استفسر وخاااايفه ..؟

[أعشقه]

السلاام عليكم ورحمة الله ...
مساائكم خير باذن من الله ..
/
بدخل بالموضوع ع طول
انا عندي مشكله بالدوره مدري وش القصه وخايفه اكون حامل ..
انا من ولدت ودورتي متلخطبه مالها تاريخ معين ..
يعني مره تجي لي يوم 25 مره 27 ومره 29 او 28 هالحدود
شهر رمضان جات لي يوم 29
هذا الشهر ماجات لي للحين وانا خايفه هل هذا الشي طبيعي ولا
او اكون حامل ...؟!!
انا الشهر هذا زوجي ماكان موجود معي الا سبوع وماصار شي بينا الا مره او مرتين من بعد الدوره .. تتوقعون بوه حمل ولا .؟
او عادي بتجي لي والله مو عارفه ارتاح قلبي يوجعني ولدي توه صغير تو 10 شهور
بالله تردون علي وتطمنوني

[أصآآيل]

حبيبتي حللي وتاكدي واذا حامل لا تزعلي الحمد لله والشكر


الله ينولك الي تتمني

[أعشقه]

مابي احمل الله لا يقولها
عندي بنت عمرها سنتين وخمس شهور وولدي 10 شهور
انا كذا مو مرتاحه لو احمل خلاص انتحر
يارب لا تقولها يارب اني مو حامل يااااارب يارب ترئف بحالي
انا مابي اعترض ع حكمة الله بس مابي وضعي مايسمح والله متوتره
انا ابنتظر زوجي لين يجي يوم الخميس واذا ماجات يعني انا حامل بروح سوي تحليل
ياربي وش اسوي

[عروستة]

حبيبتي ما اظن انك حامل انت تقولي دورتك متخربطه يعني عادي اليوم لسه 1 ذو القعده صبري يومين الا هي نازله لا تدعي ع نفسك يمكن الله يستجيب دعائك و بعد ولدك ذا تتأخري بالحمل لا سمح الله اتكلي ع ربك

و ثاني شي بدل ما تصيري في احوال امنعي و ارتاحي يعني بالكاندوم مثلا ماشرط حبوب

[أصآآيل]

حبيبتي لا توتري نفسك دام دورتك مومنتظمه ممكن انها متاخره ورح تنزل ....


الله يعينك

[اشكرك ربي]

ماعندي خلفيه بس انتظري يمكن تنزل

[سمر الليل]

طيب لوصار حمل ايش راح سوين مابيدك حلة تحمد الله وشكرية يعني انتي تحرقين اعصابك بس احتمال مش حمل ولو كان حمل اسجد سجدة شكر لله غيرك يبي الحمل مش طايلة بقولك قصت اختي حملت في الاول وجابته بعملية ماكانت تبي تحمل بسرعة بس الله كتب لها الحمل وطفشت حيل قالت شلون كذا المهم ولدت طبيع وقالت ما ابي احمل راح اركب لولب وكان ابواب السمااء مفتوحه الله استجاب دعوتها ماحملت بعد الثاني كانت تبي عيال ولاحملت يعني العيال تبونهم بمزاجكم الواحد يحمد الله ان معطيه صحة وعيل استغفري الله وصدقني حتي لو كنتي حامل راح تعدي علي خير شوفني اتمني الحمل بس اله مابعد يامر وصابرة وعذرني اذا كنت شديدة عليك

[أعشقه]

لا ياقلبي مو شديده معي ولا شي
انا ماعندي حد يساعدني ع عيالي حيييل تعبانه منهم
وربي النوم بالحسره علي
صايره كاني شغاله اغير لهذا واوكل لهذا وابي انيم هذا وهذا يصيح لازم اسكته
تعبت وربي تعبت
انا مابي اعترض ع حكمة الله وابي عيال مو مابي بس مو الحين انا تعبانه ونفسيتي والله ماتسمح
ليه اجيب عيال وثمن اتعبهم معي ماقدر اراعيهم هذا فكرتي بس ..
وابوهم شهر مااشوفه الا سبوع هذا حالي شفتي شلووون
انا حتى بولدي يوم حملت بسرعه والله مازعلت قلت الحمد لله وخيره من ربي
بس الحين انا ماعندي استطاعه
بس لو ربي كتب مابيدي شي غير الحمد والشكر له هو اعلم بحالي وهو اعرف با الاصلح لي
شاكره لكم حبايبي .

[أسيرة زوجي]

الله يرح قلبك و تكوني مو حامل

اشتري تحليل و ارتاحي

إن شاء الله يكون مو حمل و إذا صار حمل كل شيء بإذن الله

[أعشقه]

يارب ان شاء الله تجي لي وافتك
ماقدر اشتري لي يجي زوجي ليوم الخميس بس يارب تجي لي قبل يارب
بس اذا ربي كتب ماقدر اقول شي الحمد لله ع كل حال