دردشة حوامل أهل الكويت - دردشة بنات الكويت - تجمع حوامل الكويت

[شموسه]

ياعمري اذا تعبانه ربي عاذرج يالغاليه



اشيل الهم

تعالي بالدرشه للرمضان اقولج شنو سحوري ههههههههه

[اشيل الهم]

يا ساتر يا ام حور خرعتيني عليج!!!! شصاير معاج حبيبتي
توكلي على الله وخلي ايمانج بالله قوي!! وربي يسر امرك ويفرج همك

[ام حووور]

تسلمين ياقلبي..
والله موقصدي اخرعكم بس ابي احد يوقف معي تعبت وانا اسوي نفسي قوية واني اسمع كلامهم ؟؟

انا بقولكم السالفة من الاول ....
ياطويلة العمر انا حملة علي وهي لها ثمان شهور والحين انا بالتاسع.
المشكله اني ماكنت ابي هالحمل وكنت ابي انزلة وشربة اعشاب وكلية حبوب بس ربج ماراد انة يطيح مع ان الرحم كان مفتوح معي وكنت انزف ولي يشوف النزيف الي جاني يقول انة طاح لم تميت الثلاث اشهوربعدها وكلة امري لله
وهملة بالحبوب وبكل شي
انصدمت ان البزر ماتحرك طول فتر الحمل الين جيت السابع تحرك بس قبل كانو يحطون السونار ويتحرك داخل بي انا ماكنت احس باي شي
ولم جيت السابع حولني المستوصف للعدان
لم رحت قالي الطفل صغير وراسه فية ماي طنشتهم ورحت للخاص وقالي لازم انزله عشان مايكثر الماي براسة ونغذية
ورجعة للعدان وقالي اذا نزاتية راح يموت وانتي تصيرين بحالة خطرة

وقت اراجع بالعدان الين ماوصلةالتاسع الحين انا بالتاسع...

حولني الدكتور علي وحدة كويتية اسمها خالدة الجبيل يقول انها شاطرة وهي راح تعلمني بكل شي
رحت وليتني مارحت

قالتلي الي ماقدر الدكتور يقولة لي...
قالتلي انها طفرة جينية وان الطفل قزم وان القفص الصدري صغير ومايخلي البزر يعيش وان نبضات القلب ضعيفة وان في فتحة بالقلب وان ايدة معوقة وانها مو متاكدة اذا المخيخ موجود ولا لاوان في بالحبل السري كيس وهالكيس وقت الاطلوق ممكن انة ينفجر وتحدث حالة وفاة الطفل بالولادة وان الاحتمال انه يعيش 1% وحتي اذا طلع منج راح يقعد بالشيشة وحتمال يقعد اسبوعين ويموت والحين صاري اكثر من خمس تييام ما انا م نفس الاوادم ذبحني التفكير

تعبت تعبت ولا ادري وشلون راح اقابل ربي برمضان.....

[اشيل الهم]

لا حول ولا قوه الا بالله
استغفري ربك وهذا الشهر الفضيل ادعي ربك يقومك بالسلامة وربي يفرج همك
طيب ليش ما تطلبين قيصرية..عشان سلامتك اولا
والله ياجرك ويعوضك خير....واحتسبي الاجر عند الله بكل الم يمر فيج راح تؤجرين
صدقيني ربي رحيم ورحمته وسعت كل شي سبحانه

[ام حووور]

تسلمين يا اشيل الهم ...


العدان مقرر علي عملية بس الدكتورة الي دزني عليها قالت الي حرام يسولج عملية والطفل تعبان بكلا الحالتين وزوجي جنني يبي طبيعي وانا والله خايفة ادعيلييا اشيل وان كان ربي خذا امانتة جعل ربي يرزق بنتي ام احن مني عليها والله كريم

اسفة اني خليتج اتعومسين معاي بس الي حاوالي تعبوني تعبوني حيل؟؟؟؟

[شموسه]

الله يحفظج يارب
ويحفظ جنينج يارب
ليش زوجج مجننج انتي سمعي كلامه ومايصير الا الخير

[زود الغلا]

صباح الخير عليكم
ها مستعدين اليوم اول ايام رمضان الله يبلغنا رمضان ويارب اقدر اصومة بصحة وعافية .
شخباركم ياحلوات ......... شموسة ... خربتي بنتك عودتيها على الشيلة الله يعينك بينهد حيلك .
هايدي ...... شيقولون بنات خالتك عن دكتور خالد صبري .
ام حور ........... انت عندك بنت وحدة بس وماتمنيتي حملتك الثانية الله يهداك هاذي نعمة ..عجل لو عندك 6 او 7 شراح تسوين الله يعينك .. وادعي هالدعاء اللهم اجرني في مصيبتي واخلفني خيرا منها .

[ام حووور]

تسلمين يا الغلا ..........

والحمدللة علي كل حال...

شموسة زوجي مجنن علي الولادة الدكتورة قالة خلها تولد طبيعي لان الطفل تعبان كذا ولا كذ مو اكيد يعيش بس حرام يشقونها علي واحد تعبان

[ام صقر]

حبيباتي انا بكريه ومحتاره وين اولد
وخاااااااااااااااايفه



محتاره وين اولد ان شالله على خير
انا حابه اولد في الكويت اقرب لبيت اهلي
امدحو لي هناك


مستشفى الراشد .........مستشفى الصباح
ومستشفى العرف .........مستشفى دار الشفاء





ومادري ابي تشورون على

او مستشفى شركة ارامكو بحكم اني من الشرقيه

[زود الغلا]

ام صقر ... الله يتمم عليك بصحة وعافية ....اذا بتولدين بهالمستشفيات عندك د. مي بدار الشفا عجييييييييييييييييييييبة .
والصباح ممتاز بس حكومي .
مستشفى الراشد ما انصحج فية ...بدون اسباب لان كل اللي اعرفهم واغلب الكويتيات مايولدون فية .
ومستشفى العرف .......................يفيدونك البنات بالمنتدى .