تجمع الأمهات اللاتي سيلدن بشهر *ربيع الثاني* 1433

سحـآب · 02-16-2012, 08:19 PM

شهرزاد
الله يعينك والله شدة اعـصـاب لكن وكلي أمرك لربنا

أيش المشكله في التحريض طيب للمعلومات فقط ..؟

بنبونا أشتريت الشنطه من اوركسترا ومـآني لاقيه الوصله عشان اوريكم الصور لكن ان شاءالله الاقيها

جالسه افكر بكره أبدا أشيل جسمي حلاوه واسوي شمع لوجهي من زمان ماسويت

لانو محد يدري متى ربنا يريد

سحـآب · 02-16-2012, 08:21 PM

دلوعة زوجهـآ لا تفكري كثير والله مـآجاب لنا الهم ألا التفكير

خليها ع ربنا ان شاءالله يفرجها عليكي وعلينـآيارب

<< مو بس تفكر ألا موسوسه درجة أولى

دلوعه زووجها · 02-16-2012, 08:25 PM

سحااب والله انك صادقه يالغلاا
بس وربي الحمل نفسيه فجاه كذا تمسك مع وتقفل اخلاقك

ومرات اذا تذكرت الولاده وربي لاشعوريا اسكر رجولي شكلي بجننهم بالمستشفى الله يعين

دلوعه زووجها · 02-16-2012, 08:26 PM

وينك بنااات
برووق
ام شوق
ام عزوز
ام جنى
احساس
والباقيات الغاليات

Dem · 02-16-2012, 08:32 PM

شهرزاد
انا اشوفه الكشف ماله داعي بس بعض الدكتورات يسوونه من باب الحرص الزايد
انا بعد شوي رايحه لموعدي يارب الحق عالدكتوره قبل لايخلص دوامها
تاخرت
دلوعه زوجها
حاولي تلقين شي يلهيك عن الحمل والولاده لان تفكيرنا المستمر فيه هو اللي يطفشنا الله يهون علينا يارب

دلوعه زووجها · 02-16-2012, 08:38 PM

ديم الله يسعدك وان شاء الله تلحقين ع الدكتوره طمنينا يالغلا عنك

|| أم عزوز || · 02-16-2012, 08:40 PM

بروق فديتك الطشي قد ماتبين ^_^
ايوا اخر يوم بالتاسع 25\ربيع الثاني
وان شاء الله مايجي هالتاريخ الا وكلنا والدات ومرتاحات ونقوم بالسلامة احنا والنونوات ياااااااااارب

بروق الدكتور يعطي الموعد ع حسب السونار والسونار يمشي على حجم البيبي وقياساته
بس احس افضل شي تمشي ع الدورة واذا تعرفي تبويضك يكون افضل بعد

ديم الله يحلي ايامك يارب
المرة قالت عنها شهرزاد نحط بشاش شوي من منقوع المرة ونشمه بعد الولادة
وكمان ام جنى قالت تشرب منه
وانا ان شاء الله باسوي الطريقتين
بس مارح اغسل من تحت بأي شي غير الي توصفه الدكتورة

شهرزاد الحمدلله انو تطمنتي ع صحتك وع البيبي
طيب كان خليتيها تكشف
دامك مرتاحة لها كثير وتعرفيها من سنوات وواثقة في شغلها عادي وافقي اكيد هي ادرى وتعرف انو هالشي لصالحك

دلوعة الله يحلي ايامك
والعطر اكيد باخذ بشنطة اليد تبعي
ومناديل مرطبة وكريم ترطيب واولاي ومشط
بس لسى بدري احطها الحين

ان شاء الله تولدي بالسلامة وتشوفي البيبي بكامل صحته وعافيته يارب

سحاب بما انو دخلتي التاسع خلص ابدأي شيلي
لانو احنا البكر مانعرف عوارض الولادة الحقيقية والعوارض الكاذبة
لازم نكون جاهزين

دلوعة تسأل عنك العافية انا هنا بس لهيت شوي مع اهلي وخوالي
وريحي نفسيتك يالغلا اهم شي ترتاحي نفسيا

|| أم عزوز || · 02-16-2012, 08:42 PM

ديم طمنينا عنك بعد الموعد وان شاء الله تكوني بخير انتي والنونو

|| أم عزوز || · 02-16-2012, 08:48 PM

بنات اليوم شربت حبوب فيتامين مع حديد ومعدتي شبه فاضية
بعدها بفترة جاني غثيان ذبحني واحس معدتي بتطلع
وبنفس الوقت ألم دورة كأنو بتنزل علي >>> اهىء تذكرت ايام ماقبل الدورة وععععع
واحس شي من تحت خفت البيبي لايطلع >>> مصدقة اولد على هالألم بس خخخخ
بس والله يابنات خفت يكون بداية ولادة احس صرت في دوامة شوي وابكي
والحمدلله دقايق وراح عني بس الغثيان استمر يجيني وشوي يروح وع هالحالة لحد ماتعشيت قبل شوي راح الغثيان
وكمان التحجر جاني من بداية الآلام ولسى مو راضي يفك يجي ويروح والمشكلة يضايقني كأنو بطني حجر

انا خايفة الجماع هو الي يسوي تحجر ومغص
الله يعين ويكتب لنا جميعا ساعة ولادة سهلة وسريعة وطبيعي ان شاء الله

سحـآب · 02-16-2012, 08:49 PM

حتى أنا حسيت نفس اعراضك امس يا أم عزوز

وأحساس أنو الدوره بتنزل لي فتره احسه بس مدري وش يعني

والتحجر موجود بس الله اعلم وش السبب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع النساء اللاواتي سيلدن بشهر ربيع الأول 1433	Om KHaled	إستفسارات مرحلة الولادة	3124	03-05-2012 01:33 AM
تجمع الحوامل اللاتي سيلدن بشهر ربيع الاول 1432 ‏	نبض الشوووق	إستفسارات مرحلة الولادة	17803	04-14-2011 07:58 AM
تجمع الحوامل اللاتي سيلدن بشهر ربيع الثاني 1432	الجوري	إستفسارات مرحلة الولادة	2929	04-14-2011 02:53 AM