حبيباتى سيدات ليبيا تفضلو لأعرف ما حالكم

[أم أجنادين 80]

سفرة دايمة ام فراس
ماشاء الله ناشطة وتشكلي انتي وجيجي

الف لاباس علي رنوووو

ماهو جيب التاجر ؟؟؟
قصدك جيجي درتي سويسرول والعصبانهة وكيكة النسكافيه علي طريقتي ؟؟؟

[أم أجنادين 80]

للاسف زوجي مايحبش الباشميل

حتي مكرونة الباشميل ماتعجبش فيه

والسبب مش متعود علي طعمتها لانه مايحبش الجبن
زي ماحكيتلك كيكة السينابون حتي هيا مش عاجباته لانه فيها جبنة

طبعا هوا مايدريش ان فيها جبنة بس انا استنتجت هدا

[أم أجنادين 80]

يلا اعطونا طرق حلويات

طبعا مش مدايرة في العيد بس بنجرب في رمضان

ناخدوهم مع الشاهي

امس درت المبطن الحلو جاني يابس شوية

[sosolibya]

السلام عليكم ورحمة الله وبركاته

المشاركة الأصلية كتبت بواسطة جوهرة ليبيا

انا خاطري في قفطان اماراتي وليس خليجي وحنه رقيقه وحمراء


يااااااااااارب طمني علي بوي حبيبي وتوانخيط واندير كل شئ


اليوم مقدرتش نمشي علي خاطر رنوده من يوم مرض كل يوم غادي


اليوم فطوري علي ذوق جنوده الغاليه


العصبانه


والسويسرول حار ومالح طلعلي يهبببببببببببل خصوصا ان هريستي العربيه حاره يم يم ربي يحفظك


وكيكه النسكافيه


وبوريك وبيتزا وخبيزات


وبيتزا الخضرا علي خاطر عزوزتي بس انحط فوق جبنة شرائح موتزاريلا بدون ملح

ومحشي علي خاطر عزوزتي درت شوي وحلو الحق وماقعدش

وحويتين نوع وراته يهبل عزوزتي قالت انه حلو درته هذاك اليوم المشاوي تبلتلها زويز وشزيتهم في الطنجره مع سلاطه مشويه ودرتلهم فحمه كنهم مشوين عالفحم

وجيب التاجر اللي في الشوايه بحشوات مشكله ومحلاه بالسلاطه الورق الخضرا والدجاج المفحم يمممم

وقلعاوي وعصائر والحمد لله


بعدت سفره مشكله لسلفتي وبث


طبعا سلفتي خشت العاشر الحلو يتغلي علينا مايبيش ايجي هههه ربي يقومها بالسلامه


والله اليوم عاينت وتاثرت لان الدكتوره اعطتها اسبوع والا عمليه مع ان ولاده الزوز جابتهم طبيعي وولاد ساهله

سبحان الله كل بطن وعجبها

ربي يفكها من العمليه وتنوض بالسلامه

جربت العمليه ومانودها لحد ربي يحفظ الجميع

شنج جيجي ولا بأس على رنودة الحلوة ومبروك ماخديتيلها

سامحينى جيجي عندى تعليق
انا مانكذبش فيك لكن معقولة
محشى وسويسرول حلو وحار وحوت وبوريك وبيتزا وخبيزات
وبيتزا وجيب التاجر وكيكة النسكافيه
والعصبانة

بالله امتى صار هذا كله وكله درتيه بعد مادهورتو فى المحلات
يعنى حتى و بالعقل بتقسمى ألأعمال على الدقائق والساعات مايتموش هذا يبى عجن وتخمير وحشى وتتبيل ولف وقلى وضرب فى الخلاط وكوشة ووووو

بالله ماتحرجيش منى مش نكذب فيك لكن كيييييييييييييف؟؟؟؟؟؟؟

[sosolibya]

شنو هو جيب التاجر؟؟؟؟؟؟؟؟؟؟؟؟؟؟؟؟

[sosolibya]

بصراحة أنا كبدى فدت من التطييب لا وكيوم بتفكرى هى غير التفكير ساد

بعد رمضان إن شاء الله معاش بنطيب اسبوع خخخخخخخخخخخخخخخخخخخخخخخخخخخخخخخخخخخخخخخخخ


امىبدير مقروض للعيد جنودة وبدت ادير من توا وجاها رووووووووووووعة قالت بالك فى حد بيشرى هى سطا فيه ماشاء الله

وانا الحق قبل مادرتش لكن خاطرى نجرب حاجة هذا العيد

[sosolibya]

قبل ندير أنا وماما او ندير حاجة ساهلة أو ناخد من مرت خالى



جنودة المبطن الحلو أو البكلاوة الجافةة هو نفسها يجنننننننننننننننننننننننننننننننننننننن ونموت فيه

[sosolibya]

أثرى لو سمحتى


فى سورة الفاتحة تختلف الروايات فى كلمة
ملك يوم الدين
و
مالك يوم الدين

وأنا شخصيا كل مرة نقول وحدة وياااااااااارب يسامحنا ويغفر لنا

[sosolibya]

ممممممممممممممم فكرة عصبان الشراقة هذه جديدة علينا

نحنا نعرفو العصبان لو مصارين خروف ومايتحملوش يتبوخو فى الكساس وغير هكى فهما ينطبخو فى طنجرة
فى مية متنكهة باللوسة وبس لما يطيبو يتبوخو شوية باش يجفو أو حتى مش ضرورى التبويخ بعد الطبخ

[جوهرة ليبيا]

السلام عليكم ورحمة الله وبركاته