تكفووون ساعدون ارشدون وجهون ؟؟؟؟

[ام شوشه]

السلام عليكم ورحمة الله وبركاته


اخباااركم جميعاااااا ان شاء الله بخيييييير

باختصار انا مشكلتي مع زوووووجي قويه شووي يعني هو متهاااااون بالصلاة الله يهديه يارب والله تعبت معه اتمنى القى حل قسم اني اخر شي بديت افكر بالطلاق بشكل جدي يعني عرفتو كيف حايمه كبدي منه عشان هالشي بتقولون حاولي وربي وربي وربي حاولت ( صرت ارغبه بالجنه واقول الوضوء مفيد يبعد الجراثيم والصلاة تنشط الجسم وتحرك العضلات مافاد بديت اخمخمه واحببه واتغصب ادلعه وانا متقرفه وربي بس ماااااافاد جربت اخوفه من النار ومن عذاب القبر وجربت ازعل واروح لاهلي ) كلهافشلت يقولي اصبري ابتعدل ان شاء الله وادري اني غلطان ومن هالكلام بس مااااااشوف اي تعديل

انا احس انه جنوبي غربي فأي وحده من نفس النمط هذا تكفوووون تفيدني وش يصلح معهم لاني تعبت كرهت روحي ياااارب تفرجه وتهديه وتسخره لي يااارب وتوخر هالعناد الي براسه

[Joana]

برضو اصبري عليه ما دام انه على الاقل يصلي مو مره تارك الصلاه...

و ادعيله بالهدايه....يمكن الموضوع يحتاج وقت...و اكيد لما يشوفك

و انتي تصلي خصوصا الضحى و الوتر مع الوقت يتأثر..اعرف ناس كذا...

يتأثروا لما يشوفوا شي طيب قداهم و يقتدوا بيه...اكثر من الالحاح ووو...

و اذا انتي قريبه من مكه...روحوا الحرم لو مره في الاسبوع...يمكن قلبه يرق للصلاه..

و يحببه فيها..,.و كثروا صدقات...

و الله يهدي زوجك و مو بس يحببه في الصلاه...إلا يعشقها...

وما ادري هذا النوع من الشخصيات ايش تنفع معاه...اتوقع المسياسه مو العناد...

[Joana]

قصدي المسايسه...او السياسه...سوري على الخطأ

[احلى من العسل]

الله يهديه ويسخره لك يارب حاولي وتحمليه ترى ياقلبي اغلب الرجال متهاونين بالصلاه الامن رحم الله
انتي بطلي تنصحينه بشكل مباشر بعض الرجال مايحب النصح مباشره يكابر ويعاند بس انتي قومي قدامه وصلي وشغلي اشرطه تتكلم عن الصلاه وفضلها بحيث مايحس انك تقصدين انك تسمعينه مثلاقبل مايجي من براتشغلينه ولمن يدخل يحصلك مشغلته اوتشغلينه وانتي بغرفه ثانيه بحيث يكون الصوت مرفوع ويسمع وان شالله ربنا يهديه

[ام شوشه]

مشكورة اختي جوانا لكن للاسف انا بعيدة عن مكهبس اروح لها كل سنه تقريبا واذا رحنا يرتاح هناك وتتغير نفسيته
وان شاء الله اجرب السياسه معه لاني طريقتي مباااشره





اختي( احلا من العسل ) مشكورة بس عرفتي طريقة الشريط مره وربي حساس لان اذكر اخوي اهداني شريط الظاهر اسمه صعود بلا قيود المهم كان يتكلم عن كيف الواحد يسمو بنفسه وكذا يعني مررره مفيد هالشريط وربي كنت ابيه لي انا ابي اسمعه اول ماشغلته سااااكت ولاكلمه ولاتعليق فجاه قام يسب وينافخ يقول هذولا ناس شايفين انفسهم ؟؟؟؟
ادري انه حس بالنقص وحس اني مشغلته عشانه شووفتي كيف. مادريت الا يوم طلع الشريط وقال لاتشغلين هالخرابيط عندي

[همسات ام]

شوفي اختي انل نفسي مريت بهذي التجربه في وقت من الاوقات بعد الولادة كنت ما استنظف جسمي للصلاة بسبب البيبي ولما صار الشتا تركت الصلاة فتره لاني كنت ابرد وارجف لما اشطف جسمي قبل كل صلاة صدقيني والله شاهد كنت بكل لحظه اكره نفسي والومها واعذبها لكني ظليت تاركه لفتره وزوجي رجل متدين جدا يعني لو طلقني وقتها شنو كان ممكن يصير
ياحبيبتي هو مايقول انا ماصلي ولايقول انا كافر والعياذ بالله هو يقولك اريد اصلي يعني عنده النيه وهذا شيطانه قوي ادعيله ياقلبي ربي يهديه ولاتفكري ابدا ابدا بالطلاق ولا تلمحي له بالطلاق حتى والنصيحه لكي لاتظغطي عليه لان الضغط يولد رد فعل عكسي واقولك هذا الكلام عن تجربه
انا الحمد لله رجعت اصلي ومن اول يوم شعرت اني رضيت عن نفسي وارتاحيت نفسيا وشعرت بالسعاده ربي مايخليني اقطعها بعد ابد ويهديني ويهدي زوجك
يا اختي انا حاسه فيه هو في صراع وما مرتاح انتي ساعديه يعرف الطريق لله بدون ضغط*

[كررررررررررشه]

حبيبتي الرسول صلى الله عليه وسلم قال اكثرو من ذكر هادم اللذات انا والله ما كنت اصلي بس كثر ذكر الموت خوفني والحمد لله اصلي اللحين