تجمع حوامل سوريا-دردشة ورود سوريا-دردشة الغاليات

عبير اسماعيل · 05-02-2012, 12:09 AM

يسعد مساكون صبايا
كيفكون
سروءه كيفك وكيفا جود ؟؟ والله ناطف قلبي ع الولادة ‏
مليت كتير ومشتاقه شوف ابني كل هل شهور اللي راحت كوم
وهل كم اسبوع كوم تاني خصوصي اني حاسه حالي خلص تعبت
وخلصت طاقتي ‏..‏ غير انو البيبي ضايج وعم يحوص الله وكيلكون
عم قوم عالاربعه من التقل وما عم اعرف نام عضام الحوض واجعتني ‏
كتيير الله يفرجها

عبير اسماعيل · 05-02-2012, 12:16 AM

سروءة
حبيت أسألك شو آخد معي عالمشفى الي
ولإبني يعني انا عندي معلومات بس حبيت اسألك بلكي ‏
في شي مابعرفو اونسيانتو خصوصي اني رح ضل بالمشفى خمس
تيام لحتا أطلع ‏
وغالبا ما آخد الشهر كلو فيا ريت ‏ تفيدينا ‏

غير انو في شي لازم ساويه قبل وشو استخدمتي شي
ما كان ببالك

silla · 05-02-2012, 01:18 AM

هههههههههه هدولة بقا سماح
اي الف الحمد لله

لك ياقلبي عليكي لساتك حايصة ولا يصة مع هالوحام
ياربي دخيلك
لا الحمل سهل ولالولادة سهلة
ولا ترباية الولد
لك فهموني شو السهل ؟؟؟؟؟؟؟؟
الله يهونها ياربي دخيلك
بتعرفو حولي وحوالي حوامل بالشهر التاسع وعم عيش مع كل وحدة احاسيسها ههههه
لهيك حاسة نفسيتي متازمة والله خخخخخخ
الله يهونها عليهن يارب وهون في عنا عبورة بالتاسع ياربي الله يسهلها عليكي ياقلبي وتقوميلنا بالسلامة يارب
انت وحمودة

الله يفرجها ع بلدنا الغالي سوريا اللللللللللله يفرجها يارب

silla · 05-02-2012, 01:20 AM

سرووووووءة يلا امت بدنا نشوف جود؟؟؟؟؟؟؟؟؟

صحي سروءة امت بلشتي تقومي من التخت وتمارسي حياتك بشكل طبيعي
ولا لسا مو القيصري يمكن بدك شهر لتقدري ترجعي تمارسي حياتك بشكل طبيعي !!!!!!

ولي سروءة بدها تنجلط الكل نازل اسئلة فيها هههههه ربي يعينك ياقلبي

سرووءة · 05-02-2012, 01:46 AM

عبورة
اول شي راح قلك شنتايتي شو حطيت فيها
روبين نوم قطن عادي فوط. داخلي شي4. ستيانات رضاعة. شامبو جسم مع ليفة. مرطب ايدين. مرطب شفايف. مزيل عرق. معقم تاتش ديتول مشام وقت ترضعي تعقمي ايدك. فرشاية شعر. واذا جاي لعندك حدا بدك تفريعتين نفاس خفاف للمشفى اة وحدة
اهم شي راح تحتاجي شحاطة فرو مسكرة من هي تبع الشتا
مشان وقت تقومي تمشي تلبسبا لان راح تبردي كتير
وخدي جرابات احتياط لان بتبردي

شنتاية البنوتة
اخدتلا 3 افرولات بيض و3 لفافات ابيض كمان وكفوق وطاقيتين ابيض
واخدت افرول زهر مع طاقية مع حرام زهر هدول لبستا ياهن وقت طلعتا من المشفا
وبدك حرامين للبيبي
وانا بنتي كتير كانت تستفرغ وتوسخ تياب وانا ماحاسبة حساب
صرنا نغسل بالحمام وننشر
وخدي الها قطن ادنين وشي حفاضين وحزام للبطن
وشكالات حتا تثبتي للفافة هدول بتلاقين بالسنتر علبة فبها شكالات كبار
وخديلا عطر ومحارم معطرة
هدول احتياط لان اكتر الاحيان هنن بالمشفى بغيرولا

