تجمع لحوامل شهر جمادى الأولى 1433

[المخملية]

آآآآمممم شكلكم نمتووو...~
أرووح أحط حرتي بالتمر أحسن
عساني ماانغث منوو ههههههههههه

بنات ماما مواعده وحدة بكرة وكنت ناوية اروح
بس ماودي اقابل احد يجيبون لي سيرة الولادة والا سيرة الخدامة والا سيرة بنتي اكلتيها شربتيها وديتيها الحمام
فمدري أروح والا أقعد بالبيت >>>>سؤال بايخ يذكرني بأسئلة شريط بداية خخخخخخ

آآمزح آآمزح ترا مااسألكم أستهبل عليكم
بكرة اشوف نفسيتي واقرر
مع انو 99و99 بالميه ماافكر اخرج من البيت

[شذى الجنوب]

ههههههه

وه كبر هالنسبة حاسة انك بترووحي خخخخخخ

[white sugar]

مخملية ليش جايبة لنفسك الكئابة
اطلعي وغيري جو .. شوف مين يتكلم >>>>>>>

انا اليوم عملت مناحة اخلاقي قافلة من امس واليوم بس ابكي ، كلمت زوجي على اساس نروح نمشي قالي ان شاء الله بس ارجع .. ولما جا لقاني جالسة اجهز الشنطة اللي بوديها بيت اهلي قام يسألني خير ايش في ليش دي الشنطة وانا اطالع فيه من فوق لتحت واطنشه هههههههههه مسكين انفجع ناسي اني قايلتله لازم اجهز اغراضي اللي بوديها بيت اهلي
وجاي يراضيني على ايش مادري وانا بس ابكيييييييي هههههههه هبلة مدري اشبي

كان وقتها بيروح عزى قلي اجهزي بس ارجع امرك ونخرج ومن النفسية الحلوة بطلت اروح مكان مرة قافلة معايا .. حتى ولدي مسكين بس يبوس فيا ويراضيني ويعتزر وهوا ما سوا شي ههههههههه مافي على لسانه غير انا احبك انا اسف انا احبك

[white sugar]

بنات في شغلة مضايقتني قبل امس كنا معزومين فبيت خالي
وختي لما جات تسلم عليا تقلي خدك ليش خشن .. انا استغربت قلتلها بلاش هبالة
وبعدين لما جات خالتي وبتسلم عليا قالتلي نفس الكلام انا انصدمت
مع اني ما قد حطيت فوجهي موس ولا حلاوة ولاشي يعني عمره ما صار معايا كدا

شككوني فنفسي جيت لزوجي قلتله وجهي خشن قلي لا قلت اجل ليش يقولولي كدا والله مقهورة
يا انو كلامهم صح يا هما يقطرو نعومة

قولولي ايش اسوي والله مرة مصدومة

[المخملية]

شذى... ههههههههههه
بيني وبينك انا اشتريت فستان بعد ماخرجت من نفاسي الاول
لونو ابيض ورمادي واحمر وقصير نص الساق مررة اعجبني
بس فيها قصة صدر وزم من تحت الصدر فكنت دوبني مخلصة الاربعين ومطلعني حامل مخلي لي كرش يعني يصلح للحمل
جبتو لاهلي قلت لاختي جربيه طلع كبير عليها وقمت حطيتو بكيس فيه عفش ليا وخليتو وامس وانا اقربع بعفشي لقيت لي اشياء كثيرة منها هالفستان وارواب نفاسي طلعتهم وغسلتهاا
ونفسي البسو واتهنى فيه قبل اولد فمدري يمكن هالنسبة تحمل شي من الشك هههههههههه بس لاتعلمين احد ههههه

وايت.. هههههههههههههههههه
تخيلت اشكالهم وهما يراضوكي وهما ياحرام مو عارفين على ايش
كل واحد محسب نفسو هوا الي مزعلك
والزياارة ودي فيها بس بعد مانزور الادمية نبغى تجمع عند جدتي
والله وكيلك تعرفي لسان الحريم الكبار
قبل كم يوم رحت عندها استقبلتني بكلام بس كويس طنشت وماحطيت ببالي
وقبل امشي هرجتني عن الشغالة وقعدت تسب بزوجي وابويا ليش مايدفعون حق الشغالة
قلت لها المشكلة مو بالفلوس المشكلة بنتك ماتبغى شغالة تقعد عندها والا مصرة على كلامهاا
يعني لو بتكرر هالكلام اليوم مدري ايش حيصير فيني

على فكرة قعدت اتحسس وجهي ههههههه
شوفي انا ملاحظة الانظار متجهه صوب الحوامل او احنا نفسياتنا ماتتحمل
زي انا مرت خالي حامل وشهرها زي شهرنا تعالي شوفي المقارنات
بس كويس انا احسن من مرت خالي بكثير
هيا احسهااا اندمرت مع الحمل سووواد وحساسية بوجهها ورقبتها وكل مكان باين للعيان رايح اسود مرررة تحزن
وانا مسكو رجولي ماما وخالاتي اشبها كذا رجولك هههههههههه
يعني لاتحطي ببالك
وحتى لو خشن اكيد من قلة السوائل والتعب والارهااق
هذا حمل انتااااج انسان لمدة 9 شهور مو شي بالسااهل
والله يفرجها ونولد واحنا طيبين

