دردشة بنات فلسطين , دردشة حوامل فلسطين , تجمع بنات فلسطين

[سما الدنيا]

سالت قبل فتره عن عجينة العشر دقائق حسيتها بس بتزبط للبيتزا والمعجنات الحلوه عطوني احسن عجينه انتو بجربوها ما بدي رابط نت للمعجنات المالحه زعتر وسبانخ وجبنه الله يرضا عليكم ضايل عندي كمان ربطة زعتر حرام ينكبو..

[لولو الفلسطينية]

سما انا لما اكون مستعجلة بعمل عجينه العشر دقايق لانها اسرع
بس لما ما اكون مستعجله بعمل هاي الطريقة كتير زابطة
4 كاسات طحين
بيضة
معلقة لبن رايب
معلقتين حليب هي في الاصل لازم حليب جاف بس انا ما بحب استخدمه فبحط معلقتين حليب عادي سائل
معلقة و نص كبيرة خميرة
معلقة صغيرة سكر
نص معلقة صغيرة ملح
نص كاسة زيت زيتون
معلقتين كبار زبدة سايحة
كاسة و نص مية دافية بس مش سخنة كتير و هاي المية ما رح تحتاجيها كلها يعني انتي بتشوفي لتصير العجينه زابطة و بتوقفي
اول شي بتخلطي الاشياء الجافة مع بعضها بعدين بتحطي الحليب و البيض و المية و الزبدة و الزيت و اللبن رايب و بتعجتيها و بتتركيها ترتاح حوالي ساعة

[عيـ‘ـون المهـ‘ـا]

المشاركة الأصلية كتبت بواسطة احساس أنثى

يسعد صباح الجميع عيون المها
انا مش ححكي كتير حكيت بما فيه الكفايه واكتر من هيك ماعندي كلام
اذا حابه تضلي مع مسك بهالشكوك برجعلك / لاني تعبت من هالموضوع كتير
قدمتلكم يلي في الكفايه ولسى مصرين اني عم كذب خلص كل واحد ياخد فكره عني يلي بدو اياها
لكن اكتر من هيك ادله وحكي ماعندي

وانا ماعندي سلفه واذا حابه حضرتك تتأكدي انا حكيت لمسك مستعده استقبلك ببيتي
مع انو جوزي لو عرف بكل القصه ماحيسمح بهالشي لان كل واحد بيعرف حالو ومش مستعده اقدم اهذاري لهالدرجه هادي دافعت عن حالي كتير
وحكيت كل يلي عندي

بعدين الاداره حكت انو العضويات مش من نفس الجهاز لسى مش مقتنعه وعم بتقولي فرضا انا هيا نبض شو بدك اكتر من هيك دليل

للاسف ماحعتذر عن كلامي الا للبنات يلي جد صدقوني وحسيتهم متل خواتي لكن البنات لسى حاطيني موضع شك اقلهم شكرا لمسك يلي قدرت تلعب بعقولكم
وارجعي لكل ردودي مع البنات بتعرفي الاجابه ع الاسئله يلي سألتيها

شكرا الك ام عبد الله ربي يسعدك كفيتي ووفيتي لانو للاسف ماخدين مسك الملاك يلي مابيغلط ومااستعدت الاخت عيون
تقف ولو للحظه معي وتقول ليش مسك ماردت ع أسئلتي كانت تسأل وانا اجاوب ولما انا اسأل تختفي

