انا الصديق اللي ليا طحت شالك

[شموخي غير..]

أنا الصديق اللـي لياطحـت شالـك

لضامتك دنياك والوقـت بـك مـال

أنـا يمينـك شدنـي فـي شمالـك

يمنى بلا يسرى ترى حالهـا حـال

انـا عـزاك وعزوتـك لا جرالـك

من تاعس الدنيا هواجيس واهـوال

ماني من اللي لاغتنـى مـا وفالـك

لو لك عليه من الجمايـل والأفضـال

وماني صديقك كان وقتـك صفالـك

أنا صديقك لأدبـرت فيـك الاحـوال

خذني عصى موسى إذا كنـت هالـك

لمسحلك بحور القهر قـول وافعـال

فالك عسى الله يسعـد اليـوم فالـك

فالك عقب صوم الدهر عيـد شـوال

وبالك يجي في خاطرك يـوم بالـك

انـك تغيـب ولاتجيلـي عـل بـال

لا لا تفكر انـت فـي مثـل ذلـك

إني اتخلى عنك لـو الزمـن طـال

ما اقول انـا ياعـم مالـي ومالـك

ماترخص العشره ولا تغني امـوال

اسمع جوابي قبل ما اسمع سؤالـك

خارج حدود التغطيه وارسل ارسـال

على محيـط السالفـه حـط دالـك

أجيك رجلي كان مـا جيـت خيـال!

انا لياشـح الزمـن فـي وصالـك

تمدني النخوه علـى وصلـك حبـال

انا عمـى عيـن العـدو لا نوالـك

انول روحه قبل مـا روحـك تنـال

بينك وبين الشمس شجـرة ضلالـك

ماللشجـر قيمـه إذا مالـه ضـلال

والليـل لـو الليـل مظلـم وحالـك

ترسمني الظلمى على صـدره هـلال

ماني ولد عمـك ولا اغلـى عيالـك

خطوى الخوي يسوى بني عم وعيال

وسلامتكم عجبني ونقلته لاكن احلى مافيه الاطفال قلت صورهم افضل

[دافئة المشاعر]

الله الله
انتقاء مميز وانتي غير
راق لي وبقوهـ

..

دام تذوقك
خالص تقديري

[الغيد]

روووووووووعه روووووووعه,,يسلمو يالغاليه

[شموخي غير..]

دافئه المشاعر فديتك يالغلا مرورك اسعدني

[نووورة]

شموخي غير ذائقه رائعه وراقت لي وعلى قولتك الاطفال وبرائتهم تحللي كل شي مشكوره اخيتي

[متفائلةk]

المشاركة الأصلية كتبت بواسطة شموخي غير..

دافئه المشاعر فديتك يالغلا مرورك اسعدني

أهلين شموخ أنا مستعدة أكون صديقتك للابد أتمن أن تقبليني

[دلوعه فصولي]

روعه
احلى مافي هالدنيا الصديق

[شموخي غير..]

مشكوره متفائله يسعدني اكون اخت وصديقه

[شموخي غير..]

دلوعه نورتي صفحتي

[يمنية وافتخر]

رووووووووووووووووووووووووعة
مبددددددددددددددددددعة