تجمع حبيباتي الكروشات اللي راح يولدون بشعبان

سفن بارد · 02-13-2012, 05:19 AM

فنو ياحبيبتي تسلمين حمدالله وله الشكر على العافيه ايه صديق ولدك جعل ربي مايحرمني منكم ومن وقفتكم معي

ام لبنى لبي قلبك والله الف شكر على كرم ربي معي ايه والله كنت الح وحمدالله ربي ماردني خايبه وكانت ثقتي في ربي كبييييييييره ايه والله الله يصلح ذريتي وذريتك وذريه باقي الحلوات ويصيرون شيوخ وطلبه علم يااارب

سفن بارد · 02-13-2012, 05:30 AM

اقتباس:

المشاركة الأصلية كتبت بواسطة miss yoyo

انتي حاولي معه
بس اذا عيا خلاص .. صيري سمحه وسمي باللي يبيه
موب مهم الإسم .. أهم شي السلامه
ربي يتمم لك على خير .. وتشوفينه هو وبرهوم معاريس بليله وحده يارب

ياحبي لك يامس يويو عااااقله ماشاء الله صدقتي اهم شيء السلامه

من عقلك وسماحتك بخطب بنتك ماشاء الله بس ان شاء الله توافقين

Miss YoYo · 02-13-2012, 05:38 AM

هههههه
اذا على بنتي صفي طابور
للحين خطبوها اثنين من عيال خالاتي
هذا وباقي ماحد درا اني بجيب بنت غير امي وخواتها
عاد حنا يدبسون من جد
مثلي انا وزوجي مامداني جيت إلا قالو فلانه لـ فلان

بس هاه نبي برهووم
بعدين ولدك الصغير يتدلع عليها يقول انتي اكبر مني
وتزعل بنتنا
إن شاء الله موب حاجزين له وحده ههههه

نكهة القهوة · 02-13-2012, 05:40 AM

كللللللللللللللووووووش
الله يبشرك بالخير كلنا قاعدين نستنى على أعصابنا والحمد لله جيتي وجبتي الأخبار الحلوة مثلك.
الحمد لله يا سفونه على سلامتك وسلامة البيبي
ومـــبــــ1000ـــــــروك الولد
الله يرزقكم بره وصلاحه ويفرحكم بشوفته سالماً معافى والحمد لله ماخيب رجاك ودعاك .

Fnoo · 02-13-2012, 05:47 AM

هههههههههههه ياااربيه ما اتخيل نخطب لهم هههههههههههه

احس اني بصير خاله عله مدري ليه هههههههههههه
امس بنت خالي تقول هونت ازوجكم بنتي اخاف ولدك يعايرها لانها اكبر منه قلت لها طسي المنه لبنتك اللي بتاخذ ولدي هههههه تطاقينا وهو كذب

Miss YoYo · 02-13-2012, 05:51 AM

ههههههههههه
فنو احسن لك اخطبي له وهو صغير وفكي نفسك من الإحراجات لا كبر <<< قولي قسم ههههه
حنا أهلي من النوع اللي مايصبرون لين نكبر سريع سريع
ماناخذ من برا العايله
هذي تجيب ولد وهذي تجيب بنت .. خلاص على طول فلان لفلانه
وينشبون مافيه فكه لين يكبرون ويعرسونهم
تلاقين الولد له سنه وشوي ولا اصغر والبنت بس شهور وهي خلاص مخطوبه باقي بس دبله هههه

نكهة القهوة · 02-13-2012, 05:53 AM

يؤؤؤؤؤؤؤؤؤؤه يا مس يويو
أنتم قبيلكم من اللي يدبسون مررررره مو حلو
خليهم براحتهم لا كبروا يختاروا على مزاجهم >>> صدقت السالفة
وحدة من صاحباتي ماسكينها لولد خالها وهي صغيرة لما كبروا قال ما أبغاها أيش ذنبها البنت تمسكها كل هالعمروتستناك وبعدين تقول ما أبغاها وكثييييير غيرهم بس أحسب ماعاد فيه مثل هالكلام يعني أندثرت هالعادة وأنقرضت والحين فاجئتيني .

Miss YoYo · 02-13-2012, 06:06 AM

إيه والله حنا من اللي يدبسون
بس ماقد ولا مره احد ماقال ما ابي
الحمدلله الكل يتزوج ومايبقى عندنا بنات بلا زواج
والكل أموره زينه .. مبسوطين ومرتاحين
هي عاده زينه شينه مثل مايقولون
بس محد ياخذ إلا نصيبه
التوفيق من ربي ان كان يقرب لك ولا بعيد

Fnoo · 02-13-2012, 06:16 AM

هههههههههههه تحمسنا مع موضوع الخطبه والاشياء

حياتي هم خل يكبرون ويستمتعون بطفولتهم وشبابهم بعدين نفكر بزواجاتهم ههههههههه يااربيه شلت هم الشبكه والاشياء ههههههههههههه شطحت بتفكيري شوي هههههههههه

na3ooma · 02-13-2012, 06:21 AM

صباح الورد والاخبار الحلوة
سفن الف الف الحمدلله على سلامتك وسلامة العريس
الحمدلله احلى خبر قرأته لما صحيت خبر سلامتك وسلامة عريسنا
وربنا كريم وكبير ومافي ارحم منه وماخيب ظنونا , ومو مهم تقضي ارتاحي لاااااااحقة اهم شي النونو حقنا يكون مرتاح ولا احد يزعجه والسابع مو بعيد < وحده نفسها تصير بالسابع وتخلص من الانتظار

ربي يقر عينك بشوفته سالم معافى ياااارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الكروشات اللي ولادتهن في رمضان 1433ه	Haif	إستفسارات مرحلة الولادة	17873	08-29-2012 02:38 PM
وين اختفى تجمع اللي راح يولدون بشعبان ؟؟؟؟؟	Miss YoYo	إستفسارات مرحلة الولادة	25	02-06-2012 11:25 PM
تجمع الحوامل المغتربات اللي رح يولدون فالغربه	ماﺀ السماء	إستفسارات حوامل من الشهر السابع إلى الشهر التاسع	54	03-25-2011 07:06 PM
تجمع للحوامل اللي يولدون الشهر المقبل مارس	ام ظاافر	إستفسارات مرحلة الولادة	2	02-20-2011 06:25 AM