دردشة بنات فلسطين , دردشة حوامل فلسطين , تجمع بنات فلسطين

فوفو89 · 04-13-2013, 11:47 PM

مسا الخير

وبعدين مع الانفلونزا !!!؟؟؟؟؟؟؟؟!!!!!!

مش قادرة اتنفس .. زكام وكحة والتهاب حلق ووجع راس

جد اشي بيتعب

شو اعمل ؟

حواء مثالية · 04-13-2013, 11:50 PM

يسعد مساكم يا حلوووووووووووووووووووووووووووووين

ام عمر الله يهونها عليكي يا رب احكي حسبي الله ونعم الوكيل

والله الدنيا بتخوف يا بنات لازم الواحد ياخد باله

بتعرفو في ابن خال امي متزوج بنت كانت تدرس معي بالمدرسة بتجنن هالبنت ست بيت ومعدلة واولادها وبيتها ما شاء الله عليهم وكلشي اله حاضر يا سيدي هلا هي طلعت من صف عاشر وتزوجت يعني ما كملت تعليمها هلا اولادها لما صاروا بالمدارس صارت بدها حد يدرسهم لانها ما بتعرف ......

هلا في بينت تانية كانت بنفس صفنا كمان هاي تزوجت وجوزها انسجن من تاني شهر وانحكم 16 سنة وهو قرر يخليها تشوف حياتها وتركوا بعض بعد ثلاث اسنين من سجنوووووو كملت تعليمها هي

هلا القصة من هون بتبلش

البنت الاولى بعتت اولادها للتانية عشان تدرسهم صارت تاخدهم عندها ومرات هي تجي تدرسهم بالبيت بعد فترة حطت عينها على جوزها وضلت وراه لتجاوب معهها وبعد فترة صار يحكي انه بده يتجوزهاااااا

طبعا الكل عارض لانه مرته مافي منها بس الله اعلم شو صار وينهم وين وصلت

هلا يوم الاربعاء الماضي بدون ما حدا يعرف وبدون مهر او كسوة طالعة هي واياه مصافحين بالمحكمة بعلم اهلها طبعا وطالعين على رام الله واليوم مروحها ضرة على مرته الاولى

هلا مش عارفه شو احكي مسكينه مرته الاولى ما الها اسبوع مخلفة شوفوا شو عمل

احساس أنثى · 04-14-2013, 01:44 AM

المشكله يا حواء ببنات الحرام بعيد عنك
ومابعجبهم الا المتجوز ويلي عندو عيال

الله يصبرها مرتو مسكينه مصيرو يرجعلها

احساس أنثى · 04-14-2013, 01:45 AM

فوفو سلامتك عليكي بالليمون خدي فلووو
او فوار كالسيوم اي شي يخفف عنك الفلونزه انا بكرهها عدوتي :)

غُمُوض أُنثَى · 04-14-2013, 07:41 AM

يسعِد صبـــــــــــآحكُم بنآتــــــــــــــــــــــــ،، ♥

والله توحشتكم برشـــــــآ برشــــــــــآ ^^ الكُم وحشََــــــــة ،،

كيفكم وحدة وحدة ،، طمنوني عنكُم ،، :)

حبيت أصبحّ عليكُم لأني بجد اشتئتلكُم ♥

نهـــآركُم زيـــــــــــــــــ♥ـن

حلا الماس · 04-14-2013, 09:37 AM

صباااااااااااح الخير صبايا

كيفكم .. شو اخباركم ؟؟

كنت مشغولة من يوميين وما قدرت ادخل اشوف اخباركم .. تعالوا طمنوني عنكم كلكم ..وشو اخباركم ؟؟

بنات الدوام الصباحي اين انتم ؟؟ تعو بسرعة يلا

حواء ؟؟؟ يا لطيف شو هالقصة ؟؟ الله يجيرنا دنيا اخر زمن .. الله يصبر قلب الزوجة ويكون بعونها
وما يحطنا ولا حبايبنا بهيك مواقف .. ويبعد عنا وعنكم بنات وولاد الحرام ..

