حرق التكيسات !!!

[حياتي توأمي]

صباح الخير يابنات

حبيباتي
أنا بصراحه أفكر اسوي عمليه أزالة التكيسات عشان أرتاح منها لأن مثل ما اغلبكم عارفين بموضوعي السابق شو كانت نتيجه تبويضي بعد ابر تنشيط ؟؟
وهذا رابط موضوعي للي حابه تطلع عليه وتعرف مشكلتي
http://forum.hwaml.com/t238805.html

حبيباتي منو منكم جرب هالعمليه وهل هي سهله وهل بعد العمليه أحس بألم أنا سألت الدكتورة وقالتلي انها عباره عن ثقب في أسفل البطن ويدخلون أنبوب و ماعرف شو المهم عشان يحرقون التكيسات بصراحه مو عارفه شو نتيجتها ؟؟ ونصحتني بالمره يستحسن يشوفون الأنابيب عندي اذا كان في انسداد من ولادتي السابقه القيصريه !!
ومنو حملت مباشره بعد هالعمليه ؟ وهل اذا سويت العمليه هذه راح يكون تبويضي طبيعي نفس كل وحده تبويضها طبيعي ولا لازم مع هذا آخذ منشطات ؟؟

وهل الدورة من بعد ازاله التكيسات راح تنزل طبيعي ولا مثل ما أنا احيانا آخذ أدويه تنزلها ؟؟
ردوا وريحوني وابغي مشورتكم ؟؟
لأن يوم الأربعاء عندي موعد مع الدكتورة لمتابعه التبويض لأنها قالت احتمال البويضات تكبر اذا استمرينا بالأبر اليوم وغدا ...
وبصراحه اذا ما كبرت راح افقد الأمل ومالي نفس آخذ الأبر واخاطر الشهر الجاي كافي تعب روحه ورجعه للمستشفى غير الألم الجسدي والتعب النفسي ..
قلت اسوي العمليه وأرتاح
بس اللي مخوفني اني سمعت انه التكيسات ممكن انها ترجع بعد أزالتها ؟؟ معقوله بنات ؟؟ يعني ابغي تجاربكم الله لايحرمكم من كل فرحه تسعد قلوبكم اللهم آآمين

[حياتي توأمي]

معقوووله ولا رد ؟؟
ولا وحده جربت هالعمليه او سمعت عنها ؟؟
طبعا انا ماراح سويها الا لما اتأكد من ان تبويضي بعده ماكبر رغم استمراري للأبر ويوم الارعاء اذا ظلت البوضيات صغيره باخذ قرار بشأن العمليه
بس انا اعتبرتكم خواتي وابغي آخذ شوركم بالموضوع !!!

[امجااد]

ماعندي خلفيه
ربنا يكتب لك الخير اين مايكون
انتي صلي صلاه استخاره

وان شاء الله البنات يفيدوكي

[aleyn]

انا مثلك احتاج للاجابه على اسألتك .. ادا مافيه اضرار جانبيه او شي حسويها ان شاء الله
الله يعين ويرزقنا بدون عمليات ولا قروشه ♡♡

[هيبة أنثى]

اختي ماعرف عن هالعمليه شيء لكن دعواتي لك بالحمل السليم عاجل غير اجل

طيب اختي دكتورتك ثقه وشاطره والا ماتعرفين ترا في بعضهن والله مالهن في الطب شيء

اذا بالرياض انتي بقولك على دكتوره مررره شاطره وامينه وثقه وتخاف الله ماهي راعية فلوس وبعيادتها يكثر الحريم اللي يتابعون معها عشان تاخر الحمل

اهم شيء حبيبتي اقري على نفسك خالتي نفسك ماخلت شيء ماسوته واخرتها راحت لشيخ يرقي وبعدها حملت بإراده ربي

الله يرزقك بالحمل السليم بدون ابر وغيرها

[الأمورة سوس]

الله يكتب لك الخير
ماعندي معلومة بس لا تعملي شي قبل ماتكون الدكتورة ثقة
وبحثي بالانترنت عن معلومات كفايه عشان تكوني متطمنه اكثر
وسلامتك

[حياتي توأمي]

المشاركة الأصلية كتبت بواسطة امجااد

ماعندي خلفيه
ربنا يكتب لك الخير اين مايكون
انتي صلي صلاه استخاره

وان شاء الله البنات يفيدوكي

شكرا عزيزتي الله لايحرمنا من ردودكم

[حياتي توأمي]

المشاركة الأصلية كتبت بواسطة aleyn

انا مثلك احتاج للاجابه على اسألتك .. ادا مافيه اضرار جانبيه او شي حسويها ان شاء الله
الله يعين ويرزقنا بدون عمليات ولا قروشه ♡♡

هلا حبيبتي
يارب يرزقنا واياكي أجمعين
يارب البنات يفيدونا واللي ترد علينا وتريحنا ربي يجازيها كل خير لأن فعلا احنا محتاجين حد جرب العمليه هذي
نبي نشيلها ونرتاااااح

[حياتي توأمي]

المشاركة الأصلية كتبت بواسطة هيبة أنثى

اختي ماعرف عن هالعمليه شيء لكن دعواتي لك بالحمل السليم عاجل غير اجل

طيب اختي دكتورتك ثقه وشاطره والا ماتعرفين ترا في بعضهن والله مالهن في الطب شيء

اذا بالرياض انتي بقولك على دكتوره مررره شاطره وامينه وثقه وتخاف الله ماهي راعية فلوس وبعيادتها يكثر الحريم اللي يتابعون معها عشان تاخر الحمل

اهم شيء حبيبتي اقري على نفسك خالتي نفسك ماخلت شيء ماسوته واخرتها راحت لشيخ يرقي وبعدها حملت بإراده ربي

الله يرزقك بالحمل السليم بدون ابر وغيرها

هلا حبيبتي شكرا على سعيك وردك بموضوعي الله يجازيكي كل خير
حبيبتي أنا من الأمارات .. وشكرا على معلوماتك اذا مافادتني راح تفيد الأخوات بالسعوديه
شكرا مره ثانيه عالمرور

[حياتي توأمي]

المشاركة الأصلية كتبت بواسطة الأمورة سوس

الله يكتب لك الخير
ماعندي معلومة بس لا تعملي شي قبل ماتكون الدكتورة ثقة
وبحثي بالانترنت عن معلومات كفايه عشان تكوني متطمنه اكثر
وسلامتك

شكرا حبيبتي
واكيد ماراح اتخذ أي قرار ألا اذا كنت متأكده انو في صالحي .. الله يصلح لنا شأننا ويرزقنا مانتمنى ياااارب