ابره الظهر

[يارب لك الحمد]

اهلين ياحوامل
انا اليوم كنت عند صحبتي ولدت ماشاءالله وجابت بنت
والحمدلله من كثر ماعانت بحملها حسيت اني انا اللي ارتحت ههههههه
وروحت وشوفتها وحكتني عن ابره الظهر الحمدلله لقيت احد يفيدني
وربي يابنات تقولي كل كلام المنتديات كدب
خديها وانتي مغمضه
ايش هدا التخويف االي كانو يخوفونا فيه
اللي تقول شلل والي تقول تحملي الالم وخديها اجر
بس فلسفه اصلا انا قررت ماعاد ادخل منتدى واسال عنها دامني شفت تجربه وقدامي
واللة كل اللي تقوله بس انها ماتحملت الطلق وفي الاربعه سم قالت لهم ابغاها
وبس وضربوها زي اي ابره بتوجع لاتقولو مؤلمه
اظن ان حتى ابره الوريد تالم
وخلاااص صح انها تحس بضغط من تحت بس اهووووووووووووووووون من عداب الطلق وبعدين اللي تقول انه ماتحسي بالجنين وهوه ينزل اجل كيف انشاءالله هيا دفعت وولدت وربي غبااااااااااااااااااااء وبس تخويف
انا راح اخدها بدون تردد وعادي الم ضغط ولا الم طلق
ويحطو لك قسطره بعدين عشان البول
وبعدين اللي يقولو اجر ومادري ايش هوه طيب واجر الحمل هدا فين راح ماهو تعب
واجر الالم حق الخياطه مسكينه البنت كل شويا تتالم ويعطوها بنج مرهم بس برضو يالم وصبرها عليه بالله مو اجر
المهم الخلاصه اللي تدخل وتبحث عاالموضوع لاتسمع للباقين اللي يخوفوها
تقراء كلامي وتدعي لي ربي يسهلي حملي ووولادتي
وتااااااااخدهااا وترتاح بس اهم شي بمستشفى مضمووووووووووووووووون

[gafa]

صحيح كلامك ابرة الضهر مالها تأتيرات كتير

فقط الم الضغط والرأس غير هيك مالها

مع العلم ان اغلب الى ياخدوها ببلدي بياخدوا غرز خياطه كتير 20 او30

[يارب لك الحمد]

اهاااااااااا عشان كده المسكينه بتقول احس الخياطه الين ورا
احس مفتوح

[ملكتني بهمسك]

صح كلامك الله يسهل ولادتك وولدتي ولكل حامل يارب وانا اخذتها وماشفت منها الا كل خير

‫ابرة الظهر أثناء الولادة‬‎ - YouTube

[ام اسكندر]

احنا ما ادري ليه ننسى ان القيصري اللي ببنج موضعي تاخذ ابرة الظهر
ايش ممعنى القيصري مايصير لها شي والطبيعي توسوس!!!!
فعلا ابرة الظهر هيا نفسها اللي يعطوها للبنج الموضعي في القيصري
صاحية من فوق وماتحس من تحت
توكلي على الله وخذيها .. نص حريم العالم يولدو قيصري وماضرتهم

[يارب لك الحمد]

والله يابنات انتو مو متخيلين ايش يعني ابره ظهر سهله وبسيطه
لكن الكل مكبر حجمها
انا واللة يوم روحت لصحبتي تقولي والله والله طلبتها وانا مغمضه والحمدلله طلعت ابره عاديه وايش يعني صدااااااااااااااااااااااااع وايش يعني الم ظهر
ياابنات وياحريم دحين تبون نقنعوني انكم ماتتالمون في الدورة
مايجيكم الم ظهر ونفسيه خايسه وصداع
شي متعوده عليه شهريا
يعني ماادري ايش اقول للناس اللي مكبرينها

[مهره الدنيا]

حبيبتي هدي نفسك

وكل وحده ووجهة نظرها

ولها حرية الاختيار

[يارب لك الحمد]

صح كلامك بس معايا حق اعصب
ليه ؟ وحده خايفه من الولاده مووووت وعارفه نفسها مابتتحمل
وبكريه وتبغ شي يخفف عنها ويوم تسال عنه يخوفوها منه
وبكده بتوسوس وبتتقفل كل الحلول بوجهها
وصرت شايله هم الولاده بشكل اكبر
بسبب
1- والله الابره يااختي مانصحك بيها انا خدتها وشفت الويل
2- والله مضره وبتشوفين تعبها بعد الولاده وترى معروف انها ماتخليكي تدفعي ولاقدر الله يموت الجنين
3- ليه الابره والكمام موجود الابره تسبب شلل وايش ضمنك الدكتور شاطر
4- وترى الابره تنحط في مكان خطير وحساس
ووووووووووو بالله ايش بيكون ردت فعلك احبااااااااااااااااااااااااااااط وياليت انهم جربوووو
الا بس من السمع مع اني كنت باامس الحاجه لااي احد يطمني ابغ احد يطمني
ووشوفي سبحان الله زميلتي كانت نفس الشيء لا مابغاها عشان لاجيها صداع وهي عندها صداع نصفي ومااتوقعت ابداااااااااا انها تاخدها
بس ماقدرت تتحمل الالم واخدتها وماشاءالله تقول كل الكلام كدب كدب كدب
نفسي بس اللي ماتعرف شي ماتتكلم فيه وماتخوف
اقلها تقول اسالي دكتورتك

[Eimo]

انتي مالك دخل من كلام المنتديات وكلام البنات
وانا عن نفسي أقولك خذيها وعيونك مغمضة
انا أخذتها لما ولدت بنتي وما شاء الله لا مشكله ولا شيء
وكمان انتي اصلا وقت الولادة بتدفعي وهي فائدتها
انك وقت الكشف ما بتحسي بشيء وآلام الطلق ولا كأنك بتولدي
بس وقت الدفع بتدفعي مع مساعدة كمان
وكمان الام القطع والخياطة والتنظيف ما بتحسي بشيء
هو الغرز كثيرة لانها خياطة تجميلية من الداخل والخارج
ولو فيك الم الله يخلي الفولترين تحاميل ولا كأنك عندك خياطة
وكمان هم بيعطوك بنادول ومسكن ولازم تنامي يوم بدون مخدة وكمان بيقولوا
تشربي شاي كافي عشان الصداع ومو لهدرجة صداع عادي تقريبا
ولو عندك اي سؤال انا جاهزة
اسئلي مجرب ولا تسألي قارء

[يارب لك الحمد]

ياحياتي انا توني شفت رسالتك لاني دخلت علي موضوع وحده كاتبه نفس السوال وحزنت من قلبي لاني حاسه بيها
ودخلت علي مواضعي
ربي يسعدك ياشيخه

بس حبيت اسالك الابره كانت تالم ولالاء
ومتا شالوها وكيف الصداع