تجمع لحوامل شهر جمادى الأولى 1433

[Jordan Lily]

أنا من السادس تقريبا كنت
أمشي نص ساعة 3 مرات بالأسبوع
و صرلي يومين بمشي ساعة كاملة
بس ما في أي بوادر
يا ريت اللي ولدوا قبل هيك يحكولنا
ايمتى بتبلش البوادر قبل بكم ساعة
أو يوم؟ ولا فجأة؟

[white sugar]

لودي الف الف مبروك واخيرا ربي سهللك
ما قلتيلنا ولدتي بطلق طبيعي ولا صناعي
والبيبي ايش سميتيه ؟

مخملية كيفك ايش اخبارك ، والله وحشني السهر والقرقرة معاكي اخر الليل ههههههههه
نفسي اكتبلكم قصة ولادتي ومعاناتي بعدها بس مو لاحقة
دوامي ساير شفتات انا وماما الله يعطيها العافية والله مو مقصرة معايا تاعبتها انا واولادي
احسها هيا اللي نفاس مع السهر اللي بتسهرو. . مسكينة حبيبتي وجهها صاير مصفوق مع الشغل حق البيت والسهر في الليل

مبروك للي ولدو وربي يسهل للي لسة بكروشهم
ان شاء الله ما ينتهي الاسبوع الا وكلكم والدين. . ولا والدات. ، عاد اللي دارسة لغة عربية تصححلي

[امي اغلى الناس]

ولللللووووش مبروك يالودي مابغيتي
الحمدلله على سﻻمتك
ننتظر قصة وﻻدتك انتي وسرووءة وباقي بنات التجمع
نبغى نقرآها ونولد

[noni]

ألف ألف ألف مبرووووووووو ك لودي
لبا الولد إلي يززززنن
ألله يحفظه ويحميه من كل شر
وعقبال باقي الكروشات

على طارئ الموانع أفكر باللولب بس خوفتوني محنا ناقصين كرش
والحبوب أكلتها قبل سببت لي حاله مثل الجنون
كل يوم خناق أنا وزوجي

وااايت كنت إقولك نامي قبل ما تولدون ؤربي تتمنون النوم
بس المهم انك ولدتي بالسلامه والنونو بألف صحه أن شاء الله

بيسو أنا مثلك بحملي الأول
ولما جت الولاده لفت بنتي رأسها نص لفه بس
واضطروا يسوون لي عمليه
لأن مثل ما قالوا لك لازم يكون وجها لتحت
بس أن شاء الله يلف ألبيبي معك وقت الولاده

[mony88]

مبروك لودي والحمد لله على سلامتك يتربى بعزك

عقبالنا يارب الله يسهل لنا بارب

[المخملية]

اهلا اهلا بنفووساتنا ..
اخبااركم ؟ واخبار نونااتكم ؟؟ واخبار السهر ؟؟
عاد السهر لابد منو حامل ونفاس بس حدك 3 شهور ويتعدل وضع البيبي ان اشاء الله
ودخيلكم اكشناتكم خلووها بس نولد كلناا ..
ماابغي اخاف واوسوس
لان كل وحدة فيكم بتقول تعبت موت وبغت تطلع عيوني
ووحدة قريت اكشنها تقول مع كل طلقة روحي تطلع للسماء وبس تخف الطلقة ترجع روحي للارض ويغمى علي
وربي انا الي مو بكررة فجعني التعبير وتخيلت نفسي
ترا ندري انو الولادة متعبة والا ماكان فضل الام عظيم الحمدلله
بس خلاص نبغي نولد ونرتاح والولادة علقة بناكلها بناكلها مامنها مفر يارب رحمتك
فكل وحدة تأجل اكشنها الين نولد كلنا ونفك بقشنا >>~ باين الخوووف

وايت .. لانك كنتي تقرقري معي كثير مفتقدتك ومفتقدة القرقرة
ادخلي قسم النفاس وان اشاء الله نلحقك كلنا ونقرقر علي أد مانأدر ( قد مانقدر) هع

