاج اللازم وان شاء الله تحملين بعد هالدورة

موفقه

مشكوره حياتي توأمي الله يعطيك العافيه والصحه ويفرح نظرتك بطفلك ياكريم ،، دايم كلامك يقنعني واسلوبك جميل اهنيك اختي على روحك الطيبه والله يسعدك يارب.

[سوزان الرياض]

الله يعينك ويسهل امرك
كثري استغفار

[زهرة البنفسجي]

راجعي الدكتوره والله يفرح قلبك بالحمل عن قريب وتبشرينا ..

[أمنيه]

انا قبل كم شهر كان ينزل من صدري قطرات بس لما سويت تحليل هرمون الحليب طلع طبيعي !
بس بهذاك الشهر كنت اشرب بردقوش فمادري هل هو طبيعي فعلا ولا البردقوش نزل هرمون الحليب

[الأمورة سوس]

الله يساعدك حبيبتي

[ahlam-f]

مدري هالمعلومه صحيحه او لا بس اللي اعرفه البردقوش و المرمريه ترفع هرمون الحليب ..

[أتوق للجنه]

الله ييسر أمرك حبيبتي تطمني علاج الهرمون بسيط إن شاء الله تحملين واستعملي البردقوش جدا ممتازه
الله يفرح قلبك ويفرحنا بفرحة الحمل ولأخواتي المنتظرات

[عشقت انفاسك]

ربي يسهل عليك امورك

ويعطيك اللي تتمنينه يارب