اي وخدي معك كريم اساس وهالشغلات
لان انا تاني يوم اخت زوجي استشورتلي شعري انا ومتسطحة وحطبت شوية مكياح
مشان الضيرف
يعني لختا تبيني انك ولدانة وعروس ^^
واهم شي شاحن الجوال ههههه
انا هدول يلي اختجتن وفرشاية سنان ومعجون
بس انتي ليش بدك تعدي شهر بالمشفا
هدول اتوقع مانسيت شي
واي سوال انا جاهزة

سرووءة · 05-02-2012, 01:49 AM

عبورة
اهم شي بماانك عارفة موعد ولادتك
قبل بيوم تحممي وشيلي الشعر عفوا عالحكي بس انا عم قلك شو ساويت
شعررالايد والرجل ومنطقة العانة
لان كلو حيكون مكشوف للممرضات

سرووءة · 05-02-2012, 02:01 AM

عبورة بدي انصحك نصيحة عن تجربة
عيشي ايام الحمل واستمتعي لو اد ماتعبتي
صدقيني راح تتمني الساعة يلي ترجعي فيا حامل
انا وحامل مافي حدا ادي كان يشكي من الملل وبس بدي اولد
وكنت صارعة زوجي
والله هلا بتننى لو ترجع بنتي عبطني ههههه
بكرا راح تجربي ةتتزكري كلامي
مافي احلا من ايام الحمل
حتا لو كان ابنك بحضنك
بس بكرا شوفي وقليلي هههه

صحيح انت دخلتي بالتاسع
ايمت عينولك الولادة

سرووءة · 05-02-2012, 02:07 AM

سلولة حبيبتي عااادي
روح قلبي سالوني مشان فيدكن انتو اخواتي
بالنسبة الي
اول يومين ماكنت قادرة ارفع راسي وكانو غصب يشحطوني عااحمام ةيمشوني
تالت يوم صرت لحالي قوي حالي قوم من التخت بس والله غصببب
وموت من الوجع
رابع يوم طلعت قدرت اركب بالسيارة
تقريبا خامس وسادس يوم ضليت متسطحة ووقت قوم من التخت شد حالي غصب
بس اضطر قوم امشي ببنتي مشان تسكت
يعني اتحمل الوجع وقوم
وانا كتر اهملت حالي
الدكتورة منعتني اني وطي عتحت
انا مارديت وانسا
وبعد كم يوم الجرح صاو يوجعني وقلتلي لانك ماعم تريحي لان انت عضلاة بطنك ضعيفة
المهم ياستي من يوم السابع ماعدت اعدت بالتخت
الا وقت النوم
ورجعت طبيغي
بس طبعا مابطبخ
الجيران الله يجزين الخير ماقصرو
كل يوم طبخة ةسلطة وشوربة
وبنت حماي ماقصرت لهلا بتبعتلي
الاسبوع الجاي حبلش اطبخ
هلا عادي بجلي بغسل
بس لابحمل شي تقيل ابدا ممنوع لمدة شهرين
حسيت حالي انظلمت كتير بنفاسي
بس شو بدي قول المهم بنتي بخير
وكلو بهون بعدا:(

silla · 05-02-2012, 02:36 AM

ياااااااااااااااااالله يابنات انحرقت ايدي بنقطة حليب حاطة ايدي بمي باردة اول ماشيلها بتللللللللللللهب علي
شوووو اعمل

يااااااااااااااارب جيرنا من عزاااااااااااااابك يارب

jorri sham · 05-02-2012, 06:05 AM

هديل غفعلا اسمي غريب كتير ومابحبو بس احيانا لما فكر فيه بقول ﻵ حلو ﻵنو عريب

ورده ﻵ اصحك مو حلو اسمي وماحدا حينصحك فيه يمكن ههه
والله يسلمك ياقمورة
عبورة هلا روحي يزن تمام ببوس خدك وبيسلم عالكل رنو اعد بحضني وعم يشوفني شلون داخلة المنتدى ههههههه

ههديل حبيبتي ﻵزم تاكلي اول 3شهور شو مابتاكلي رح يتحول لسكريات لو اكلتي مخلل سبحان الله وﻵزم تلتزمي بحبوب الحديد اهم شي وتغزي وشربي حليب منيح واكل ﻵنو البيبي مارح يسأل عنك رح ياخد وياكل من جسمك ومابيبقالك شي
اكل زمان كان يغزي هﻷ هرمونات وﻵ مصنع كلو طبيعي انتبهي عحالك وﻵ تتهاوني باﻷكل ولببو حبيبتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM