حامل شهر ونص ومعي دم

[نوري101]

السلام عليكم ورحمة الله وبركاته
انا سبق نزلت موضوع عن نزول دم الله يكرمكم معي وهو لا زال معي
اخذت مثبت دفاستون وتحاميل سايكلوقست 400 مرتين باليوم والحمدلله
بس للحين ماخف ومرات اخسه يزيد
الدم اللي ينزل مو دم سايل لا لزج وغامق والحمدلله مافيه آلام الا آلام بسيطة
اللي احس بها اول ماحملت قبل الدم
بس والله خايفة وعلى اعصابي توقعت يوقف بس زي ماهو
طمنزني واللي سبق وجاها مع الحمل دم والحمدلله وقف وتم حملها على خير
كيف كان وكميته وكم مرة تغير الفوطة باليوم
الله يجزاكم خير

[سكر عسل]

حبيبتي عليك بالراحه التامه
ونامي وارفعي رجولك بمخده وسط
ولا تشربي اشياء حاره وابعدي عن اكل الفلفل والشطه
انتي زي حالة اختي وماشاء الله الحين هي بالسادس
بس الدم اللي ينزل منها خفيف مع افرازات وبعض الاحيان يزيد
لكن انصحك تكلمين دكتورتك وتقولينها عن حالتك
والله يتمم حملك وتشوفين ضناك سليم معافا

[ملكة الاحساس]

حبيبتي حاولي تروحي مستشفى ثاني لاتتحركي كثير خليكي على ظهرك انامريت بهاالتجربه في حملي الاول من الشهر الرابع الى نهاية الخامس وانا معايه نزيف مره سويت المستحيل واجهضت كل باامرالله لوربي كاتب يعيش والله حاسه فيكي ان شاءالله ربي يتمم علينا بخير

[أمونه]

حاولي ترتاحين ولاتجهدي نفسك بالشغل شكلك ماتريحي وانتي ببداية الحمل لازم ترتاحين
وقولي لدكتورتك عن الي يحصل معك
والله يتمم حملك على خير

[يارب ترزقني بطفل أضمه]

الله يثبت حملك يارب ويفرح قلبك ارتاحي وارفعي رجولك شوي وكثري من الاستغفار والصدقة واشربي ياقلبي زمزم بنية ان ربي يثبته وانصجك تروحين دكتورة افضل ياقلبي

[بنت الأزوري]

الله يتمم لك على خير

مثل مااقااالوا لك البناااات ريحي نفسك وماااعليك الا العافيه ان شاااء الله

[نوري101]

الله يسعدكم يابنات الله يجعلنا من احبابه ويجمعنا ووالدينا في جناته
انا مريحة ع الآخر واله بس والله امل احتاج اتحرك شوي ع الاقل تتغير نفسيتي
وببالنسبة للدكتورة دكتورة في مستشفى وش بعد مستشفى الحبيب
والمواعيد والزيارات مو على كيفي واللي يودوني عندهم دومات وارتباطات
دعواتكم لي وربي يطمن قلوبكم ويرضى عليكم

[om feesal]

نصيحتي لك ادخليلهم من الاسعاف على طول يوون لك كل شي
للاتغلطين غلطتي وتاخذين مواعيد على بال مادخلت عند لدكتوره وموعد ثاني عشان تحليل وموعد ثالث عشان السونار
زاد علي النزيف وسقطت قبل ما اسوي اي شي

الله يثبت حملي وحملك يارب
واتمنى انك تروحين للاسعاف على طول

وطمنينا عليك

[نوري101]

ام فيصل لا تخوفيني الله يرضى عليك اللي فيني كافيني انا جاية تطمنوني وتدعون لي مو تروعوني
الله يهديك بس ويخلي لك فيصل واخوانه :(

[om feesal]

ياعمري والله مابي اخوفك وموقصدي بس ابيك تتحركين وتلحقين على نفسك عشان مايضيق صدرك مثلي

واهم شي انك ترتاحين تمااااما
يعني يادوب تروحين الحمام وانتو بكرامه وبس

واذا استمر معك او زاد روحي الإسعاف في نفس المستشفى اللي تراجعين فيه
احسن لك

ويارب يتمم لك على خير ويسهل لك ويثبته يارب وتفرحين فيه