بنات طمنوني

[الجوري2013]

السلام عليكم
بنات ابقولكم على سالفتي وياليت تساعدوني انا حامل بالشهر الخامس
وامس وانا اسوي العشاء شرقت بريحة البصل وكحيت وانا واقفه وصار ضغط على البطن من جهة اليسار واثناء الكحه حسيت بالم اسفل بطني جهة اليسار وبعدها اختفى لما صحيت من النوم اليوم حسيت باالم بجهة بطني اليسار كل جهة اليسار تالمني واحيانا احس بمثل وخز الابره والام مثل الكدمات او الضربه وانا خايفه انه انفصال بالمشيمه بسبب الضغط لما حكيت وانتم وش رايكم
زوجي قالي لاتوسوسين عشان كحه يمكن شد عضلي وانتم وش رايكم انا خايفه مع العلم مانزل دم ولا شي الحمدالله بس الم مثل ماقت لكم وودي اروح المستشفى بس المشكله احنا تبع تامين وهالتامين عله مره وحده في الشهر اسوي سونار وانا توني مسويته مالي الا اسبوعين تقريبا

[الجوري2013]

افااااا خمسين مشاهده ولا فيه ولا رد واحد لو دعوه

[درين]

لا تخافي ياغالية اكيد شد عضلي
لا تتوسوسي غلاتي
مدام مافي لادم ولا شي طنشي
الله يتمملك على خير

[فطوومه]

انا اقول نفس ماقال زوجج ﻻتوسوسين ..
انا يوم حامل يجيني هالالم ..
بس اذا انتي تحاتين وايد روحي تطمني ع البيبي ..

[الجوري2013]

درين
فطومه الله يجزاكم خيررر
والله ريحتني ردودكم

[المترفهـ]

انا صارلي مثلك بس انا توي بداية الحمل
ان شاءالله خيرررررر استوديعه الله


وعندي سؤال المعذرة منك
ياليت تقولي انتي تامين ايش؟
انا محتارة اشترك مع بوبا او التعاونية

[الجوري2013]

احنا بوبا شين لاتاخذينه
خذي التعاونيه يمدحونها
طيب ماقلتي لي يوم صار لك مثلي وش صار بعدين

[المترفهـ]

اهم شي مافيه نزيف او شي لاسمح الله
انا ماسويت شي بس حاولت اريح نفسي وخفت الالام

[براءة انسانة]

لاتخافي حبيبتي انا عانيت من الحساسيه
وع طول اعطس ويجيني شد ويمسك معاي وأتألم كثير من بطني وتحت بطني
وماكنت افكر كذا متوكله على الله والحمد لله ماصار شي والحساسيه خفت عندي

[المجتهدة...]

تطمني حبيبتي
انا مثلك باول شهور مع الوحام ولجيت استفرغ يجيني نفس المك
واذا حابه تطمني اكثر وترتاحين من الوسوسه روحي لدكتورتك