دخل بابا وانا حاطة اللابتوب قدامي قعد يخاصم يقولي بطنك شيلي هالجهاز عنك
كيف تتعاملو مع اللابتوبات ؟؟
انا اغلب شي اتكي على سريري واحطو قدامي
وانتو كيف تجلسو عليه وكم ساعه
انا حقي مااطفيه اقوم وارجع له

[white sugar]

اوووووه على الكبار وعلى كلامهم
انا جدتي شايلة على خاطرها مني لاني قبل فترة تقريبا شهر سويت حركة بس مو بالعنية غصبا عني
ماما وهيا كانو معزومين وانا كان المفروض اروح معاهم بس مزاجي اتعكر وكنت تعبانة وبطلت .. ورحت مع ماما في السيارة على اساس حرجع على بيتي ومرينا جدتي اول وانا مسدوحة في اخر مقعد في السيارة ضهري يوجعني مافيا اتحرك وولدي جالس ينطنط ويخبط فيا .. المهم
طويلة العمر كعادتها تلطعنا في السيارة مو اقل من نص ساعة بس كدا واحنا كلمناها واحنا لسة قدامنا 10 دقايق ونوصلها تخيلي بس .. لا واللي يقهر عندها اتنين شحوطة جالسين في البيت وولا واحد يقوم يهز وسطه يوديها مشي حالك

المهم ركبت السيارة في المقعد اللي بالوسط مع ماما وما انتبهتلي اني مسدوحة ورى تحسب بس ولدي مع ماما ، والهرجة هنا سلمو عليها وانا مالي خلق اتكلم مع احد مرة وكنت مقهورة منها ساعتها ما قمت سلمت عليها بالله حنط من ورى لقدام انا وكرشتي عشان اسلم مشوار وقيدي مكسرة
فجاة ولدي خبطني عورني قمت صرخت عليه .. تاني يوم تكلم ماما وتقلها بنتك دي شايفة نفسها على ايش اختها الصغيرة احسن منها وووو .. المشكلة ينسو كل شي كويس نسويلهم هوا وعلى اقل غلطة تعالي شوفي ايش يسوو
وقبل يومين كنا فبيت خالي لما دخلت رحت وسلمت عليها .. ولا طالعت فوجهي قلت مشي حالك انا استاهل

انا لما استخدم اللاب توب اجلس عالكنبة واحط مخدة على عبي واللاب فوقها وساعات انسدح واحطه عالطاولة جمبي

[white sugar]

اقول بنات انا قريت انو منقوع الزعتر يفتح الرحم
وانا رايحة جاية اكل فيه مرة ساندوتش لبنة بالزعتر مرة زعتر مع زيت زيتون لحاله
تتوقعو يسوي نفس النتيجة؟؟

[دلوعه زوجي حبيبي]

بنات ادعولي بدا العد التنازلي لموعدي الساعه 8 صباحا اليوم وربي خااااااااااااااااااااااااااااايفه

[المخملية]

مشي حاالك
ساعات لما ابغي ارد علي جدتي اقول هذي ماهي شطاارة بالعكس خليني ساكته
مع اني اشوف خالاتي لما يتهاوشو معاها اقول ماينلامو
جدتي تخرجك عن طورك
ياقلبي ياجدي ماتسمعي له حس ومايحب الغلط
يلا عاااد مشيها تمشي
بس انتي كمان لو قلتي لها سلام ياامي كيفك ووكان ودي اقوم اسلم عليك بس تعبانة لكن انتي سكتي مرة وحدة
المفرووض انتي تعرفيهم يدور الزلة عشان بس يهاوشووو
المشكلة دحين تبغي تجي عندنا كم يوم بنفااسي وهي قبل تجي قالت لي اشتريتي اعشابك قلت ايوا
ماش وحلبة ومحلب ولسى ماخلصت عد قالت المحلب مايناكل انتي من راسك
رجعت اقرا لقيت انو فيه معلومة من كتاب قانون لابن سينا يتكلم عن المحلب انو مسكن للاوجاع ومنها اوجاع الظهر ويعالج حصوات الكلى
واحنا بعد الولادة محتاجين شي لظهورنا بعد الفكفكة الي بنتفككها
قلت هيا لسى ماجات قالت انتي تسوين من راسك طيب اذا جات ايش بتسوووي
والمشكلة ماما ماتتكلم مالها كلمة ولا حس طيبة مرررة
اكثر وحدة تتشرشح من جدتي
يلا بلاشي حش مع الصبح

وانا زيك اذا كنت علي الكنبة احط الخدادية حقت الكنبة علي رجلي واللاب فوقهااو اتكي علي سريري واللاب قدامي
الله يستر
اهم شي عدينا الشهور الاولى
والزعتر ياقلبي مو الي علي المعجنات
اانا اشتريتو بحملي الاول ولما رحت كشفت وقالت الدكتورة الرحم مفتوح 1 سانتي بس ماعندك طلق روحي امشي وتعالي بكرة اعطيك طلق صناعي
رجعت البيت مشيت بالمجلس والمقلط شويه وشربت مغلي الزعتر
واشتريتو من العطار بس ناسيه شكلو بس انو مو زي الزعتر الي نستخدمو بالمعجنات
وطبعا جاني طلق الصبح وولدت المغرب

[white sugar]

دلوعة حتروحي تولدي ؟؟؟
يلا الله يسهللك يا رب