تنصحوني اشرب زيت خروع و اولد قبل زوجي يسافر

[ام احلا حمودي]

السلام عليكم اخواتي
زي مانتم شايفين بالعنوان زوجي بيسافر ضروري جدا بعد عشره ايام تقريبا وولادتي موعدها
بعد 11 يوم يعني بعد سفر زوجي بيوم موعد ولادتي نفسي زوجي يشوف ابنو ويكون واقف
معايا في يوم محتاجته فيه امس الحاجه
ادوي طولت كلام بس محتاجه افضفض
ابشرب زيت خروع ابا اولد قبل يسافر زوجي بس خايفه متردده مراااااا
اباكم تنصحوني اشربو ولا لا مع العلم اني ف الاسبوع التالت من التاسع
وادعولي ربي يصبرني على بعد زوجي عني و عن طفله كم شهر
وادعولي جنيني يكون سليم معافا
الله يخليكم ساعدوني والله مالي غيركم بعد الله عز وجل
مع العلم اني بكريه

[ام احلا حمودي]

16 مشاهدة ومافي ولا رد واحد 😞يالله ياخوااتي الله يخليكم سااعدوني
والله مني عارفه اش اسوي ياربي 😢

[Mishael]

ودي افيدك بس انا بكريه ومااعرف ،، بس اللي عرفته من البنات انو ماتشربين الخروع الا اذا فتح الرحم
انتي كثري مشي العسكري وسعي خطاك وبسرعه شوي اذا كنتي بنهاية التاسع او راح منه اسبوعين لانه يساعد على فتح الرحم بس بينهد حيييلك ساعة الولاده بس لكل حاجه ضريبه

[شواطئ الغربه]

حتى انا محتاجه شي يفتح الرحم

[صرخة طفل]

مانصحك تشربي انتبهي لان الرحم مسكر هذا رايي الشخصي

بس بقولك على الدارسين يمكن يفيدك. انا بكريه مثلك ورحت المستشفى امس
الرحم كان مسكر بس الطفل ولله الحمد نازل فنصحتني الدكتوره اشرب دارسين

انتي حاولي تسالي دكتورتك عن الدارسين وتوكلي على الله

والله يهون علينا يارب

[ملكتني بهمسك]

اشربيه دام لك 3 اسابيع في التاسع باذن الله يساعدك وتولدي ويكحل زوجك نظره بشوفته
الله يصبرك على بعد زوجك ويخليه لكم ويجعل طفلك سليم معافى من غير شر يارب
ويرزقك بولاده سهله ميسره قبل يسافر زوجك وانا بكري ولدته اول يوم بتاسع يعني موشرط تكمليه كله

[السلطـــــــانة]

اناماانصحك تشربيه ادا الرحم مقفل انا شربته وحاني الطلق واالرحم مافتح الاواحدسانتي ونزلت الموية عليا واخر شي ولدت بعملية لان الموية نزلت والرحم مافتح
اصبري وان شاء الله ربي ييسر ولادتك ويهون عليك وتقومي بالسلامة يارب

[بنت تبوك]

روحي للدكتوره وشوفي اذا الرحم فاتح عندك خليها تسويلك تحريض ولاده وانشاءالله تولدين بعده
واشربي مغلي القرفه وحبة البركه والحلبه مع العسل وكثري من الرطب والمشي واذا فيك طاقه ارقصي رقص سريع او سوي رياضه اي شي يساعد على الولاده وخبرينا ايش يصير معك

[أحلام وردية]

يابنت الحلال وشو ابي اولد !!
هي الولادة بكيفنا لو هي بكيفنا من زمان والدين
كله بأمر الله ويومه محدد يابنت الحلال
لاتشربين شيء انتبهي لايجي عليك بالعكس
صحة جنينك أهم من كل شيء
كثري مشي واكل التمر فقط هذي مامنها مضرة بالعكس بتساعدك
أما شرب الخروع ابد ماانصحك وان شاءالله تولدين هاليومين قبل سفر زوجك
الله يقومك بالسلامة

[*جودي*]

اشرحي وضعك للدكتوره وشوفي بس لا تاخذي اي مشروب والرحم مقفل ...
كثري مشي وجماع .....انا لي كم يوم في العاشر وحايسه مثلك وماعندي غير المشي ...