تجمع الحوامل اللي ولادتهم في صفر 1434هِ

ياهم ربي كبير · 07-20-2012, 02:48 AM

تصبحووون على خير حبيباتي

وحبيت اخبركم ان تواجدي رح يقل هالاسبوعين الجايين ، لاني رح اركز في تجهيز نفسي حق المقابلة
عندي مقابلة بالجامعة تاريخ 1 شهر اغسطس .. ماتنسوني من دعواتكم

مدوخه حبيبها · 07-20-2012, 10:31 AM

مرحبا كروشااااااات
مبارك عليكم الشهر
وحابه ابشركم اني سويت سونار امس
والحمدلله قالت ان اللي في بطني ان شاء الله ولد..
وانا اللحين بالشهر الرابع..
16 اسبوع و5 ايام ..
والله يتمم علي وعلى جميع الحوامل ويقومنا بالسلامة ان شاء الله ويقر عينا بشوفة اطفالنا في احضانا متعافيين..

ياهم ربي كبير · 07-20-2012, 09:05 PM

يا هلا مدوخة حبيبها
آمين يارب .. ومبروووووك ع الولد
ربي يتمم عليكي بالخير وتشوفيه بين حضنك يارب

شو صار للبنات اليوم ؟ ماحد دخل
شلون عدّا اول يوم رمضان عليكم ؟

احنا لسا باقي لنا ساعتين ع الافطار

@ام عبدالله · 07-21-2012, 12:25 AM

كيفكم مع الصيام من الي صام ومين الي فطر بسب ضروفه

ياهم ربي كبير · 07-21-2012, 12:45 AM

انا صمت الحمدلله ، مع انه الساعات كانت وايد طويلة ، تقريبا 18 ساعة !!

رتوله · 07-21-2012, 04:37 AM

مبارك عليكم الشهر
الله يعينا على صيامه وقيامه
يابنات أحس بثقل وتعب وأنا توي مادخلت
الخامس والم بالحوض والفخد وشد. هل هذا
طبيعي ؟

اروي يقيني · 07-21-2012, 11:33 AM

هلا بنات شلونكم

زنوب انا وايد تعبانه من الصيام ووايد عطش

وغثيان خايفه يصير لي قضاء

مدوخه حبيبها

مبروك الولد ويارب تشوفينه باحضانج

رتوله
اي انتي تحسب بالضبط باللي اعاني فيه
الم بالحوض وشد مؤ طبيعي والم بالظهر بس قالو لي طبيعي

ياهم ربي كبير · 07-21-2012, 03:08 PM

اروي حبيبتي تسحري وايد زين
كلي اشياء كثيرة واشربي مااااي وايد وكوب حليب بعد
بيخفف عنج الجوع .. انا كنت خايفة مثلج قبل رمضان وكنت اقول رح اقضيه
بس قلت اجرب والحمدلله قدرت اصوم اول يوم بنجاح لاني تسحرت زين ..

رتولة ايه حبيبتي هذا شيء طبيعي
انا بدأء معي الالام الحوض والثقل بنهاية شهر الثالث!
والحين صايرة متعودة عليه عادي

ياهم ربي كبير · 07-21-2012, 03:12 PM

اليوم دخلت 19 اسبوع
باقي لي اسبوع وادخل الاسبوع الـ 20
وبعدها بيومين بيكون تاريخ السونار اللي انتظرته 5 اسابيع !!

.شوش. · 07-21-2012, 04:42 PM

رتوله'، انا صاير معاي نفس الشي
لما بديت اسوي السحور امس واحس ان وركي بيطيح من الثقل والم في الظهر
انا خفت لان الالم جا فجأة
صرت انسدح طول الوقت ورجولي ارفعهم على مخده والحمد لله خف التعب مع كثرة الراحه

مدوخه حبيبها''
مبروك البيبي بوي، الله يقر عينك بشوفته بخير وعافيه

يارب همي كبير،،
الله يوفقك ويسهل لك مقابلتك
عاد بشرينا بنتيجة السونار ،فرحينا معاك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
.·¤ تجمع الحوامل اللي ولادتهم في محرم¤·.	ام اسكندر	إستفسارات مرحلة الولادة	23225	12-20-2012 07:27 PM
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM