الي اجهضت ..والي متاخر عن الحمل..والي تخطط للحمل..والي طفشانه ...تعالوا ندردش

[أسميه]

هاااااااااااااااااااااي صبايا
كيفكم وكيف النفسيات ان شاء الله كل شي تمام
انا جايه اقولكم اش صار عليه
طبعا انا حاولت احمل الشهر اللي راح لكن ماحصل حمل ونزلت الدوره
وانتهت وبعدها بكم يوم استمريت عالرقيه وفجأه ينزل عليه كتلة دم كبيره وقطع بعد
رحت المستشفى (دله) وسويت اشعه مهبليه طلع ان الرحم باقي فيه بقايا حمل وعملية التنظيف مثل وجيهم واللي زاد الطين بله ان دكتورتي ماعملت سونار عشان تتاكد من نظافة الرحم وهوشي مهم السونار في المراجعه الاولى بعد الاجهاض بس يادوب ضغطت بطني وقالت في الم قلت لا قالت كل شي تمام
حتى دكتورة الاشعه قالت مين دكتورتك ليش ماكشفت عليك سونار وصيحت قالت شهر ونص كان ممكن يسبب التصاقات ويمنع الحمل
وانا مستغربه مع ان المستشفى كويس اش هذا الاهمال حياة الناس مومهمه المهم الفلوس
لكن الخاص لازم الوحده ماتسلم نفسها لهم وتراقب كل شي يسوونه
ولسى بكره مراجعتي عندهم واشوف اش راح يصير


لكن سؤال لبنات الرياض اش رايكم في مستشفى الحبيب والدكاتره اللي فيه ؟تنصحوني اروح لهم

[أسميه]

صبااااااااايا ردو علي لا تطنشوني والله محتاجتكم
انتظــــــر ردودكم

[سوسو مشاكل]

انا سقطت في شهرين

[يارب ترزقني بطفل أضمه]

ياقلبي والله الحبيب كثير يمدحونة خصوصا الدكتورة زينب والله يعوض عليك يااااااااارب ويرزقك من واسع فضله

[قطرات ندى]

ماعندي علم بمستشفيات الرياض والله الله يسهل عليك

[بدايات الوله]

بنات الله يخليكم ادعولي بالذريه الصالحه هذي السنه عـــــــاااجل غير آجل
مررررررررررررره بمووووووت من شوقي ولهفتي

[هدايات]

سلام
انا ولدت مبكر وتوفى طفلي..ودي احمل بس خايفه تنعاد المأساه وناس يقولوا لي احمل بسرعه وناس تقول انتظري اقل شي 3 شهور ولاني عارفه ايش اسوي

[فرشته]

مرحبا انا عضوه يديده في المنتدى شفت هالقسم وحبيت افضفض

وبقول لكم قصتي بتفصيل الممل

انا عقب 6 شهور من زواجي حملت لمده 3 شهور وعقبها طرحت في هالاثناء كان ينزل علي دم بني ويوم رحت لدكتورتي وقالت لي لاتخافين عادي وعطتني حبوب وعقبها كل اسبوع يوم الجمعه اورح المستشفي لان كميه الدم في زياده المهم لين رحت عند دكتوره مختصه في الالتراساوند وقالت لي مافي امل ان الحمل اتم لان المشيمه وايد نازله وطلعت من عندها وانا اصيح من قلب رحت البيت توني كنت بتوضا عشان الصلاه حسيت بشي ينزل رحت وانوا بكرامه الحمام الا دم احمر
بس بعد كان عندي امل رحت المستشفي يات الدكتوره وقالت لي مافي فايده لان الجنين ما قاعد احصل ع كفايته من الاكل وخله هالشي اكون حجمه صغير وقالت لي بشوف من تحت ودخلت يدها ما حسيت الا بماي ودم ينزل مني وعرف ان كل امالي طار في الهوى
ترقدت يومها وقالت لي الدكتوره لازم اتسوين تنظيف وع الاقل قبل الحمل الثاني لازم تنطرين من 3 الي 6 شهور وقررنه انا وزوجي انتم 6 شهور بدون حمل عقبها قررت اروح لدكتوره عشان افحص انا وزوجي والحمدالله زوجي كان سليم ومافيه اي شي بس انا قالت لي ان البويضات خملين وعطتني حبوب كلوميد وقالت لي اسوي اشعه الصبغه والحمدالله كل شي كان تمام وبدت فيني تجارب من حبوب وابر وحاله وخلال شهر انا صرفت حوالي 260 دينار ع الابر بس غير الدخله يعني اذا في الاسبوع اروح لها مرتتين تاخذ كل دخله بروحه 25 دينار وعقبها قالت لي الحين البويضه تمام وعندج شهر عسل وعقب الشهر نزلت علي الدوره وحسيت باكتئاب حاد لدرجه اني كنت كله اصيح
عقب قالوا لي في دكتوره وايد زينه عقب شهرين رحت لها وصار لي 3 شهور معاها الحين قالت لي ان عندي كيس مائي ع البويضه ولازم اعالجه اول عشان تبتدي معاي للحمل
والحين صار لي جريب السنتين والكل ممللني من كلامهم الكل يسال ويارت بادب كل واحد اقط حجي وانا نفسيا وايد تعبانه

سوري طولت عليكم بس والله مضايقه وايييييييييييييييد

[زهرة الألماس]

الله يعوضك يااأسميه وسوسو مشاكل
والله يردلك لهفتك يا بدايات الوله
وياااعمري فرشته الله يعوضك يارب ويرزقك بالفريب العاجل ولا يهمك حكي الناس
وانا مثلك الناس مطفشيني بس شو بدي اعمل الأمر بإيد رب العالمين
وهلأ انا اليوم نزلت الدورة والله قرفانه حالي
بس الحمدلله على كل حال
والله يعوض الجميع ويرزقهم بالذريه

[الحب لك وحدك]

الله يرزق كل محروووم يارب بالذريه الصالحه عااااجل غير اجل