تجمع الأمهات اللاتي سيلدن بشهر *ربيع الثاني* 1433

[|| أم عزوز ||]

دلع سارة هههههههههههههه اهم شي يكون في حليب والطبيعي يشبعه لحد 6 اشهر وبعدها لازم مساعدة بالاكل او الحليب الصناعي
كذا قالت لي مامتي

انا ابي ارضع طبيعي عشان اول شي البيبي فديته مااحرمه من فوائد الرضاعة الطبيعية
وثانيا عشان جسمي ابي يرجع زي اول
بس خايفة يكبر وبعدين لما البيبي يكبر ان شاء الله ويترك صدري يترهل ويصير كأنه كيس مطاط >>> اهىء اهىء

[شهرزاااد]

النور جاي من عندكم يا اهل الشرقية
الرضاعة فعلا شي مهم و تراها تكبر الصدر

[|| أم عزوز ||]

شهرة لااااا اهم شي يبقى شوية حنان لعيالك
سبحان الله اصلا من لما تشوفي النونو تحسي بحياتك ماشفتي بيبي
لانو البيبي هذا منك رح يكون فرق ورح تسحبي على عيال خواتك وعلى خواتك >>> ع اساس مجربة شعور الامومة هععع

[ام شوووق]

ااصلا كذا الوحده قبل لاتخلف
تتعلق بالاطفال اللي حولها تشيل ذا وتلعب ذا
بس تعالي لولدت الاهتمام كله للبيبي وانواع التطنيش لعيال اخوانه واخواتها هههه
مجربه

[شهرزاااد]

نسيت اقولك سارة انا كمان حركة البيبي مرة كثير وكلها فوق بس قليل مرة تحت

[|| أم عزوز ||]

كروشات جالسة افكر اجهز شنطة المستشفى الحين او بنص التاسع
وتذكرت زوجة اخوي سألتها مرة متى بالعادة تبدأي تشتري للبيبي ملابسه وتجهزي
قالت في بكري بديت بدري مشتريات البيبي بالشهر الثامن
انا طيرت عيوني
اول مرة اشوف بكر وماعندها حماس للتجهيز بدري والي استغربته تقول بديت بدري بالثامن اجل شلون لو مو اول بيبي
عاد فعلا بولدها الثالث ماجهزت ولاشي راحت تولد وماعندها شي وامها اشترت ع ذوقها
مستحيييييل ارضى بذوق احد ولا اقدر ارتاح ويهدى بالي الا وانا مجهزة كل شي ومخلصة قبل الولادة

[|| أم عزوز ||]

بعد ماقلت لكم حكاية ماقبل النوم بروح انام
اشوفكم بكرا ان شاء الله
احلام سعيدة

[ام شوووق]

ام عزوز
دام اغراضك جاهزه جهزي الشنطه
عشان كل ماتشوفيها تتحمسي
الله يسهل على جميع الكروشات

[ام شوووق]

نوم العوافي

[Up to me]

مسااااء الخيرات كيففف حالكم

شكلي انا الخفاااش اللي جالسه بس !!!