جوردن للي.. طلق الولادة انا جاني بنفس اليوم 8 الصبح صحاني الم عرفت انو الم مايمزح الم ولادة
وعلي 10 او 11 تقريبا دخلت المستشفي والمغرب ولدت الحمدلله
يعني مو شرط تحسي ببوادر قبلها ممكن بنفس اليوم
صحبتي دخلت تنام بعد المغرب تاخذ لها غفوة يادوب انسدحت انفكت عليها الموية كلمت اختها قالت لها خذي شور دافي واشربي قرفة وطيران علي المستشفي
سوت زي ماقالت لها اختها وبعد العشاء علي 9 ولدت ماشاء الله
وناس ممكن قبلهاا بيوم تحس انها قربت وبعضهم يومين
بس الاغلب يجيك الطلق بنفس اليوم
فلا تقولي شكلي بطول ماتدري يمكن بأي لحظة تجيك الطلوق وتولدي
وكلي امرك لربك والله يسهلك

[المخملية]

نوني .. عني انا من حملي الاول ماافكرت الا باللولب
بس صار ماركبتو
هالمرررررة افكر اركبوو
بس بستخير ربي اول شي ثم بأستشير دكتورة ممتازة
وبركبوو ..
اذا شفت انو سبب لي نزيف او تعبني او بدأت تطلع لي كرش علي طول بأطلعو وبقعد علي العزل احسن شي ولا الحبووب
انا ماما عشان تحمل تاخذ منشطات وكولوميد ومدري ايش كمان من لخبطت الحبوب هذي وكلو بسبب حبوب منع الحمل لعبت فيهاا
الله يعين الموانع هم
اقول لزوجي خذ انت موانع قال اخاف تأثر علي قلت ايش عليكم مابتحملون وتتعبون احنا الي نعيش برعب لو تتأخر الدورة يوم
الله يكتب لنا الي فيه الخير
خلينا نولد دحين ونشيل كراريشنا بالسلامة يارب
ونشوف سالفة الموانع دي

[noni]

مخمخ المحروس توه نائم
جنني اليوم بالقوه نومت أخته ولما نامت استقعدلي
وأمي دخلت تنام وبلشت فيهم الله يهديهم
والله اليوم من قل النوم قلت بنحاش عن عيالي
دخلت المجلس إلي فيه سريري للضيوف ونمت فيه
صح ماطولت يمكن بس ساعتين بس ؤربي أحلى ساعتين من ولدت
صحتني أمي تقول ولدك جوعان قومي رضعيه

أنا محد من إخواتي مركب لولب
شكلي بغامر وبركبه

والله أولدوا علشان ندخل تجمع النفاس

وايت طمنينا عنك كيف يويو مع أخوه

صح نسيت أرد على مخمخ
بنتي للحين ماضربت أخوها
بس تقولي بعديه وماتبيني أشيله
وإحاول قد ما أقدر أنا وأبوها نطنشه علشان
قلب امها ماتزعل

[noni]

يالله كتبت رد ومتحمسه علق جوالي و طار

[المخملية]

لا لك رد
الا اذا كتبتي رد ثااني ...

كيف الرضااعة معاك ؟؟
ترضعي طبيعي وصناعي والا طبيعي بس
وصدرك ماجرح ؟؟ اااخ انا شايله هم يجرح صدري ويألمني
حسيتي بألم وقت الرضااعه ؟؟ استمر الين متي ؟
لاتستغربين اني اسال عن الرضاعه وانا مو بكرية لاني مارضعت اول

والله مدري عن بنتي احسها حبوبة بس شكلها بتتعب اذا شافتني شايله باأختها
خاصة انها تعلقت فيني بشكل مو طبيعي بعد ماسافر ابوها
زوجي يقولي وديها مكة عند امي
اقولو انا اروح مراجعة للمستشفي ومااطول البنت تتجنن وتجنن اهلي معاها
تبغاني اوديها لامك واذا جات تلقي معي احد غيرها
اخااف تنصدم صدمة
وي وي من غير شرعليها
ان اشاء الله تمشي امورها مع اختها
اذا احنا الكبار نغار اذا شفنا امهاتنا يسألون بكثرة او يهتمون بأحد فينا تلقينا نقول ايوا الاهتمام والدلع والحب لفلان
ماتبغين الصغار الي مايفهمو مايغارون
يلا هما يغارون بينهم لكن برا البيت راح يسون حزب يدافعون فيه عن بعض ههههه ياحياتي عليهم وعلي قلوبهم
الله يخليهم لك يارب
استغلي الفرصة وخذي لك غفوة كلها كم ساعه ويصحي المحروس يدور الرضاعه

يلا بقوم اصلي واكل لي شي
جووووعانة مرة