تجمع النساء اللاواتي سيلدن بشهر *ربيع الأول* 1433

[بنت سدير]

بنات المرة زينه ولالا نقعتها ومسحت فيها هل تفتح الرحم ولالا؟؟؟؟

انا امس الاحد كان فاتح 2 سم

[عبير 99]

وماتوفيقي باذن الله بنتجمع بتجمع نفوسات ربيع اول في القريب العاجل
والله يقبل دعاك


بنت سدير
المره اضن لشمم .. وكاني قد سمعت انها تضووق
تاكدي قبل

[ليتني نجمة]

سلام ع الجميع
ياعبورة ويش بسوين انا توقعت انه مايجي 15 الا انا ولده
المشكلة اني قطعت مواعيد المستشفى ودي ارجع وشوف ويش يسولي بس ساعات اقول لا مش رايحة الا اذا جت الولادة

[خجل وردة]

حوامل والله مليت استغفر الله
ويش نسوي عشان نولد
انا عندي موعد يوم الاربعاء
افكر اطلب من الدكتورة تحط لي
طلق صناعي لان معاي طلق بس الرحم مسكر
ايش تنصحوني فيه يا حبايبي

[فوفوً]

الف مبرووووووووك سارووونه قرة عينك بجسوومي
عقبال باقي البنات نفرح فيهم

[عبير 99]

ليتني نجمة روحي حبيبتي
يمكن تسوي لك تحريض باذن الله تتيسر



خجل ياعمري حاسة فيك
انا مثلك الرحم مسكر بس ادعي ربي
واقري سورة النصر وسورة الفتح
ترجي ربي يفتح الرحم وتتيسر ولادتنا

[دلع سارة]

ماشاءالله تبارك الله

الف مبررووووك لكل اللي ولدوا بالسلامة
وعقبال الباقين .... يارب تساهيل عليكم

اختكم من تجمع ربيع ثاني

[saronna15]

اللله يبارك فيكم كلكم حبيباتي والله العظيم وحده وحده مانسيكم دعيت لكم وقت الولاده لان كنت اسولف هنا وبعدين جاني الطلق

اعلمكم شلون دقت علي صديقتي قالت لي في وحده من اهلها مثلي موجاي ينفتح الرحم وتعبت يجيها طلق كاذب وانصحتها امها انها تسخن زيت زيتون وتدهن فيه ظهرها وبطنها والمنطقه الحساسه وتاخذ جزء وتحطه في فتحة المهبل علشان تلين العضلات من داخل وبعدها تسوي مع زوجها المهم ماجا الصباح الا اهي والد

قلت ليش ما اسوي مثلها يمكن تظبطً وياي مع اني في وضع مومشتهيه زوجي بس استغفر الله بس بمشي اموري هههههه وجا الساعه 11 بالليل سويت زيت الزيتون وبعدين زوجي هههه ورحت تروشت وتنقعت في ماي حااار ويوم طلعت سويت تمرين القرفصاء 5 مرات وقلت بحط راسي وبنام هذا الساعه 2 الليل
وجلست قرات سوره مريم وبعدين الزلزله جلست ارددها مادري كم مره لحد مانمت
الساعه 3 جاني الم وماعطيته وجه قلت زي كل يوم لاجديد وبعدين يرجع ويروح ويجي قمت رحت دوره المياه وشغلت المويه الساخنه ههه علشان يروح الالم
لا موراضي يروح
واصبر لين 4 ونص دقيت على اختي قلت لها الحين موشرط الوحده يجيها ماي والا دم وتولد صح
قالت لي ايه يجي طلق لحالها قلت لها انا فيني الم بس مادري اذا طلق
قالت مريني ونروح المستشفى نشوف واجلس زوجي وامر اختي ونروح الساعه 5 بالظبطودخلت قالو لي مفتوح 3 ونص نص ساعه 5 ونص قالو 4 في ولاده ماتطلعين ودقيت لامي وجات جات امي 7 انفتح 5 وبسرعه بسرعه الطلق ورى بعض وانفتح الماي والساعه عشر الا ربع بالظبط ولدت بالسلامه والحمدلله
الطلق متعب شوي بس كلها ساعات بسيطه ولاتحسين فيها الا تولدين وترتاحين ماتوقعت الولاده كذا خخخخ
الحمدلله يارب التساهيل من رب العالمين الله يسهل عليكم والله كلكم تستاهلون كل خير

[عبير 99]

دلع سارة
الله يهون عليك

[ليتني نجمة]

سلام ع الجميع
والله خايفة انا بحملي الثاني سويته بس مافادني ماولدت الا بعد ثلاثة اسابيع اني سويته بنص التاسع
اخاف اسويه هذي المره ولا استفيد شي
انا مافيه راسي اروح مستشفيات الا للولادة وبس
ازهق من الانتظار واتعب من جلست الكراسي واحتار وين اودي اعيالي لني بعيده عن هلي واخاف اوديهم مع المستشفى ويمرضون
انا اصلا مااحب المستشفى اذا مرضت ماروح اضل اقوم المرض الا اذا زعل علي زوجي اروح وانا مجبورة