تجمع الأمهات اللاتي سيلدن بشهر *ربيع الثاني* 1433

[آح ـــسآس]

ام عزوز سلامتك من الكأبه بس هذا الحمل لخبطة هرمونات ويلعب بالنفسيه
اللهم امين يارب

ام سهاد والله ماعرف كيف طريقتها ابسئل ماما وأقولك ان شالله

[ام سهــــــــاد]

هلا والله شهرزاد انا تمام ياقلبي انتي شخبارك..
ومشكورة ع التذكير الحبة السوداء معي بس وش فايدة قشر الرمان ..
والملح الفارسي ناوية استخدمة تحاميل مع المرة مثل اللي ذكرتها وحدة بالتحمع اتوقع شهرة الله يذكرها بالخير مرة دخلت راسي قلت ابجربها والملح خشن اسمة ملح فارسي كذا اطلبية..

[شهرزاااد]

ام عزوز انا باخذ اثنين واشوف الانسب لوتس وكوتكس

وللبيبي برضه اجرب الاثنين بامبرز او بيبي جوي

شهرة طمنينا تعدل البيبي ان شاء الله تبشرينا

ام مناير يعطيكي العافية على النصيحة

حلا بالعافية على قلبك الي نفسك فيه سويه

[شهرزاااد]

ام سهاد يعني الفارسي هو الخشن
انا دايما عندي الملح الخشن استخدمه للتشطيف وطبعا بعد الولادة لازم منه
قشر الرمان مرة ممتاز للخياطة انا مجربته في كل ولاداتي الحمد لله اكثر شي كان يريحني
اغسليه بمويه عاديه وحطيه في ترمس وصبي عليه مويه حارة وخليه الين يدفئ بعدين تشطفي فيه انا كنت اسويه في الليل واتشطف فيه الصبح يكون دفي واحسن حطيه في الدش المهبلي وتشطفي فيه وعادي مرتين ثلاثة في اليوم

[ام مناير]

بالنسبة لتحاميل المرة والملح يابنات نصيحه الي مو مجربتها لاتجربها

انا كنت باول ولادة لي باجربها وامي متخوفه منها تقول اذا نظفتي لاتستخدمينه بس تعرفن زيادة حرص

وكانت معي وحده والده بنفس الغرفه وتسولف علي وجابت طاريها قالت انتبهي يابنت انا كنت بالطوارى مرة وجت وحده نفاس تصارخ الم برحمها

والا تطلع امها تبكي واسالها قالت بنتي استخدمت تحاميل المره وكل مرة تقول ينزل مني مويه ليما جفت ووقفت وكانت فرحانه مامداها الا يجيها عوار والحين الدكتورة تقول اهي مستخدمه شي نشف موية الرحم

قلت بنتك كانت بحاجه لها قالت لا بس قالت خلني انظف زيادة الخير خيرين

انتبهوا بنات الرحم ترا حسساس عليكم بالمشروبات الدافيه والاكلات الي تنظف واهتمن بنظافه الفوط وتغير الكلوت والوضوء بالما والملح والله عن تجربه ولاشفت شي بنفاسي الاول والثاني الحمدلله

واذا على التهابات وحلها هين تحاميل من الدكتورة امن وتجيب نتيجه

[ام سهــــــــاد]

شهرزاد انا مو عارفة غير ان اسمة الملح الفارسي مدري اذا نفس الملح اللي عندك او لا,,,

يمة خوفتيني يام مناير وكويس انك نبهتينا والله الوحدة بس تسمع شي يالله ركض تجرب الله يهدينا بس ان شاء الله استخدم ملح للوضوء فقط ..
وبخصوص قشر الرمان ان شاء الله استخدمة بس وين القاه عند العطار او اجففة عندي بالبيت واطحنة او لا ..

[دلوعه زووجها]

.@.¤,¸¸,¤مسـ¨¤¨ـاء¨°¨¨¤¨¨°¨الخـ¨¤¨ــير¤,¸¸,¤

اخباركم بنات ان شاءالله تمام
انا الحمدالله تمام والنونو تمامو

اليوم رجع زوجي ببيتنا لشرقيه
الله يحفظه

لبى قلبك ام عزوز تسلمين

[شهرزاااد]

ام سهاد تلاقيه عند العطار ولا تطحنيه هو يجي مكسر قطع كبار شوي خذي قد كاسه صغيرة على كل ترمس

[ام مناير]

اذا جففتيه حلو تضمنين انه فرش

او اخذيه من عطار ثقه واطحنيه او بالنجر تدقينه وحطي عليه مويه حارة وخليه يقلب قلبتين
عالنار وتالي عبيه في ترمس ماتبينه

وكل مادشيت غسلي منه يعني بحدود كاسين جذيه

وضيفي مرة بس عليه بالترمس او الجيك مو تطبخينها معه

ترا حلوة عشان الشمم الي تسببه العطورات للخياطه

تخبرين ذا جرح المرة لاتفارقج حطي منها بمويه واشربي منها ليما تطيح الخيوط

واذا تعرفين الخوجوا ذي رووعه عشان ماتشم وتلتهب الخياطه تحطين منها على الفوطه لاغيرتي وباذن الله مايجي لج شي من عطورات الحريم الي بتجي لج بنفاسج

[شهرزاااد]

دلوعة الحمد لله على سلامته الحين حتفظي لنا