بنتي المزعجه

[ام الشهد]

كيفك بنات .....
ابي مساعدتكم وخبرتكم انا بنتي لسى داخله عشره شهور وبسم الله عليها باديه تحبي
بس خايفه من حركاتها لانها صاير مزعجه بقوه تمسك اي شي ولاتخاف ولا اقدر امسكها الا بالقوه تقعد تصارخ وتبكي بشكل يخوفني عليها حتى لما رحت لاهل زوجي يقولون بنتك حركتها واجد ومزعجه تكفون يابنات طمنوني هل هذا طبيعي لطفل بها السن



تكفونياهل الخبره طمنوني

[ام الشهد]

14وحده قرت الموضوع ولا ساعدتني

[عليا لولو]

ان شاء الله خير ويكون عادي ماعندي فكرة بس حبيت ادعيلك الله يطمنك على بنتك يااارب

[حرم الشايب..]

طبيعي ونص ذكرت ولدي لما كان بعمرها هذا العمر عز الحركه والاكتشاف وراح تتعبي شوي معها لمايصير عمرها سنتين وتبدا تفهم الله يحفظها انتبهي من الاشيا الصغيره والحاده لاتاكلها وعن الحار الله يحفظهم

[ام الشهد]

شكرا حبيباتي

[ورد الشمال]

الله يخليها لك
اي طبيعي جداً ، انا ولدي عمره 9 شهور و نفس الشي الاحظ ان حركته زايدة و من صار يحبي يحب يكتشف كل شي بس اهم شي لا تغفلين عنهااااا ابداً حتى ما تأذي نفسها

[العطوفه]

الله يسعدك ..
لاتتخوفي شي طبيعي انا ولدي بيدخل العاشر ومتعبني معه كل شي يبي يمسكه ويستكشف
وانا تخصصي رياض اطفال وطبيعي الاشياء اللي تسويه بنوتك الحلوه..

[ماﺀ السماء]

نفس الشي
بنتي عمرها عشر شهور وما شاء الله تبارك الله ربي يخليها
مشاغبه وكل شي تاخذه وتحطه بفمها واصغر الاشياء تاخذها
وعلطوول فمها

الله يهديهم بس ويحفظهم

[اه من الغربة]

يا عمري عليها قولي و خلي يقولون ماشاء الله لا يضربونها عين عادي طفله و تبي تستكشف حوالينها بس خليكي دائماً معاها و انتبهي من الاشياء إلحاده و الصغيره اللي علي الارض و حرام لا تقولي مزعجه
الله يحفظها يارب

[البتول...]

يآآلبى الصغااار ياناس ...وقسسمن نفس بنووتي الله يصلحها تحوووس وتلقط كل شييء لفمها ...