تجمع لحوامل شهر جمادى الأولى 1433

[المخملية]

فررح
....

أنتي ؟؟
فرااس؟؟

أأصلي وأرجع

[white sugar]

حلو اسم فرح. . زي اسم اختي
بس ان شاء الله تطلع اسم على مسمى ، احنا اختي طلعت عين ماما وهيا صغيرة حتى كنت اقلهم اعكسوا اسمها خخخخخخخخ
لا تجي تسمعني دحين احش فيها تورييني شغلي
لا بس من جد حلو

انا باذن الله اسمي فراس مع انو زوجي مو مقتنع فيه بس ان شاء الله اسميه
حاطين حمزة للاخير ازا ما اتفقنا ولا على اسم
بس احس فراس احلى ولا مو

[المخملية]

ايووا حلوو فرااس
مدري ليش الرجال يعارضو مع انهم يشوفنا تعباانين
المفروووض مايعارضون
ممكن اول واحد لان اول واحد ينادوه بأسمو
أنا ببنتي الاولى عارض على كم اسم ولما وافق على الاسم الي ابغااه
عارض ابووه منجد نفسيتي مع النفاس زفت وكمان بنتي مو قادرة اسميها انهرت من البكى
قمت اتصلت على عمي كلمتو
قلي بنتك وانتي حرررة
.....

[المخملية]

ماما تحب اسم حمزة
تقووول لو اني فيني حيل للحمل وربي رزقني بوولد اسميه حمزة
قالت لها وحدة مالقيتي الا حمزة كاشغري
قالت ماما ليش نسيتي حمزة بن عبدالمطلب


.....
موعدك السبت موو؟؟

[white sugar]

اما. .دقيتي على عمك قوية والله
اجل انا ما شفتي الحرب اللي سووها اهل زوجي عشان اسم ولدي وي وي وي
وانا ركبت دماغي وقلت مافي غيره واللي يعجبه اهلا وسهلا واللي ما يعجبه مع السلامة
اجل انا اتعب واحمل واولد واخر شي يجو هما يسموه بارد مبرد مع نفسهم من جد
يكفي انو انا وهوا متفقين اشلكم واشل حشرة النفس شي يرفع الضغط. . لا واللي يقهر سلفتي ولدت قبلي بشهرين وسمت اسم مو حلو بايخ وسكتو بس جو عليا وقالو ابدا دا الاسم ما تسموه اصلا كل سلايفي مسمين على كيفهم. . وليومك دا وهما يقولو انتي اللي اخترتي الاسم دا طيب وخير يا طير ايش حارق رزكم

حتى دحين مايشوفوني الا ويسألوني ايش قررتو تسمو. . لا ويقولولي ابويا حالف انو تسمو على اسمو المرة دي ازا كنتو تبو تسوو زي اول
المشكلة في واحد من اولاده مسمي على اسمه بس تناحة
انا ابدا ما اعطيهم اللي يريحهم. . لا وكمان الصق الشغلة فولدهم اقلهم مو عاجبه شي خخخخخخخخخ
عشان يفكوني ولا انا مقررة من زمان

[white sugar]

ايوة السبت ان شاء الله

[المخملية]

ههههههههههههه يااشيخه هما كذا
بس لاتكوني ضعيفة ينأخذ حقك وتنظلمي
حتى اهلك يحبووك كل ماكنتي قوية
انا عني دحين اهل زوجي مو عارفين انا حامل بأيش لكن اهلي عارفين وتريقه على الاسم
وكل مرة يرشحون لي اسم
قلت اسم بنتي الاولى واسم بنتي التانية الله يجيبها بالسلامة من زماان احبها ونفسي فيها ومن قبل احمل وانا مقررة اذا بنت ايش بأسمي
يعني لاتتعبون نفسكم
وبعدين انا الي تعباااانه ونفسي انقطع
تبغون كمان تسمون على كيفكم .... حتى خالي دحين ازعجووه على اسم ولدو اقولو انت حر انت ومرتك محد له شغل
وأنا اهم شي عندي زوجي مقتنع طز بالبااااقين كلهم
وعلى طاري اني كلمت عمي
أنا زوجي مرررة طيب مايرد على احد ولا يجادل احد خااصه اهلوو
ولما عمي عارض زوجي انكسر خاطرو يقولي في العمل يسألوني أيش سميت وينادوني باسم بنتي يقول حسيت حلوو أحلى من الاسماء الي اخترتهااا بس ايش اسووي ابويا معارض وزعلان
قلتلو بكلموو قال كلميه
يحسب اني بأستحي ...
واتصلت على عمي وقلتلو ليش معارض قال مو حلو ومن فين جايبو وايش معنااه معنااه مو كويس معنااه داخل في الغناء والمعازف والدان دان
قلت مين قااال معنااه اللؤلؤة النادرة بالبحر وكويس ماتهورت وقلتلو محمد عبده غنى عن الدانه
لان عمي ملتزم ... قالي بكيفك بس ماراح اناديها
قلت كذا بتكسر بخاطري وخاطر ولدك وتعقد بنتي وتميزها عن احفادك عشان اسم ..يرضيك كذا..
وبعدين انا تعبت فيها وحملت اخرتها تزعلووووني وتسون ليا مشااكل على الاسم
انا بنتي بختار لها اسم حلو ويكون معنااها احلى ... مستحيل اختار اسماء معقده
قال سمي فاطمة وحصة وزينب...قلت ياعمي ماافكر الا بهالاسم الا اذا بتكسر بخاااطرنا عشان هالتفكير الخاطئ
قال سميها بنتك وانتي حرة وانا ماعاد لي شغل
الحمدلله دحين احس عمي يحبها اكثر وحدة من احفادو لان بنتي داخله فيه مو زي بقيت احفادو فمرررة يحبها
ساعاتها زوجي انبسط ودحين كل ماقام وجلس قال انتي قويه هههههههههه
هالمرة هو سكت ماعلم انا حامل بأيش ولا جاب لهم سيرة الاسم ... لان اول مسألو سألوني أنا قلت لسى ماعرفت وانا عارفة طالع فيااا مستغرب كيف قدرت انكر اني اعرف بكل جرأة ومن بعدها يقول ماعرفنااا ...

[white sugar]

ييا امي مشي حالك ان طاوعناهم فكرو انو الوحدة ضعيفة وان ما طاوعناهم قالو دي قوية
انا ما عليا من احد اهم شي اكون انا مقتنعة وزوجي معايا ولا على قولك الباقين طز فيهم

ماتشوفي لساننا طول حبتين خخخخخخخخخ

[المخملية]

لا .. هذي النفسيه مكبووتة شوي ههههههههههه
من اهلنا الى اهل ازواجنا
وي يازينهم حبايبنااا>>>بعد ايش بعد ماهلكنااهم حش

..

متشووقه اعرف ايش سوت الحلبة لام بدر

[white sugar]

والله نفسي اسوي زيكم واغامر بس خايفة