جميع استفساراتكم هنا عن كل مايخص البيبي من الولاده الى ثلاثة اشهر

[شذا حداد]

صبايا ...حبيت شاركن أنا كمان تجربتي وشغلات قريتها ..وبحاول أتذكر الأسألة
بالنسبة للرجفة بالشفة ..كل الولاد هيييك ..ههه...حركتهن بتضحك باكرها برحانة ..
وبالنسبة للامساك ..أنا كمان بنتي عمرها خمس عشرة يوم ولاحظت عليها يوم كامل ما خرجت وبعدين قال الدكتور حطي تحميلة ..ولسا ما حطيتلها التحميلة ..بلشت تتبرز ..وخرجت كتييير وملت تلات حفوضات ..وسمعت أنو هالشي عادي جدا وبيصير مع الولاد الصغار كتير ..وكمان كان خروجها سائل .يعني مافيءامساك فاذا صار هيك معكن تصرفو بهالطريقة ..وعادي وكلو خير انشالله ..
وبالنسبة للي سألت عاللون ..هههه..وأنا عمىفكر بنفس الشي ..بنتي ما شالله خلقت بيضة ..ولونها ما أحلاه ..وصابها صفار ولساتو لهلق ..وعم قلها للماما هديك اليوم ..بنتي بدها تصير سكرة ؟..غريب اجت بيضة ..وحاسة لونها عم يغمق ..قالتلي كل اللبيبيات هيك بيكمد لونهم ومابيبان لونهن الحقيقي قبل شهرين ..يعني حبيبتي اتطمني ..أنا كمان تفاجأت بلونها كيفؤعم يصير ههه..
ومشان الجلد اللي بيقشر ..بنتي كمان هيك ..عادي حمميها كل يومين ..وبعد كل حمام..حطي زيت جونسون ..وأصلا البيبي بيضل يقشر لحد ما يزبط لون جلدو ..
وبالنسبة للفيقة بالليل ..أنا كمان هيك بنتي ..بترضع مني ..وبتنام وترجع تبكي ..وترجع ترضع ..وبعد شي ساعتين رضاعة ..وتعب ..بتاخد ستين ميلي حليب صناعي طبعا الدكتور وصفلياه وقلي عطيها مكمل مع حليبك واسمو بليميل بلس ون ..
ومشان الاستفراغ ..كل يوم مرة أو مرتين بتستفرغ ...
وبدي أسألكن ..أنا بنتي أوقات ما بتدشى بتضل بأ ما دشيها ..وأوقات بضل نص ساعة دشيها عالفضي وانتو هيك ....؟

[ياهم ربي كبير]

اهلين يا شذا
ما شاء الله استفدت كثييير من اجوبتك
مع اني ما قريت باقي ردود البنات ..
دخلت وشفت ردك وقريته وفي شغلات كانت ببالي ومستغربة منهم
لقيتك رديتي عليهم سبحان الله ..

بالنسبة للون ،، انا ابني كمان لما ولد كان ابيض ما شاء الله
بس هلا صار اسمر خخخخ
بدي اسألك اي واحد هو اللون الحقيقي ؟؟؟؟؟؟؟
والتقشير صرت عم لاحظ على ابراهيم خاصة كلما احممه مع اني مابحممه كثير بسبب الجو البرد عندنا !!

[شذا حداد]

والله زوزو حبيبتي ..حسب لونه للولد ..يعني لونو اللي بدو يصير علي ..لأنو عنا بالعيلة ماحدا أسمر ..ماشالله وزيادة عن هيك ..أهلي شفر ..وماما بيضا كتيير ماشالله ..وأهل زوجي بيض ..وهو أبيض ..وأنا حنطية ....ةأول ما خلقت البنت ..ماشالله ماشالله .يخزي العين ..الكل يقول شو حاطينلها مكياج هههه..كانت متل التلج ..وخدود حمرة ..وشفايف حمرا ..أنا شفت حالي جايبة بنوووتة حلوى ..ههههه...وبعد يومين ..بلش الصفار ..وكمد لون البنت ..وصارت سمرا وحمرى ..وأنا انقهرت ..وقول يتربي ليش هيك ..بعدين قالتلي أمي أنو البيبي يتغير لونو كتيير وحتى لون العيون ما بيركز لبعد تلات شهور ..وقالتلي أنو زيادة الصفار بيخلي لونها بتغير ووتكمد وتحمر مع صفار ..وقالتلي بعد تلات شهوووور بيبين لونو الطبيعي ..وكمان شعرها بنووتي كثيييف ..خخخخ...منهن قالولي بيتساقط ..ومنهن قالولي لأ ...انتي كيف شعرات برهومي؟

[ياهم ربي كبير]

