[ تجمع الحوامل اللي موعد ولادتهم في ذي الحجة 1433 ه ]

[دلوعة وطيوبة]

ماشاءالله دخلت السادس ياربي احس الوقت بركض

[عروسه اموت على البيبي]

دلوعه اكيد فقدناك يالبى قلبك اصلا انتي الخير والبركه دايما كل مادخلت المنتدى ادخل التجمع واشوف اول مشاركه وهي مشاركتك فديتك ولله والف مبروك على دخولك السادس وعقبالي يارب

[ملكتني بهمسك]

حبايبي كروشات شفت قصه عجبتني واستفدت منها كثير اتمنا ان الكل يقرها
السلام عليكم ورحمة الله وبركاته

هذا قصة احدى الاخوات لقيتها في منتدى ثاني حبيت انقلها لكم للعظة والعبرة والله يصبر قلب اختنا ويجعل طفلتها شفيعة لها انشاءالله واليكم قصتها

اللــــهم أجـــرني في مصــــيبتي وخلـــف لي خــــيرآ منـــها

انا حبيت اكتب لكم سبب وفات بنتي عشان الي بكرية تتعض والي كمان غير بكرية لاتسوي مثل مانا سويت لاني انا مو بكرية عندي بنت الله يخليها لي وحملت بعد اربع سنين من يوم جبت البنت الكبيره لما وصلت لشهر التاسع طوفت علية سبعة ايام وخفت رحت للمصتوصف الخاص الي اراجع فيه وانا ارجع في مشتشفى حكومي كذلك لما رحت لدكتوره الي في الخاص وشاافتني وشاافت ملفي قالت انتي لسى مولدتي وهذا الي زااد خوفي قالت امشي اسويلك سونار وقالت كل شي تمام والبنوتة كويسة وماخذه وضعها الطبيعي قالت تحسي بشي قلت ولا شي قالت بكشف ليك من اسفل عشان اشوف مفتوح الرحم ولالا لان على قولتها في بعض الاحوال ينفتح الرحم بدون الم وكشفت علي قالت ماشاء الله مفتوح اثنين سم ونص قلت واشلون وانا ماني حاسة بألم قالت احمدي ربك هذي نعمة الحمدلله على مايعطي ويريد المهم بعد مكشفت علي المتني كثير وبعدها قمت احس بألم يروح ويجي بس الم خفيف قلتلي لازم تروحي المستشفى الحكومي وتسوي تخطيط قلب للبيبي لانة مااعندهم ها الجهاز رحت وكشفو علي وسو تخطيط قالو لازم تحريض ولاده انتي مطوفة قلت خالص مدام انفتح في امل اولد بدون تحريض بعطي نفسي يوم او يومين قالت لا لازم تتنومين قلت لية التخطيط فية شي قالت لا سليم قلت مابي اتنوم وطلعت على مسؤليتي >>>>اكبر غلط ارتكبتة في حقي وحق بنتي بس يشهد علي الله كلة عشان بنتي وزوجي معندهم احد وانا وياه في منطقة بعيده عن اهلي واهلة المهم قعد معي الالم الي يروح ويجي يوم كاامل وانا احس بعراضة ويوم جا اليوم الثاني با الليل رحت اخذ دش يريح اعصاابي لاني متوتره بعد مخذت دوش وانا اتجفف شفت بطني يتمدد بشكل فضيع ويد مدري رجل بنتي كاانت راح تطلع مع جمبي والله شكل بطني مخيف وكل هذا بدون الم بس اللالم الي يجي ويروح كل عشر دقاايق بضبط وخفت قلت لزوجي مدري وش في بطني يتمدد بشكل المخيف حسيت للحظة ان بنتي راح تطلع مع جمبي من شكل يدها او رجلها الي تمدها مع جمبي قال زوجي مراح اخليك لازم وديك المستشفى الليلة قلت خلاص بس بعشيكم ونروح قال طيب وتجهزت وجيت وجلست حسيت شي نزل علية فرحت وخفت فرحت قلت الحمدلله قرب الفرج هذي اكيد الموياااات وخفت وانفجعت وانصدمت لمن شفت الدم جااني نزيف فضيع فضيع زي سطل الموية الي ينكب زيوه دم تخيلو و ربي ما أبالغ انفجعت احس انة يغمى علي واصحى رحت المستشفى وكشفو علي سوناار لقو المشــــــيمة منفصلة قررولي عملية فورا سويت العملية وصحيت كان زي الحلم لقيت نفسي اضرب براسي في السرير صحصحت لقيت حولي دكاتره قالو الحمدلله على اسلامة واحمدي ربك الي نجاك من الموت ولقيتهم يعطوني اكيااس دم ومن ضمنها كيس لونة اصفر معرفت اشهوه الي تعرفة تقلي الله لايهينها المهم قلت كيف بنتي قال لاطيبه قلت الحمدلله قالت لي الدكتوره