اخي مات الله يرحمه ولأجله كتبت

[أمل ليبيا]

بسم الله الر حمان الرحيم

((ياأيتها النفس المطمئنة إرجعي إلى ربك راضية مرضية فأدخلي في عبادي و أدخلي جنتي))
صدق الله العظيم

آه يا دنيا ما أصعبها فراق أوخي عزيز عليا نحسبت الفرحه بنقربها لقيت الحزن عايش فيا اه يادنيا خوانه وينه"أحمد" و وين زمانه دورت مالقيت غير مكانه و غير ذكرى توجع فيا ياما يا دنيا مادرنا كنا رفاقا لين كبرنا قرينا و لعبنا و فطرنا كان بأموله يناديني يشقى وما نبكي يخليني و ياما كان يخاف عليا و كان أوقات قاسي يبين بس قلبه طيب و حنين و حتى كان جرحني مره و لقاني نبكي بالعبره طول يندم و من الحسره يجي على راسي يبوس عليا و يقولي يأموله سامحيني و أنا قداش عندي أوخيه و يقول أنه يزعل فيا لأنه بس يخاف عليا اه يادنيا مأصعبها فراق اوخي غالي عليا و يوم يا ميمه قالوها أحمد مات و عاودوها ماصدقتش و ما حسيتش غير نار تحرق فيا و جت الناس تواسي فينا و إحني من الصدمه ضايعين لا أستوعبنا و لا بكينا و لا درنا كيف الأخرين وتوا فضى الحوش علينا وروحو أحبابنا الطيبين و عشناه الواقع و رضينا و إنهارت النفس و بكيت العين و درناه الحوش و لفينا و ناديناه "أحمد" وين و خاطي صوراه مالقينا و خدينا لبسه وضمينا و حسبنا ربي عليك ياظالم يا لعين هكي تجرحنا و تبكينا و تاخد"حموده" من بين إيدينا فجأه بعد ماكنا مرتاحين ياما على السفره إلتمينا و ياما شربنا و ياما كلينا و ياما لعبنا و تسلينا ياما مشينا و ياما جينا وياما عشنا أحلا سنين وياما ضحكنا و ياما حكينا وعشنا فرحات العيدين و توا الجرح تعمق فينا و يما بنبكو وياما بكينا و مشا غلانا و ضي العين و الحمد للي بقضائه أرضينا و يارب على فراقه صبرنا و أجعل مثواه جنة النعيم و أغفر له و أرحمه يا أرحم الراحمين يالي تحبو "أحمد الغالي" قولوا أمييييييييييييين .....
ادعو له بالمغفره لانه من الي دفعو ارواحهم باش تعيش ليبيا أبية ربي يصبرني و يرحمك و يرحم كل شهداء ليبيا

[يمنية وافتخر]

بكيتيني خيتي
الله يرحمه ويدخله الجنة
الله يعصم قلوبكم

[أمل ليبيا]

تسلمي اختي يمنية ان شاء الله ماتبكين ال من خشية الله

[املي بلله]

الهم ارحمه ووسع نزله واجعله مع الشهداء والصديقين يارب اجعل مثواه الجنه هووجميع المسلمين انشاءالله ياختي يكون اخراحزانكم يارب العالمين والله يصبركم بفراقه ويجبربقلوبكم

[زمان الصمت]

عظم الله اجركم ورحم الله ميتكم الحمدالله على كل حالل :(

[أمل ليبيا]

اختي \املي بالله\ و اختي احساس الصمت
بارك الله فيكم و شكر الله سعيكم

[مودعة ايام الطفولة]

الله يرحمة ويدخلة الجنة قطعتي قلبي

[أمل ليبيا]

سلامت قلبك اختي مودعه الطفوله و بارك الله فيك

[فوضت امري لله]

لا اله الا الله

احسن الله عزائكم وعظم الله أجركم

وغفر لميتكم

واسكنه فسيح جنانه

اللهم اجعله ممن قلت فيهم

((بل احياء عند ربهم يرزقون---))

يارب يارب يارب يارب

تقبله عندك من الشهداء

وتجاوز عن سيئاته

ووسع له في قبره

وابدله بدار خير من داره وأهل خير من أهله

[Zezoo]

الله يرحمه