تجمع حوامل اللي موعد ولادتهم في شهر جمادى الثاني1433 ‏ه

[myso0oul]

صباح الخير كروشااات

بالنسبه للطلق فوفو انا جاني الم مسكني من ظهري لبطني
يعني من ورا ومن قدام وكان مستمر بس يحتمل نرعاً ما
لكن يوم فكت لي موية الراس خلاااااص موووت وبعدها ولدت الحمد لله

اما بالنسبه للكشف انا افضل جربوووه لاتسئلو عنه
في ناس عادي وفي ناس ماتطيقه وانا من ذووول
وصح زي ماقالت هناء اهم شي لاتخافو واسترخو وبيصير عااادي

[yaza]

بنوتات انا توني جيت من موعدي السونار يقول اني بالاسبوع 38 وخمس ايام
وبحساب الدوره باقيلي 3 ايام واخلص التاسع

من فيهم اصدق السونار ولا الدوره

وبعد الثلاث ايام وش اسوى اشيل عفشي واروح المستشفى ولا اصبر للموعد الجاي اللي حطته الدكتوره 16 /6 بس راح اكون بالعه شهري وعليه كم يوم

[أم عصوووم؟؟]

صباح الخيرات كروشات
الله يتمم لكن ع خير وتولدن بسلامه
أختي اخر دوره لها في 8/13
وليسئ ماولدت شكلها طوفت وما تحس بأعراض ولاده
ياليت تحسبون لها كم لها

[هنّوسه]

هنووووو

سميتي

الف مبرووووك والف الحمدلله ع سلامتك وسلامة الفصعون
يتربى بعزك ان شا الله


بناااات ... ترى الكشف المهبلي يختلف على حسب دفاشة الدكتورة ههههههه
يعني انا مرة سوت لي اياه دكتورة نعومة واصابعها نحيفة وما حسيت فيه
ومرة بشي مثل الانبوب مو اصبع يعني
ومرة دكتورة دبة توجع

بس وجعه عاادي يحتمل

[قشطه وعسل]

الف الف الف مبروك هنونا الحمدلله على سلامتك وسلامتها
وتتربى بعزكم يااااارب
وعقبالي وعقبال البنااات ياااارب

ام عصوم
اختك موعد ولادتها 26\5
يعني كذا طوفت 13 يوم موزين خليها تروح المستشفى
ترا كذا المشيمه ممكن تشيخ
والله يقومها بالسلامه ياارب

[ام ضاري11]

ام عصووم
غريبه ع اختك لازم تروح يولدونها غصب
مو زين اطوف اسبوعين

[أم عصوووم؟؟]

الله يعطيكن العافيه ماقصرتن
هي راحت يوم السبت وسولها سونار وقالت الكتوره كل شي كويس
بس الجنين معترض تعالي اخر الاسبوع يعني تروحلهم يوم الاربعاء
قلت لها الأربعاء اذا ما ولاتي اطلبي عمليه ايش رايكن

[قشطه وعسل]

والله ماادري يااختي
الدكتوره ادرى منا معترض يعني راسه موتحت صح
اذا قصدك كذا خليها تحبي وتطول في السجود ولاعادي تسجد
حتى لوماكانت تصلي
والمشي بعد يقولون ينزله تحت
بس وش هالدكتوره الي مخليتها تطوف اسبوعين غريبه
وان شاءالله تولد وتقوم لكم بالسلامه

[رذآذ آلمآس]

يازا يالبى قلبك والله انك ضحكتيني ههههه يفداك الاسم

انا اخر دورة 9/10 بس مادري ليش الدكتوره مستعجله على الكشف المهبلي الله يستر والله خوفتني هنوسه عاد دكتورتي دبه من النوع الي عضامهم كبار

[رذآذ آلمآس]

قشطه وعسل انتي ماتطلعين بوجهي الا وانا جوعانه وربي
او يمكن ماالاحظ روعة اسمك الاوقت الجوع والله اشتهيت قشطه معها عسل اممممممم لزيزه وخبز تميس بس مايبعون هالوقت هههههههه