ادعي لبنتك قلت وش فيها قالت قل عليها الاكسجين وكذلك قل عليك بدينا حياتك على حياتها بس ان شاء الله تقوم بسلامة وهي في العناية المركزه صبرت واحتسبت قلت ان شااء الله انها بتطلع طلعوني انا للملاحظة لمده يومين بعدين رحت لبنتي وانا مسوية عملية يا الله اوقف ويا الله اجلس وتعرفون العناية المركزه لازم تعقيم كامل ولبس مريلة ومن هذا دخلت اااااااااه دخلت الا كل شي فيها يشتغل على الاجهزه القلب جهاز والتنفس جهاز كيس مغذية كيس دم وقلي الدكتور ادعيلها واجتمع فيني انا زوجي قال ان عااشت تعيش معوقة لان حالت بنتكم من الدرجة الثالثة جدا تعبانة خمسين في المية يموتون اول الايام والخمسين الثانية معااقين طلعت وانا تعباانة نفسيا وادعي اللهم ان كان في خير ان تحيا فاحيا واذا في مماتها خير ومكنت اكمل ماابي ادعي على بنتي هذي بنتي المهم ارسلولي طبيبة نفسية ومعها ثنتين قاامت تشرحلي تقول لية متنومتي اش صاار قلت ولاشي قالت تعرضتي لضربة على بطنك قلت لا قالت تخرتي بنتك انفصلت عنها المشيمة يعني لاكسجين ولاغذا وغريبة ان المشيمة معطت انذار قلت وشلون قالت يكون الم فضيع انت محسيتي بكذا قلت لا قالت المفروض انة اذا انفصلت المشيمة نكون مولدينك في عشر دقاايق انت يمكن اخذتي نص سااعة وارسلولي الطبيبة الي تعطيني حبوب الي توقف الحليب عندي رفضت اخذها وضليت اشفط وكب اشفط واكب شفت حليبي الي المفروض بنتي تشربة وشفت البا اااااه وكان كل ماسمع صوت طفل في الدور الي عندي ابكي ويبدى صدري يصب كنت اتعذب اتعذب وطلعت يوم صاارلي ثلاث ايام وكل هذا تقدير لنفسيتي طلعوني ولا المفروض اطول الحمدلله طلعت رجعت اليوم الخامس لبنتي اليوم الرابع تعبانة ولا رحت رحت اليوم الخاامس ولقيتها جداا تعبانةقال الدكتور الاستشاري حنا نستااذنكم انة اذا مات قلبها ماننعشة ننعشة عشان نعذبها البنت زي البلاستك حنا الي نضخ الدم والقلب والتنفس وحنا الي نعطيها دم مصارت العضلة الي تفرز كريات الدم تفرز تعطلت وحنا الي نعطيها مدر للبول اكرمكم الله وحنا اذا نجي نسويلها تحلليل دم الدم ميتوقف ينزف اصبعها او محل العضلة يعني الله يعوضكم خير انا لالالا تكفى انعشها انا ابيها كنت ابكي ابكي واقول انا السبب بنتي كاانت ايامها الاولى بيضااء والحين صاار الدم مكأنة يمشي يعروقها كأنهة يمشي تحت جلدها راح لونها لون الدم وبطنها كبيييييير بشكل فضيع اخر يوم لها كاانت مخيفة مسكتها ومسحت على راسها وقلت سااامحيني يماما ساامحيني يمااما وكانها كانت تنتظرها ها الكلمة عشان تودعني عليها رحت البيت وانا منهاره وسبحاان الله الي وضع في طريقي اثنين معوقين عشاان اشوف رحمتة فيني وفي بنتي والحمدلله هدئت اعصاابي جلست سااعتين با البيت الا والمستشفى يدق علينا يقول الامانة الي عندنا راحت لخالقها اثااريها يوم جيت كانت تناازع وقلي ها الشي الدكتور اختها وهي ميتة حضنتها اااااااااااااااااااه غرقت وجهها بدموعي ضليت اشمها واضمها يسحبونها مني مكنت افكها ابد تخيلو يابناات نشف صدري الايمن وصدري الايسر ماانشف لحد الحين لان راسها كان عنده تخيلو والحمدلله توفت وارتااحت اما انا فكل مشوف ملابسها وهندولها وغرااضها اتألم والحمدلله على كل حال ااااااااااااسفة طولت عليكم فلاتسون الي انا سويتة انتبهو ياخواات الله يحميكم ولا يمر عليكم الي مر علية اللهم امين ومدري انا احس اني مذنبة في حق بنتي وش رايكم
لاتحــــرموني من دعــــواتكم في ظهـــر الغيب محتااااجه له كثيير
اللــــــهم أجرني في مصـــيبتي وخلف لي خير منها اللهم امين