فوفو .. سلالالالالالالالامتك .. الله يرفع عنك يا رب

احساس .. كيفك يا قمرة منورة .. ♥

غموض .. طلتك ولا نور القمر .. كيفك يا حلوة ؟؟ واحنا كمان اتوحشناكي برشا برشا

~{{ DoDo }}~ · 04-14-2013, 10:06 AM

صباح الخير صبايا

شو اخباركم

حلا
يسعد صباحك حبيبتي
طمنيني عنك كيفك وكيف البيبي وولادك ان شاء الله بخير

ام عمر
يا قلبي الله يعينك على اللي انتي فيه
حسبي الله ونعم الوكيل
بس نصيحة عليكي بالقرآن والتحصينات والرقية الشرعية
وشغلي سورة البقرة 24 ساعة حتى لو قدرتوا انتي وزوجك تقروها
الحل لكل اللي انتي فيه هو القرآن ، ما فيه شي بيعجز القرآن عنه
سلامتكم جميعا والله يخفف عنكم ويبعد عنكم كل شر يارب

جارة واحساس
يسعد صباحكم

حواء
كيفك وكيف برلنت وعزو انشالله تمام وحملك تمام
شو هالقصة يا لطيف
فعلا حسبي الله على بنات الحرام
اديش الدنيا صارت بتخوف وما حدا اله امان والله
وما في حدا مسكين بجد

فوفو
سلامتك ضلك كل برتقال واشربي ليمون
وخدي فوار فيتامين سي والبابونج كتير منيح
انا باول حملي لما مرضت كنت اشرب بابونج كل يوم ومفعوله سحري

غموض
نهارك سعيد الك وحشة :)
يسعد صباح الجميع بدؤن استثناااااء :)

حلا الماس · 04-14-2013, 10:10 AM

دودو .. حبيبتي يسعد هالصباح يا رب

انا والاولاد والبيبي بالف خير الحمد لله ..

انتي كيفك شو اخبارك ؟؟ شو عم تعملي ؟؟ وشو بدك تطبخي اليوم ؟؟

~{{ DoDo }}~ · 04-14-2013, 10:12 AM

مشتقالك والله ام خليل
واموري بخير الحمدلله

اليوم بدي اعمل مقلوووووووووبه ؛) تفضلي

حلا الماس · 04-14-2013, 10:16 AM

ان شا الله دايما بتكوني تمام

وصحتين عالمقلوبة .. انا اليوم بدي اعمل سمك فيليه بالطريقة الي قلتلك عنها سابقا

وعم بغسل الجو اليوم كتير حلو للغسيل هي اول وجبة خلصت بدي اطلعها من الغسالة واشغل الوجبة التانية

وعملت فول اخضر للتفريز .. شايفة انا اليوم من الصبح نشيطة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات فلسطين, دردشة حوامل فلسطين, تجمع بنات فلسطين	سماسم	إستفسارات حوامل من الشهر السابع إلى الشهر التاسع	22928	03-27-2013 08:07 PM
السياحة في فلسطين قمة من الجمال 2012 , صور من مدينة نابلس في فلسطين الرائعة 2013	خليجية وافتخر	المـنـتـدى الـعـام	0	06-10-2012 07:46 PM
فلسطين الحبيبة نابلس المتميزة 2013 - صور سياحية من فلسطين 2012 - السياحة فى فلسطين 20	خليجية وافتخر	المـنـتـدى الـعـام	0	06-04-2012 06:17 PM
فلسطين الجميلة 2013 - صور فلسطين الحبيبة 2012 - معالم سياحية فى فلسطين الحبيبة 2013	خليجية وافتخر	المـنـتـدى الـعـام	0	06-01-2012 09:00 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM