تجمع لحوامل شهر جمادى الأولى 1433

المخملية · 04-01-2012, 02:04 AM

لا وين ولدت
يارب أكتب لي ولادة في هاليومين
لا بس أنشغلت ببنتي شووووي
اليوم استخدمت لها تحميلة مدحها عمها لهاا
اتصلت عليه اسألو عنها يادوب قال اسمها مادريت الا زوجتو تكلمني ... يمي هههه
وكمان لاني بروح لدكتورتي بكرة وبأمشي من قبل الظهر عشان بمر الجامعه بقدم ترم صيفي بدل الاترام الي راحت علي
فقمت غسلت عبايتي وجهزت شنطتي عشان ماتنتبه لي بنتي بكرة وانا اتجهز وتقعد تبكي
وقعدت ارتب أغسل فراش بنتي تعرفو مع الصخونه والتعب وكمادات كل يوم وتعرق وهيك قمت غسلتوو ..
وكمان كتبت رد وقفل علي الجهاز
جهازي مخبط دايم اكتب ويقفل علي ...

بس ماشاء الله ماتوقعت اغيب واجي القى اخبار حلوة كذا وكراريش فكو بقشهم...
خلاص يايمك دروبي بغيب يومين عشان تنفك بقشتك يمكن اكون وجهي مش حلو عليكم خخخخخ استغفرالله ..

وايت سكر... اخبارك ياقمر,,؟؟
رحتي موعدك اليوم؟؟ آيش قالو لك؟؟

أم بدر... استخيري ياقلبي وروحي شووفي آيش ربي كاتب لك
والله مافي احلى من الطلق الطبيعي بس أذا ربي راد لك تولدي بدري توكلي علي ربك..

سروءة... نوني... يمك دروبي ... شذى الجنوب... الدلع والدلال...وكل الكراريش..
أخبااركم ياحلوات..

آم رزان.. وحشتينا كيف البنووتة وكيفك أنتي..؟؟
قولي لنا ايش غيرتي في نفسك بعد الاربعين ؟؟
والا انشغلتي بتجهيز العرايس؟؟

أم سهااد.. لاتخاافي من الصفار.. أنا جابتني ماما فيني صفار وقعدت بالمستشفى
وزي ماقالو لك عرضيه للشمس ..
بس مدري جوكم كيف ...

أحس أني ممقهورة مررة...ابويا مايحب احد يجيب سيرة زوجتو الاولى بشي
وكانت مسويه عزيمة هي ومرت ولدها وماعزمتنا وعرفنا من ناس فلما سألناه ثار فينا
وتكلمت كلام وربي ماكان ودي اتكلم أحس تنرفزت بس هو غلط علينا بالكلام بسببها ..
المشكلة ابغاه بكرة يوديني الجامعه والعيادة قلت اذا كان زعلان بأعتذر له وبكيفو خلي يصدقها ويدافع عنها بكرة ربي ينصرنا
واذا كان ساكت ويهرج عادي بطنش ...

المخملية · 04-01-2012, 02:13 AM

على فكرة ..
آمس المنتدى مافتح معااااي مرررة
جلست الين قبل الفجر بساعه والمنتدى مو راضي يفتح...~

قبل اسبوع حسيت بألم بظهري في العمود الفقري زي الكهرباااء من فوق لتحت...
وسألتكم بالتجمع قلتو يمكن بدايه طلق
مرررة فرحت
لكن للأسف رااح الالم ذا..
اليوم جاني الم بظهري بس مو بالعمود الفقري
أسفل الظهر زي ماتقولو بالعصعص .. فرحت فيه
بس كأنو خف دحين...
قلت يأنو من الامساااك ...
أو من ثقل الجنين

المخملية · 04-01-2012, 02:44 AM

آآآآآآآآآخ من المنتدى
قاااااهرني
ساعات مايفتح معي

الدلال والدلع · 04-01-2012, 02:56 AM

اهلين واخيرا فتح معاي المنتدي

ابسالكم هل الاستفراغ اعزكم الله دليل علي نزول الراس في الحوض سوال لمن لدية الخبرة

انا تمام المخملية ولا عليك من الوالد خلية يتكلم وانتي اسكتي لانك ان قاطعتية زاد بالكلام والصراخ نفس طبع ابي الله يهديهم ويخليهم لنا

المخملية · 04-01-2012, 03:04 AM

مدري شكلي بطنش.. ماأحب أرجع أعيد بالكلام
وعلى قولتك السكوت أفضل ياكثر ماهرج وتكلم وأنا مااعلق بس تلقيني اقفل خلاص واخش الغرفة ولا عاد اهرج معااه
فيحس هو ولا يجيب سيرة
بس اليوم لاني تكلمت أحس خربت على نفسي ههههههه
دايم الساكت ينعملو حساااب
وأنا أحس أبويا يقدرني لاني مااجاادل ...
على الله ...~
مو شي جديد...