قصة واقعيه للعضى والعبره دعواتكم لي ربي يسهل ولادتي

[nur.kh]

بحق قصة مؤثرة جدا
اللهم ابعد عنا و عن اجنتنا كل شر يا رب العالمبن

[دلوعة وطيوبة]

يالله ياقصه مرررررره محززززنه يارب سهل علينا حملنا واحفظنااا ياكريم عروسه فديت قلبك المهم اخباركم مع الحمل اليوم اخوي زوجي جاء وربي جاني حماس قلت بسوي غدا ليتني قلت لك اطلب من برا المهم سويت قهوة وشاي والغدا وطبق حلا سميد وسلطه الرمان تخيلوا كلها وراء بعض المهم يوم ريحت عمري احس ظهررررررررري وبطني المني وربي شوي وببكي من التعب باقي غسيل الصحون غير كدا قبل لايجياخوة منظفه البيت ومااخذه شاور لتصل فجاه يلا اناجايكم وبتغداء عنكم قلت قصه حياتي الشاغله هههههههههه بس ارتحت لما دهنت بطني بزيت زيتون مدري احسو متحجر يمكن من الشغل

[دلوعة وطيوبة]

اخطاء كتابيه لابد منهااااا ههههههههههههههههه لانو اكتب بجوال لاب توب زمان عنه

[نبض التحدي]

قصة محزنة بجد الله يحفظ لنا فلذات اكبادنا ويعوض صاحبة القصة خير

[ام اسكندر]

يابنات ودي اشتري محضرة طعام
اللي هو الخلاط اللي بعدة وظائف
عصارتي انكسرت ذا الشهر
وضروري عصارة لعصاير رمضان
بس ابيها بعدة وظائف تقطع وتعجن وتفرم وكله

زوجي مايبي يشتري الان عشان عليه عدة اقساط ذا الشهر
والراتب مخصوم جزء منه عشان غاب

قاعدة اشوف في النت العروض
لقيت في عرض بندة ذا الاسبوع محضرة طعام كينوود بـ199 ريال
بس زوجي ماهو فاضي يوصلني ولا متحمس يشتري شي ذا الشهر
وش الحل؟
تراه عرض مايتعوض
بالعادة الخلاط اللي عدة وظائف بـ600 ومافوق

