تجمع الأمهات اللاتي سيلدن بشهر *ربيع الثاني* 1433

[شهرزاااد]

هلا فيكي ديم بالتجمع ان شاء الله تستفيدي وتفيدي وترا كذا وحده معاكي في اخر ربيع الثاني

بنبونا تسلمي يا قلبي وانتي كمان ان شاء الله تطمني وطمنينا ايش صار معاكي في الموعد انا ان شاء الله شوي وبروح الله يسهل على الانتظار

بروق ترا البنات كمان عندهم خبرات حلوة بس ان شاء الله بكتبلك الاغراض الي تاخذيها لكي وللبيبي
وانتي كمان والله بنتك صغنونة الله يعينك على الغيرة

[سحـآب]

ماشاءالله التجمع سـآير ع نار الله يجعله دوم يارب ويسهلنا

مدري اعلق ع ايش ولا أيش

كيفكم وكيف الحمل والحماس والاحلام والتعب

يا جماعهة أبره الكزاز يعطوها في الاماكن الصغيره اللي مشكوك في نظافتها لانو هيا يعطونها عشان الجراثيم والبكتيريا يعني ع حسب المستشفى هدا كلام الدكتوره لمن سالتها


بروق ليش ماتخرجي هيا صح النفسيه ماش لكن تغيري جو

أم عزوز بالنسبه للحبه حاولي توري الدكتوره لانو أنا طلعت لي حبه أول ووريتها وجلست تفلسف ع راسي أحسن عشان تعرفي من بدري وتشوفي ايش تقولك
لانو حتى الالتهاب مضر للجنين يسبب مشاكل في عيونو ادا ولد لاقدر الله وعندي وحده تقرب لي سار لها كدا

الله يسهلنا ويستر علينا يارب

والله والواحد نفسو يولد مو عشان يرتاح عشان نفسو يطمن ويشوف النونو ياربي أنك تبلغنا ساعه طيبه مباركه وولاده طبيعيه سهله

[شهرزاااد]

ورد الفل ان شاء الله ولادتك 1/4 والله اعلم

ام شوق وينك لا تروحي بعيد


بروق ان شاء الله ولادتك 23/4 والله اعلم

هذي التواريخ على حساب انك تكملي الاربعين اسبوع
طبعا هذا الحساب ممكن تزيدي عليه 14 يوم يعني توصلي 42 اسبوع بعد كذا حيولدوكي
واصلا ما حيستنوا عليكي هذي المدة إلا اذا كان وضعك و وضع البيبي كويس

يله ارجعلكم ان شاء الله بعد الموعد

[bnbona]

شهرزاد

ربي يسهلك موعدك وترجعي اطمنينا

سحاب
فين لقيتي شنطة للبيبي

[Dem]

مشكورين كل اللي رحبو فيني
انا حامل بولد الله يهون علي وعلى الباقين

[برووق]

ياهلا فيك صبايا

وربي اتمنى أولد وارتاح وافرح بالنونو :)

شهر زاااد
طمنيني يالغلا ع موعدك :)
والف شكر ع الرد يالغلا
وربي لموووت :( لو ادخل شهر 5 احباط يعني


سحاب
منوره يالغلا

بنبونا
شريت سرير للبيبي وشنطه ومدس له من سنتر بوينت
حلوووه مررره وسنبل :) ولي باك بالصور اكيييييييييد

[برووق]

دلووووعه .... لموني .... ام شووووق ... أحســـاس ... ام جنى 24

وينكم يارب تكونوا بالسلامه يارب
وحشتوني :)

[برووق]

ديم
يارب يبارك لك يالغلا
وتفرحي بشوفته
اختري الأسم ولا باقي :)

[برووق]

بنوتات
احنى اعلى تجمع ماشاء الله
من جد شئ يفرح معناه انوا حنا قلوبنا ع بعض
ربي لا يغير علينا
ونوووولد كلنا بالسلامه ونفرح ونتبادل الخبرات مع بعض
ياااااااارب ....

[|| أم عزوز ||]

مساء الخيرات ع احلى كروشات ^_^

وشحتوووني >>> وحشتوني

شهرزاد وبنبونا ننتظركم تطمنونا بعد الموعد وان شاء الله يارب كل شي تمام

ديم وعليكم السلام ورحمة الله وبركاته نورتي التجمع
لا انتي مش آخر وحدة
موعد ولادتك معي انا وام شوق بالضبط 27\4


سحاب صدقتي نفسي اولد والله عشان النونو ابي اتطمن عليه
ان شاء الله بموعدي رح احكي للدكتورة



بروق لا ويييين 29 \4
حسابك صح
لانو انا دورتي 12\7 بعدك بيومين
واخر يوم بالتاسع ان شاء الله 27\4 كمان بعدك بيومين ^_^