بسرعة وش الحل قبل لايجي بسرررعة الله يخليك ياااارب

[همسة ذوق]

السلام عليكم أنا حبدأ في الموضوع بسرعة لأني ماحقدر قبل زوجي يجئ اللي مش فاهم قصتي بإختصار زوجي خائن وانا عارفة بس مسوية نفسي ماعرفت شي الليلة بالصدفة وهو فاتح جواله على الصور ونتفرج فجأة سبحان الله مدري ايش صار وفتح الايميل تبعوا وظهرت صورته مع بنات في غرفة الدردشة وكان مش منتبه وبعدين قاتله ايش هذا ..انفجر وقفل الايميل بسرعة وقال انتي تحلمي بس بصراحة الصورة كاااانت واااضحة حتى لو قلت حمشي الموضوع احس إهانة بحقي لأنو حتى هو شاف يعني مش حلوة اتغافل والحين هرب من الموضوع وخرج برا البيت بالله قولوا لي وش اسوي الله يسخر أزواجكم بسرررعة قبل لايجي لأنو مش حلوة بحقي اسكت عن الموضوع خاصة انها مش اول مرة..والله جالسة ابكي مقهورة حيل يعني حتى وانامستغفلة نفسي هي الخيانات جالسة تفتح قدامي يعني سبحان الله كنا نشوف الصور وفجأة تفتح البلوة هاذي بالله عليكم كيف اتصرف أنا قولت ما حنام معاه حنام مع ولدي خواتي لاتخلوني في محنتي وكل وحدة تقولي لو كانت مكاني وش بتسوي الله لايوريكم مكررروه؟؟؟

[سموة الشوق]

الله يهديه ويصلحه

صارحتيه وصرف

يعني حاسس بالذنب

لو تعديها هالليلة كأنك زعلانة

وبكرة بهدوء أعصاب تناقشيه بالموضوع بأسلوب وبدون عصبية أختي

لأن الغضب والتحدث بمثل هالأمور أبدا ماتصلح

صلي ركعتين وادعي ربك يبصرك ويكشف لك الغمة

وبكرة مثل ماقلت لك

تحاولي تكوني طبيعية وتناقشيه

بسؤال واحد ممكن تناقشيه

هل ترضى أن تراني مع أحد غيرك؟؟؟


؟؟؟؟؟؟؟؟؟؟؟؟؟؟؟؟؟؟؟؟؟؟؟


الله يهدي سركم يارب

[احلى كرميلا]

صحيح كلامها عدي الليلة وبكرا لكل حادث حديث وذكرية بأن من دق باب الناس اندق بيته وكلمية بكل هدوء وثقة لاتبيني انك مهتمه وقوليلو ترى غيرك راح يلعب بشرفك يوم لاتنسى وقفلية كلمية بحيره خليه وانشغلي عنوروحي اتصلي على اخواتك ولا صحباتك وطولي معاهم وخلية يفكر بكلامك انا اخذت الافكار من جارتي والله نفع زوجها بطلللل بس هي اتحملت كثيييير وربي يفرجها عليكي يارب خبرينا ايش يسير معاكي

[همسة ذوق]

بس ياأختي والله مارا لاح يعطيني وجه خاصة انه بكره جمعه يعني حيخرج ويطنش وبعدين حيجي ويقول مابغى أتكلم عندي دوااام أنا اعرفه والله اكتب ودموعي بخدي وحامل وكارهة نفسي من تصارفاته والله ماقدرت معاه وبشهااادته..

[احلى كرميلا]

والله قلبي شايل همك خلاص روحي لبيت اهلك ريحي نفسك واستشيري امك وخليه هو يجلس واكيد اهلو بيشوفكي طولتي خلي امك اذا احد من اهلو سأل تقولهم الحقيقة وهما يتصرفو انا استغربمن الاهل الي يعرفو ان ولدهم حق بلاوي يدوروافضل بنت مافيها ولا عيب ويبلشها بمصايبو نستناكي

[همسة ذوق]

آآآه بس وش اقول كل اللي قلتيه الحين لي قد صاار وسويت كل شي وأهله ماقصروا وقفوا معي بس ايش اسوي الحيين تعبت والله...

[احلى كرميلا]

ارجعي كلميهم ثاني وثالث لازم طرف اخر يساعدك دامها مو اول مرة جربي كل الطرق الي تحسي انها مفيدة والاستغفار وقيام الليل لا تتركية الا بالضرورة وادعي ان ربك يهدية

[أم رزاان]

نصيحة لوجة الله يالغالية لا تدخلي احد بامور حياتك الخاصة
او بمشاكلك مع زوجك !!
بكرة بتنحل المشكلة بينك وبين زوجك وتنسون بس الناس ماراح تنسى .. وكل فترة بذكروونك فيها !!!

أنا من وجهة نظري إنك تقومي بواجباتك وماتقصري بشيء من واجباتك تجاهة
وبنفس الوقت حسسية إنك زعلانة ومتضايقة ولا تكلمية بشيء
حتى هو يتكلم معك !
معلش عارفه الوضع بالنسبة لك مو بالساهل بس اتحاملي على نفسك شوووي
ولا تعطية وجه حالياً إلا إذا تكلم معك !
لو سألك ايش فيك .. قولي أنت ادرى أيش فيني !!
وقولي له أنا ما ابغى مبررات ولا تفكر أني جاية بحاسبك !!!
بس قلي أيش اللي شفتة بالإيميل ؟!!
وليش سويت كذا ؟!
ولما تتكلمي معه تكلمي بهدوووء من غير عصبية !
وإن شاء الله ربي يفرج همك ياااارب

[سماء دبي]

الله يهديه هذا اللي اقدر اقوله

[سيدة الغرام]

الله يهدي يارب