منجد اااه من الولاده والله عذاب معقول كده امهاتنا تعبو فينا
الله يجزاهم كل خير يارب
والله كل ما اتذكر الولاده اخاف يجيني رعب منها اصلا انهرت بكى بعد الولاده مدري ايش صابني
مع انه مامتي مافارقتني ولا ثااااااانيه من يوم دخلت المستشفى الين تاني يوم لما خرجت
كل الحكايه اني دخلت العاشر والكل سار يسال ديكا الحامل ما ولدت
الين وتروني معاهم انا كنت اعرف انه البكريه تتاخر بس مو زيي
ليا اسبوع ونص وانا لساتي بكرشه اخر شي قالت الدكتوره الرحم مو راضي يتفك الاسبوع اللي يجي نولدك قيصري قلت لها اديني طلق صناعي
اتنومت واستعديت قالت الرحم مو مفتوح ولا سانتي ما اقدر اساعدك
خرجت وسرت ابكي لاني مااااااااااره تعبت بجد تعبت المهم رحت لعند ماما دقت اختي على ماما عشان تطمن عليا قالت لها ماما لسا ماسارر معانا شي
اخت الجوال وكلمت اختي قالت شوفي ابو جوزي يقول شوربة الديك مرررررررررررره مفيده تحمي الطلق مره ممتازه
وماسمع جوزي دا الكلام الا اصر انه يشتري ديك
والله ورجعت البيت وصحينا الصبحالساعه تسعه ورحنا هناك جمب الحرم كتير اللي يبعوا ديك المهم عترنا على محل دخل زوجي وكان راعي المحل مكاوي صح قلو زوجي نبى ديك صغير قلو الرجال ليش انت مريض قلو زوجي لا عندي الحرمه ماولدت نصحونا بلديك سكت الرجال وهز براسو وقلو بس الديك يجي يعافي امراض كتيره لانه مويتو حاره كتير على كده اعطيك ديك عمرو شهرين لانه لو كبير مافيه فايده
رجعت البيت وطبعا الديك منضف كانه دجاجه بلضبط مافي فرق
بس انا مره كنت قرفااااااااانه اشربه
المهم سلقته وحطيتله ماجي وابازير الشوربه وشربته المغرب
لكن اللي يضحك بلموضوع عارفين ايش دق جوال زوجي رد طلعت حرمه تقولو اديني مرتك بسرعه طلعت مين ام الرجال اللي اشترينا منو الديك
كلمتني وسلمت عليا وقالتلي اشبك حبيبتي قلتلها دخلت العاشر قالت بلا عاشر بلا شي
قالت لي امسكي زنجبيل ناشف حطيه على النار وحطيلو مويه وخليه يدفا شويه
وادهني جسمك باكملو واطغطي يعني اكمري نفسك وسو دلة حليب وصوبي في الكبايه وبملعقة الشاهي حطي ملعقه عسل وملعقه حبه سوده مطحونه واشربي الديك
ولو ماولدتي انا ما اعرف شي
وفعلا يابنات سويت اللي قالتلي عليه
والله ما جات 12 بليل اللي انا حاسه بتعب قوي
الساعه 10 صبح كان زوجي رايح يسوي تحويله لمستشفى تانيه بس قلتلو ترى انا بتالم
رحنا للدكتوره اتفاجئت قالت عملتي ايه رحمك مفتوح 2سانتي ونص
امبارح كنت عند ي وكنا عايزين نعطيكي ابرة طلق وحكيتها ايش سويت قالت يلا تنويم
قلت لا انا بروح البيت اعبي نفسي واجي
رحت البيت جبت الشنطه ورحت المستشفى وجلست اطلق من 12 ليل يوم الخميس الين ولدت تاني يوم الصبح ادان الفجر نزلت البنوته صباح السبت ولدت يعني جلست الطلق يوم ونص لكن الحمد لله
والحين ايش رئيكم بشوربة الديك
.gif "hwaml10")
01-30-2012, 12:21 AM
شوربة الديك والولاده اااااااااااه من ولادة البكريه
princess hush 
رد: شوربة الديك والولاده اااااااااااه من ولادة البكريه
جديد منتدى إستفسارات مرحلة الولادة
العرض العادي
