تجمع لحوامل شهر جمادى الأولى 1433

ام سهــــــــاد · 02-22-2012, 09:18 AM

بسم الله ماشاء الله ربي يعطيك العافية شذى عن جد ابدعتي ربي يفتح لك ساعات الرزق ويرزقك من حيث لاتحستسبي ماعندي شي اقوله غير ربي يجزاك جنات الفردوس على هالصبر علينا .. عن جد تعبناك ...

ام سهــــــــاد · 02-22-2012, 09:21 AM

هلا متغربة كيفك يالغلا وكيف دراستك واطفالك .. وصدق بنات وزن البيبي يزيد بالتاسع بسرعة لاتستعجلوا انا قال لي الدكتور كذا...

رحمة2011 · 02-22-2012, 09:54 AM

تسلمي حبيبتي شذى الجنوب على الجدول
يعطيك الف عافيه والله يسهل عليك يااااارب
مررررررررررررررره نايس

أم رزاان · 02-22-2012, 11:13 AM

صباح الخير يالغاليات
وربي اشتقلت لكم ولجمعتكم وسواليفكم
الله يهونها عليكم يااااااااااااااارب ويكتب لكم الساعة الميسرة ياكريم ياقادر

أنا اليوم لي 12 يوم من يوم ماولدت
والبارح بس خرجت من المستشفى

تعبت تعب مايعلم فية إلا رب العباد .. الله لا يضيع لنا آجر ياااارب
كنت لما اتعب عندهم واجلس ابكي ياخذوني للحضانة بس مجرد ما اشوف بنتي
واضمها واتحسس عليها ارتاااح وانسى تعبي !
وشهادة حق تعاملهم في مستشفى الولادة والأطفال في المدينة
تعاااامل راقي جداً .. وأنا جربت الخاص مافي مقارنة بينة وبينهم ابداً
لا من ناحية النظافة .. ولا التعامل .. ولا الإمكانيات !

عموماً ما اقول إلا يااااااااااااارب لا تحرمنا اطفالنا .. وتفرح كل منتظرة وتطمن قلبها يااااااااااااااارب

((ام ليان)) · 02-22-2012, 12:49 PM

الحمدلله على سلامتكم
اهم شي كيف بنتك ان شاء الله بخير وخرجت معك
وعقبالنا يارب نولد ونرتاح

ام سهــــــــاد · 02-22-2012, 01:32 PM

هلا ام رزان ... نورتي والله دايم نسال عنك وعن صحتك والنونو طمنينا يارب انها طلعت معك بالسلامة ربي يعافيك ويقويك...

أم رزاان · 02-22-2012, 02:44 PM

الله يسلمكم من كل شر يالغاليات
وربي يحفظكم أنتم واجنتكم ويفرح قلوبكم بشوفتهم واهم بأتم الصحة والعافية

وبنتي لسى والله في الحاضنة ماخرجت
وزنها ناقص ولدتها على كيلو و500 غرام
والآن كيلو و700
الحمد لله جلوسها في الحاضنة عشان الوزن بس
ولا هي تنفسها الآن طبيعي وترضع طبيعي قال الدكتور بس تكمل كيلو و800 غرام راح نخرجها

ياعمري لو تشوفوها تستغربوا كيف عاشت سبحان الله من صغرها
يحطها الدكتور بكف وحدة ويرفعها ويضحك
ويقول سبحان الله هالمولوده تحملت اشياء يمكن الكبار مايتحملوها !!!

الحمد لله كما ينبغي لوجه وعظيم سلطانة

انصحكم يابنات تجهزون قارورة موية صحة
ويفضل ماء زمزم وتقرون فية سورة الفاتحة 7 مرات
وسورة الزلزلة 7 مرات
وآية الكرسي
ودعاء يامخرج النفس من النفس اخرجني مما أنا فية 7 مرات
جهزوها وحطوها في شنطة المستشفى واول مايبدأ الطلق اشربوا من الموية
على دفعات

الله يسهلها عليكم ياااااااااااااارب ويتمم لكم بخير

ام سهــــــــاد · 02-22-2012, 03:15 PM

الله يطمن قلبك ام رازان وان شاء الله تطلع بالسلامة ويزيد وزنها الحمدلله والله اني فرحت لك وعقبال مانفرح بخروج البنوتة بالسلامة ...

ومشكورة ع النصيحة باذن الله اسويها ...

دعواتك لنا يالغالية.. ولاتنسينا ادخلي كل مافضيتي ..

الديماس · 02-22-2012, 03:22 PM

ام رزان الف الحمد لله على سلامتك وسلامة البنوته

متغربة
ام سهاد
انا مو خايفة من الوزن انا خايفة من الراس ما نزل اللحين شوفوا بالجدول متى ولادتي والراس لسى فوق البارح ما نمت جالسة ابكي واتصفح المنتديات وقوقل ابحث عن شي ينزل الراس بناااااات تكفون ادعوا لي ما اقدر على العملية ولدي سنة وتسع شهور وما ياكل ولا ينام الا بحظني وملقوف ونفسيته زفت صياااااااح محد بيتحملة غيري يااااااارب يااااااارب هونها علي

اليوم صحيت بدري الساعه 8 واصلا ما نمت الا 5 ونص وقمت كنست البيت وحبييت اللين دخت ثم غسلت الغسيل وفطرت ولدي وجهزت الغدا لزوجي ورتبت الغسيب وغسلت اواني الغدا حاسة اني مرهقة بمجرد ما افكر بالموضوع

ام سهــــــــاد · 02-22-2012, 04:36 PM

حبيبتي الديماس حاولي تسوي جدول منتظم كل يوم ويكون هالجدول حركة في حركة بدون اجهاد ولا اوصيك صلي واطيلي السجود واستغلي الفرصة وادعي الله يتعدل سبحان الله حتى نفسيتك بتتحسن...

ولا اوصيك كمان بقيام الليل وادعي وابتهلي واشربي زمزم بنية يتعدل الجنين والله حاسة بحالتك ربي يكتب لك ماتتمنين:..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل اللي موعد ولادتهم في شهر محرم 1433	غزاله شقرا	إستفسارات مرحلة الولادة	19214	05-15-2012 01:11 PM
تجمع الأمهات اللاتي سيلدن بشهر ربيع الثاني 1433	leeean	إستفسارات مرحلة الولادة	7436	04-17-2012 04:42 PM
تجمع النساء اللاواتي سيلدن بشهر ربيع الأول 1433	Om KHaled	إستفسارات مرحلة الولادة	3124	03-05-2012 01:33 AM
تجمع وفضفضة حوامل شهر * صفر *1433	Om KHaled	إستفسارات مرحلة الولادة	2540	02-11-2012 09:48 PM