دردشة بنات فلسطين , دردشة حوامل فلسطين , تجمع بنات فلسطين

[حيفا]

عيون المها : حاولت افكر بالبنت ما عم يطلع معي شي ، لانه كل بنت معانا هون بحسها اخت ، مش زابطه معي اعرف مين هي ابعتيلي عالخاص احكيلي مين ههههههههههههههههه
وياستي مين ما تكون تكون الله يعينها عالحمل اللي هي فيه :)


والله يا عسولتنا بقولو في بنت بيناتنا عم تضحك علينا وتقول انه عندها اولاد وبتكزب علينا باشياء تانيه ، وطبعا مسك اللي بتعرفها وباقي البنات عملو المحقق كونان ليعرفوها هههههههههههههه بس مش زابطه معاانا :)

[عسولة فلسطين]

حيفا ... يختي اسألي ايش مابدك..
كتييييييييييييييييييييير مشتاقة لك ودايما عبالي والله
من زمان بحاول افوت المنتدى بس ماكان راضي يدخل باسمي وما بحب اقعد اغير باسمي واعمل الف حساب
قلت اليوم خلص ولعت معي قام خاف مني ودخل باسمي الحمدلله
انا هلأ باخر اسبوع بالتالت .. والحمدلله كل اموري تمام وعملت عملية ربط عنق الرحم متت منها اول يومين تقولي طلق كان معي ما قدرت بالمرة.. بس الحمدلله.. لا والله ماعرفت نوع البيبي بس عندي موعد السبت الأسبوع مش بكرة اللي بعده ان شاء الله بيكون بين
ايووووة انا حسيت انه صاير شي... زي الاطرش بالزفة ^_^
بس معك حق انه قد ما نخمن مش حنعرف مين لأننا كلنا خوات وما بتخيل بيوم وحدة فينا تطلع ما بتحكي الصدق...

المهم اخبارك انتي ايش؟
انا عندي امتحان توظيف ولليوم ما قرأت والا كلمة والله ملتهية بشغلي يا وردي علي حارسب فيه وبفكر ما اقدمه

[حيفا]

تسلميلي يا عيوني انتي وربي يتمملك على خيييييير ياااااارب وانتي والله بالبال دايما
انا بخير الحمد لله هيها ايامي ماشيه بحمد الله ، بين الدورة والدورة حياة طبيعيه لما يقرب موعدها ببدأ النكد والكآبه هههههههههه

والله يعينك يارب ويوفقك ، طب بما انك توظفتي لساتك بحاجه امتحان التوظيف ؟؟

[عسولة فلسطين]

حيفا... بيعين الله توكلي ع ربنا وبس
يعني المرة الماضية كنت عند الدكتور شفت ست بتحك للتانية انه ابنها كانوا يقولوله ماعنده ولاد.. فبعدين فهمت انه النسبة صصفر
بتقول اخد علاج ماكمل ال 3 شهور الا مرته حامل وجابت صبي والله وقتها خطرتي ببالي وصرت أدعيلك وامبارح بوقت السحرة دعيلتك انتي وغموض و انبثاقة يعني قولي يارب وبس
بالنسبة للتوظيف انا بدي اقدم امتحان للأنروا.. ليطلعلي تثبيت بس شغلي انا عقد واحتمال يتجدد
لهيك شغلي يمكن مؤقت مش دائم

[حيفا]

حبيبتي والله انا مش قصه اني ما عندي امل بالله او اعتراض لا سمح الله ، بس غصب عني والله بحس بقلبي بيوجعني كل ما احس بنغص الدورة ، وبقول هي راح كمان شهر من عمري بلا حمل ، قربت عالثلاثين انا كتيير خايفه من هالموضوع ، وياستي متى ما ربنا كتبلنا رح يصير باذن الله :)

ع فكرة ما بعرف اذا كنتي موجوده او لاء فترتها بس انا صار عندي حمل بس ضعيف ونزل يعني عرفت عنه يوم الخميس يوم السبت رحت اعيد الفحص لقيت الهرمون نازل ، الحمد لله


ويا ستي الله يوفقك بالامتحان وانتي شطورة بتنجحي بلااااا دراسة ان شاء الله ههههههه

[عسولة فلسطين]

عنجد هي اول مرة اعرف.. بس لعله خير
بس شفتي انه ربنا ع كل شي قادر بعدين ربنا حيكرمك آخر كرم وقولي اني حكيتلك

بالنسبة للامتحان هو مسابقة ههههه وانت وحظك

[حيفا]

ان شاء الله يا اكرام ربنا يعوضني ويعوضك بكل الخيييير يارب :)

المهم واهم سؤال متداول شو طابخين ههههههههههه

[لولو الفلسطينية]

صباح الفل
مين هون ؟
عسولة
يا عسولة هههه يا الله شو بتيجي على بالي مشتاقتلك يا بنت
الله يتمملك على خير و يعطيكي الي بتتمنيه
ضلك حاولي طمنينا عنك ما تقطعينا
موفقة بالامتحان بس لازم تدرسي ههههه
عيون المها
كلامك على العين و الراس و انتي معك حق بكل كلمة حكيتيها
الله يهديها هالصبية مين ما كانت
احساس
ما تخافي انتي قدها و قدود و ان شاء الله بتلحقي تجرسي للامتحان و بتحققي الي في بالك يا رب
ام عبد الهادي
اهلا و سهلا فيكي بيننا نورتي يا عسل
حلا
سلامة قلبو خليل الف سلامة عليه
ان شاء الله صار احسن ؟
مش عارفة شو قصة هالحرارة
اختي و اخي الصغار صارلهم كم يوم مساكين حرارتها 39 و 40 بس امبارح تحسنو
حيفا
النشيطة هههه يسعد صباحك يا بطة
حواء
ان شاء الله تنبسطو برحلتكو و تقضو وقت حلو
ام عبد الله و دودو و و سما و كل الصبايا يسعد اوقاتكم
نور العمر
شو صار معك لسا ما ولدتي ؟؟

[لولو الفلسطينية]

انا من امبارح كل نصي التحتاني بوجعني هههه كلشي كلشي هههه
حتى مش قادرة احرك حالي شكلي رح اعملها و اولد بدري
الله يستر

[عسولة فلسطين]

اليوم ملوخية..يمي يمي بموت عليها صايرة، تفضلي
وانتي ايش عاملة
طولت عليكي بالرد
كنا نحكي مع بابا نتطمن عليه