اكيد ذا ابو 200 ماهو كل الوظائف بس يكفيني الصراحة

[ام اسكندر]

السلام عليكم ورحمة (الله) وبركـاته

اسعد (الله) مساءكم بالخيــر والسعـادة

اننا اليوم و ما تعانيه الامة العربية و الاسلامية من حروب و مكائئئئئئئد و تكالب الامم

نجد بعض القلوب الضعيفة للاسف

عديمة الضمير

لا يهمها حالنا بقدر ما يهمها كم هو عدد الاصفار وراء الرقم واحد الذي ستجنيه

و اي عمل او مشروع

مشروع مسلسلات منحطة و بذيئئئئئئئة

حتى وصل بهم الامر و الوقاحة الى اصحاب رسول الله عليه افضل الصلاة

و ازكى التسليم

سيدنا عمر رضي الله عنه

وكما لقب بالفاروق

و احد المبشرين بالجنة

و في شهر تتقرب فيه الناس لله بالعبادات و نحن نتقرب له بالمعاصي

انه مشروع مسلسل تحت اسم تاريخي

و في الحقيقة مجرد مشروع كغيره لكسب المال و الشهرة

و انما هي خطوات تقدم الى جهنم

اخواتي و حبيبات قلبي و نور عيوني الفاضلات

اننا مسؤولات عن هذه المهزلة فلنقاطع مسلسل عمر

و لنعلن الحرب امام الضمائر الميتة

ماذا بعد حذف القناة؟؟

،، تحيه معطره لقلوبكم الطاهره "

تتفطر قلوبنا كلما راينا من يهين ويستهزء بهذا الدين ولا احد يوقفهم عند حدودهم .. ويوفتونا من

عقولهم كلن حسب هواه ... فحسبنا الله ونعم الوكيل ..

وأخواتي ..في (الله) .. ماذا بعد حذفي للقناة هل اكتفي بذلك ام ابذل اقصى جهدي لنصرة صحابة

رسول الله صلى (الله) عليه وسلم ؟ وهذا اقل القليل ( ولنجعل الصحابه قدوه لنا في تسابقهم

لدفاع عن دين (الله) و عن الرسول صلى الله عليه وسلم )

وهنــا بعض من الإقتراحات ومن لديه فليضيف ما عنده ..::

1- عدم الاقبال على هذا المسلسل و متابعة حلقاته في حال اذا لم يتم وقفه .

2- الطلب من ائمة المساجد تخصيص خطبه يوم الجمعه من اجل هذا الامر وتوعية الناس (بطلب من

امام مسجدك او تنبيهه او طرح الموضوع معه ) .

3- نشر فتاوى العلماء في تحريم التمثيل بشخصية الصحابه رضي (الله) عنهم في جميع المواقع

الاجتماعية .

4- دوركن ايها الامهات ،، بتعليم صغاركم سيرة رسول (الله) صلى الله عليه وسلم ، ومن هم اصحابه

الكرام باسلوب بسيط ، ولو حفظ فقط اسمائهم.

5- بادر اخي اختي باالاتصال او ارسال الرسائل عن طريق جوالك او المواقع الاجتماعيه او عن طريق

علاقاتك إلى العلماء والمشائخ والدعاة باالاستنكار والوقوف وقف جاده من اجل هذا الموضوع ..

6- الاتصال او المشاركه في البرامج التلفازيه ،، ببرامج الافتاء وغيرها من البرامج الدينيه ،، بالاستنكار

لي مثل هذه البرامج التي تمثل اصحاب افضل البشريه .

7- رفع البرقيات والخطابات الى ولاة الامر وهيئة كبار العلماء والقنوات لاستنكار الامر والوقوف وقفه

جادة من هذا الامر في جميع دول الخليج والدول العربيه " وأخص بذلك أخواننا في دولة قطر لان

قناتهم ستعرض هذا المسلسل ’’ .