سمحت لنفسي أني ارد عليكي اليوم لآنو راح يكون هاد اخر تعقيب الي عن موضوعك او بالاحرى مشكلتك انتي و مسك و بالنسبه إلي الموضوع انتهى من اليوم و أصبــــح مــــــــاضي !!! و ما بدي اسمح لنفسي ابقى في معركه وهميه اخمن و اشكك في اطرافها
الظاهر انك ما قرأتي تعقيبي منيح و إلي بديت في بسؤال وجهتو لمسك أولآ
هل يا مسك انتي بنيتي ظنونك بأحساس و اتهاماتك الها على اساس الشك و إلا بأدله قطعيه من ارض الواقع؟؟
ارجعي و شوفي كم سؤال وجهتو لمسك و طالبتها بالاجوبه؟؟؟؟؟؟؟؟
حكيتي اني ما وقفت معك للحظه احساس ارجعي للتعقيب و افهمي ما فيه منيح
و اني كتبت فيه التناقضات في كلامك و كلام مسك و طالبت مسك انها توضح ياللي عندها خصوصا بعد ما نزلتي شهادة ميلاد ابنك وحكيتي انو ما في اي علاقه بتربطك بمسك و نزل رد الاداره ,,و كنت عم بحكي لـ لولو حماده
هلآ الكره بملعب مسك و عليها الدور انها توضح كل ما عندها حتى تنتهي القصه
لانو لازم نسمع من الطرفين للنهايه و انتي نزلتي ادلتك بمحض ارادتك كان دور مسك تحط ادلتها على الطاوله بكل وضوح و كنا عم نستنى منها هالتوضيح او هالاثباتات القاطعه اللي اعتمدت عليها في اتهاماتها الك ,,
و يرجع جو الهدور لهالمكان و انتي عم تحكيلي ضلك مع مسك بهالشكوك
ارجعي و إقرأي تعقيبي منيح قبل ما تفسري كلامي بطريقتك
و انا لا طالبتك لا بإدله و لا بإثباتات الك بشكل شخصي

و انا ما حكيت فرضا انك نبض انتبهي منيح احساس لكل كلمه النزاهه عنوان قلمي
و ما تخلطي كلام ما حكيتو بين سطورك و ردك
انا حكيت دخول نبض على الساحه كان بشكل مفاجيء!! بهديك اللحظه
رغم اني حكيت لمسك حكيتي انو نبض جارة احساس و بتتصل فيها لتعبئة المي كيف صارت نبض احساس؟؟؟؟؟؟؟؟ يا اخت احساس
و حكيتي شكرا لمسك اللي قدرت تلعب بعقولكم ,,راح ازكرك بتعقيب نبض ياللي حكت انو يا احساس انا كنت شاكه بوحده تانيه مو فيكي ههههه يعني مسك كمان قدرت تلعب بعقل نبض و تشك بوحده تانيه؟؟؟؟؟؟؟؟
ما بدي ارجع للردود و ما بدي اي اجابات لامنك و لا من مسك و بكفي لهون

و انا كنت بدي اترفع عن هالموضوع من امبارح خصوصا لمى نعتينا بانو احنا امهات تافهات و ساذجات
و اشوف فيكم يوم ! اعتقد مهما كان صاحب الحق موقفو قوي بس ما يتعدى حدود اللياقه في الكلام و للحوار اسلوب و انا ما بحب اكتب بلهجه تانيه
بحب يضل قلمي يكتب و يرد بنفس الاسلوب ياللي عودتو عليه مع الجميع بكل احترام و نقاش عقلاني
و هلآ الحكم لله هو الشاهد عليكي و على مسك لانو ما بعلم الغيب الا هو

بهيك بكون هاد اخر رد في المووضوع و وضحت كل كلامي مو بس الك
للجميع

على امل انو يرجع هالمكان متل ما كان

[احساس أنثى]

ياستي اذا اخطأت بحقك او حق غيرك لعتذر
بس كان مجرد رد فعلا لانها صدمه وصدمه مش هينك لما تلاقي حالك الكل ضدك وانتي لوحدك
وبنفس الوقت مظلومه

[فوفو89]

استغفـــــــــــــــر اللـــــــــــــــــه العظيـــــــــــــــم

[سما الدنيا]

مساء الخييييرر..
وبرضو جوزي اليوم متاخر...
وماله ..
حواء اغراض ابني اجو ملونين بالصدفه ..حاسه مشاية بنتك متل تاعت ابني ..ونفس االون

[سما الدنيا]

هلا فوفو منوره الذاكره عندي ضعيفه من وين وحكيتي انتي

[سما الدنيا]

لولو الفلسطينية يسلمو عالعجينة راح اجربها ان شاءالله بس حاسة الخميرهكتير اذا منا انخمرها ساعه بس عكلن راح اجرب ان شاءالله تزبط وتطلع زاكيه معي

[احساس أنثى]

دموع انتي استغربتي اني لسى برضع زوزو وانا حامل
حزنانه عليه حخليه للسنه بعدين افطمو

[احساس أنثى]

البنات اختفو
اروح ادرسلي كلمتين
حاكم الاسبوع هاد ضاع في المناوشات :)