ومنجد المنتدى يكمل الناااقص .. يفتح مرة ويقفل عشرة
فين البنااات...
فين وايت سكر...
ابغى اعرف ايش سوت اليوم بموعدهااا >> ياحبنا للت والعجن اخر الليل

noni · 04-01-2012, 03:07 AM

مخمليه الله يكتب لبنت الشفاء مع هالتحميله
وشكل بكره بتولدين من كثر المشاوير
ألله يسهل عليك يارب

وإذا زوجه ابوك مانادتكم لعزيمتها إذا امك سوت عزيمه لا تنادونها
العين بالعين

والرجال مزاجيين ابوي قبل كم يوم يقول المفروض أنت وزوجك تعزموا أخوه الكبير
قلت لا المفروض هو وزوجته يعزمونا قبل
من تزوجت ما أدخلت بيتهم
والأسبوع إلي راح أول مره ندخل بيتهم

يعني شوفي ابوي عصب علشان سلفتي مأعزمتها
فعادي لو ابوك عصب علشان زوجته

ألله يسخر لك ابوك وزوجك

white sugar · 04-01-2012, 03:08 AM

يا ولكم ياولكم مخموخة :) .. كيفك

اليوم رحت موعدي والحمدلله كل شي اوكي .. كشفت عليا الدكتورة وقالتلي الرحم فاتح 1.5 وحركت يدها شوية وبعدين قالتلي فاتح 2 .. فرحت مرة ، وقالت كمان انو الرحم جاهز للولادة بس ما تعرف متى قالتلي ما ابى اقلك حتولدي بدري بس اتوقعي في اي وقت انو يجيكي طلق ، وقلتلها ايش رايك اشرب الاشياء اللي تجيب الطلق مدام الرحم فاتح قالتلي لا
ازا تبي ولادة طبيعية ومستعجلة عليها عليكي بالمشي والجماع .. عاد هنا زوجي فك كشرته لما بانت ضروسه ههههههههه
قلتلها دي لا انسيها مابى خليها تجيني وقت ما تجيني مافيا حيل ، قالتلي بالعكس دا احسن شي

انا ليا 3 ايام اسفل ضهري يوجعني بس قلت يمكن مع الشغل حق البيت وكمان عشان مشيت امس .. وكمان يجيني مغص مررررررة خفيف
بعد ما خرجناا من المستشفى زوجي قالي فين تبي تتعشي .. العادة اقله مابى ولا انا اللي اختار ، المرة دي قلتله محل ما تبى
مدام الرحم فاتح انا نفسيتي مفتوحة للاكل وحاكل اي شي تبغاه ههههههههههه
رحنا اكلنا سوشي مع اني ما احبه بس اكلته خخخخخخخخ
وشربت عصير اناناس قريت انو كويس فقلت يا بت جربيه

وبس

noni · 04-01-2012, 03:10 AM

الدلع حبيبتي أنا جاني الاستفراغ وأنتو بكرامه
قبل الطلوق
من بديت أرجع بدت تجيني الطلوق
هذا إلي صار معي

white sugar · 04-01-2012, 03:16 AM

ما اتوقع الاستفراغ له دخل بنزول البيبي في الحوض
في موضوع بالمنتدى عن علامات نزول الجنين في الحوض شوفيه يمكن يفيدك
انا بدوره لك وازا لقيته حطيتلك الرابط حقه

noni · 04-01-2012, 03:16 AM

هههههههههههه
أجل زوجك فك الكشررره اليوم
مأشاء الله طالما فتح أن شاء الله ولادتك قريب
والألم إلي أسفل الظهر إختي تقولي
إذا كانت الحرمه حامل بولد تجي بداية الطلق في الظهر
وإذا حامل ببنت يكون الطلق المه في البطن
عاد ما أدري إذا تكذب علي وإلا كلامها جد
بس إختي دكتوره وقلت إكيد عندها فكره

فإن شاء الله تكون بدائه طلوووق
بس خففي شغل البيت
وراك مجهود طلق وولاده الله يسهل علينا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل اللي موعد ولادتهم في شهر محرم 1433	غزاله شقرا	إستفسارات مرحلة الولادة	19214	05-15-2012 01:11 PM
تجمع الأمهات اللاتي سيلدن بشهر ربيع الثاني 1433	leeean	إستفسارات مرحلة الولادة	7436	04-17-2012 04:42 PM
تجمع النساء اللاواتي سيلدن بشهر ربيع الأول 1433	Om KHaled	إستفسارات مرحلة الولادة	3124	03-05-2012 01:33 AM
تجمع وفضفضة حوامل شهر * صفر *1433	Om KHaled	إستفسارات مرحلة الولادة	2540	02-11-2012 09:48 PM