اهلين يا قلبي
رديت الحين في تجمع المواليد وقلت اني تأكدت من سالفة اللون
بيصير يتغير يتغير لين تعدي الشهور الستة الاولى :)
يعني في أمل ان شاء الله يرجع بياضه
انا بشرتي فاتحة وزوجي اسمر ، مابدي يطلع لأبوه خخخخ بدياه يرجع ابيض مثل الاول خخخخ
وعن لون العيون انا عيوني سوداء وعيون زوجي عسلية ، والبيبي عيونه بنية ومابعرف لو رح يتغير لونه ولا رح يضل هيك لاني قريت كمان انو لون العيون بتتغير !!!
اما بالنسبة للشعر ، انا طالعة لشعر امي ، شعرها كثيييييف كتيير ما شا ءالله
والبيبي شعره نااعم بس خفيف ، ولسا ماحلقناله ياه !! زوجي رح يحلقله بهالأيام ، ومابعرف شو اللي رح يطلعله بعد هيك خخخخخ

[شذا حداد]

زوزو ...بتنصحيني أحلق لكومي ؟...والله خايفة ..مين بدي خليه يحلقلها ..بشرت البيبي كتييير ناعمة ..هي شعرها ماشالله نلعم وكثيف ..يمكن ازا حلقتلها بتقسى الشعرة شوي ...
شو رأيك ...وازا احلقلها ..بأي عمر ؟..هلق حاشتها لسا صغيرة كتييير ..وخايفة أحلقلها اليافوخ لسا طري من فوق

[ياهم ربي كبير]

المشاركة الأصلية كتبت بواسطة شذا حداد

زوزو ...بتنصحيني أحلق لكومي ؟...والله خايفة ..مين بدي خليه يحلقلها ..بشرت البيبي كتييير ناعمة ..هي شعرها ماشالله نلعم وكثيف ..يمكن ازا حلقتلها بتقسى الشعرة شوي ...
شو رأيك ...وازا احلقلها ..بأي عمر ؟..هلق حاشتها لسا صغيرة كتييير ..وخايفة أحلقلها اليافوخ لسا طري من فوق

اهلين شذا
حلاقة الشعر "سنة" من الناحية الدينية ، وبيحلق من العمر 7 ايام للمولود،
بس لو عدت المدة وماحلقتي لسبب او من غير سبب مابتأثمي لانها سنة ..
و انا ما بؤمن بـ الكلام (الشعر بيقسى لو حلقتيه ) في كتير بيقولو هالشيء لان طبيعة شعور المواليد كلها ناااااعمة وبعد الحلاقة بيصير يفكرو انو طلعلو شعر قاسي بسبب الحلاقة ،،، الشعر اللي بيطلع بيعتمد على الطفل وعلى عوامل وراثية (يعني جايب من ابوه ولا امه الخ) ..

و هيك هيك رح يطيحو لحالهم حتى لو ماحلقتي ،
لان معروف المولود بيفقد شعره مع الايام وبعد ستة شهور بيطلعلو شعر جديد ..
يعني حتى لو ما حلقتي رح يروح الشعر بنفسه :)
انا لاحظت ابراهيم بدأ شعره يتساقط ، خاصة من على الجوانب لان بينام على الجوانب اكثر شيء..
وزوجي أجل موضوع الحلاقة لان برهومي كان صغير كتير وضعيف فـ كان خايف عليه .. بس رح يحلقله بعد كم يوم ...

انا شعري بالولادة كان كثييييف ونااااعم ، وماما حلقتلي ياه وطلعلي شعر كثييييف بس نعومته الحريرية راحت وطلعلي شعر مجعد خخخخ
واختي شعرها كان ناااااعم ولما حلقتلو ماما طلعلها شعر نااااعم بس مش كثيف زيي ..
وكل حدا يعني غير عن التاني :) انتي شوفي واعملي اللي بدك ياه لكوكي

[شذا حداد]

والله أنا حابة احلقلها ...بس خايفة لتكون الشفرة قاسية لسارعراسها انشالله بكرى بستجمع قوايي وبحلقلها بعد الحمام ..لاني متعقدة من الشعر الخفيف قالولي بيكثف الشعر ازا حلقتي للبيبي ..وانا شعري وشعر أمي وأختي خفيف ..بس بيت حمايي شعرن كثيف..انشالله تورثهن بالشعر ..
الأ بسألك زينب لاحظتي كمان شعر بجسم برهومي ..يمكن كل البيبيات هيك ..أول ما بيخلقو ...مو ؟

[ياهم ربي كبير]

ايه لاحظت ،، وقريت عنو بالانرنت انو بيروووح :)
ماتقلقي ان شاء الله بيروح :)


وعن الحلاقة
ما تحلقيلها بنفسك ، استعيني بحدا
لازم يكون الشخص مجرب يحلق لمواليد
حتى انا خايفة لـ إبراهيم ، وزوجي ماحلق لبيبي قبل خخخخ فـ مابعرف شو بدو يصير الله يستر

[roseland]

السلام عليكم
ابني عمره شهر وكم يوم امي قالت لي لاتبوسي من وجهه مشان ميحبب بس انا مسمعت كلام
طلعتله حبوب ناعمة في كصته وبجانب العينين هل السبب التقبيل ومالحل شكرا

[ياهم ربي كبير]

لا مو بسبب التقبيل
البيبي يطلعله حبوب بأول اسابيع حياته
لانه يتخلص من هرمونات الأم اللي دخلت جسمه
بس ما تخافين بتروح :)