8- ايصال استنكاركم واصواتكم عن طريق الصحف الاكترونيه لم لها من دور كبير .

اختي ..لا نعلق الاجراس فقط على العلماء والمشائخ والدعاة ،، فـانت لك دور في ذلك .. فهذا دورنا

جميعا .. فـلا نكون أمــة متخـــاذلــة .



واخيراا "" هل تريد أن يسبقك احد في الدفــااع عن صحابة رسول (الله) "


،،؛..،؛ نسأل (الله) ان نؤجر على هذا العمل ،،؛..،؛

لنهتــف بصووت واحد ..:


’’ كلنا معاً من اجل ايقاف مسلسل عمر’’



[color="rgb(46, 139, 87)"][ قرارات هيئة كبار العلماء ]

وبعد اطلاع الهيئة على ما أعدته اللجنة الدائمة للبحوث العلمية والإفتاء على ذلك وتداول الرأي فيه قررت الهيئة بالإجماع ما يلي :

1 - إن الله سبحانه وتعالى أثنى على الصحابة وبين منزلتهم العالية ومكانتهم الرفيعة ، وفي إخراج حياة أي واحد منهم على شكل مسرحية أو فيلم سينمائي منافاة لهذا الثناء الذي أثنى الله -تعالى- عليهم به وتنزيل لهم من المكانة العالية التي جعلها الله لهم وأكرمهم بها . .

2 - إن تمثيل أي واحد منهم سيكون موضعا للسخرية والاستهزاء به ويتولاه أناس غالبا ليس للصلاح والتقوى مكان في حياتهم العامة والأخلاق الإسلامية مع ما يقصده أرباب المسارح من جعل ذلك وسيلة إلى الكسب المادي ، وأنه مهما حصل من التحفظ فسيشتمل على الكذب والغيبة كما يضع تمثيل الصحابة رضوان الله عليهم في أنفس الناس وضعا مزريا فتتزعزع الثقة بأصحاب الرسول صلى الله عليه وسلم وتخف الهيبة التي في نفوس المسلمين من المشاهدين ، وينفتح باب التشكيك على المسلمين في دينهم والجدل والمناقشة في أصحاب محمد صلى الله تعالى عليه وسلم ، ويتضمن ضرورة أن يقف أحد الممثلين موقف أبي جهل وأمثاله ويجري على لسانه سب بلال وسب الرسول صلى الله تعالى عليه وسلم وما جاء به من الإسلام ، ولا شك أن هذا منكر ، كما يتخذ هدفا لبلبلة أفكار المسلمين نحو عقيدتهم وكتاب ربهم وسنة نبيهم محمد صلى الله تعالى عليه وسلم .

3 - ما يقال من وجود مصلحة ، وهي إظهار مكارم الأخلاق ومحاسن الآداب مع التحري للحقيقة وضبط السيرة وعدم الإخلال بشيء من ذلك بوجه من الوجوه رغبة في العبرة والاتعاظ ، فهذا مجرد فرض وتقدير فإن من عرف حال الممثلين وما يهدفون إليه عرف أن هذا النوع من التمثيل يأباه واقع الممثلين ورواد التمثيل وما هو شأنهم في حياتهم وأعمالهم . .


4 - من القواعد المقررة في الشريعة أن ما كان مفسدة محضة أو راجحة فإنه محرم وتمثيل الصحابة على تقدير وجود مصلحة فيه ، فمفسدته راجحة . فرعاية للمصلحة وسدا للذريعة وحفاظا على كرامة أصحاب محمد صلى الله تعالى عليه وسلم ، يجب منع ذلك . .

المصدر : (( مجلة البحوث الإسلامية )) العدد الأول -من رجب إلى رمضان لسنة 1395هـ / ص223
[/color]

[دلوعة وطيوبة]

ام اسكندر يالبا روحك وينك وحشتيني عطينا اخر اخبارك شكلك متحمسه لرمضان عاد الله يعينا ع اولادنا وكروشنا