تجمع لحوامل شهر جمادى الأولى 1433

[متغربه]

ما شاء الله تبارك الله يا أم ليان أن شاء الله تفرحي في بنتك.. يا حلوها ويا زين البنات مريحات في الدراسه بسم الله عليهن.. عقبال ما تشترين لها فستان زواجها وتفرحين فيها..

[متغربه]

أم رزان..

الله يعينك والله زواج البنات مو سهل، وهم اكيد يحتاجونك ويبونك معهم في السوق.. وأن شاء الله يمديك تخلصين اشغالهم، أهم شي يحددون الأشياء اللي يبونها من ألحين..
الله يوفقهم يا رب ويتمم لهم على خير وعقبال ما تفرحين بباقي بناتك يارب، وشكلي بصير مثلك بزوج بنتي وأنا صغيره لأن الرجال إذا جاء وتقدم ما ينعاف، وأنا من الحريم اللي جربوا الزواج المبكر والله أنه ستر وراحه رغم التعب بس محاسنه أكثر..

لو أني في السعوديه كان عزمت نفسي وحضرت زواجكم.. الله يوفقهم يااااااااارب

[((ام ليان))]

اللهم امين تسلمين يالغالية وان شاء الله تفرحين بناتك واولادك
والله البنات في الدراسة احسن من الاولاد بكثير

[أم رزاان]

متغربة .. الله يبلغك ببنتك يالغالية ويفرح قلبك فيها
وتشوفيها عروووووسة وتصيري تيتة وأنت لسى صغيرة :)

وربي البنات نعمة من الله .. ومهما كبروا سبحان الله
تبقى قلوبهم على أمهم .. على العكس من الأولاد لما يكبر ويتزوج
خلاص همة زوجتة واولادة وكثر خيرة تذكر امة بإتصال بالشهر مرة !!

الله يصلحهم جميعاً .. ولا يتكلنا لأحد يااااارب

ويااااريتك في السعودية وربي يشرفني حضورك وحضور
كل الغاليات في هالتجمع :)

[همسات قلبي]

بطوطات

اشتراكي قل معاكم بس والله متابعتكم بس اللي يخليني مااشترك
النفسيه ولله الحمد مو شي


ام رزان
يارب يفرحك في كل بناتك
ان شاءالله نرقص لهم كلهم

[أم رزاان]

هلا ومية غلا بهمسات الغالية
وينك يابنت مختفية ؟!
والله لو عالنفسية خليها على ربك
الكل يشتكي .. ربنا يهونها من عندة

[يمكـ دروبي]

مساء الخير ..
كيفكم كروشات ..؟؟

[سرووءة]

مساء الخير كيفكم كروشات
وحشتوني دخولي قل هالفترة ام زوجي عندي
وكم يوم ورايحة
البارح كنت بالسنتر وجبت كم غرض للبنوتة
انشالله بس افضى اصورلكم ياهم ^^
راح اجن لان ماادخل النت ومااشوف اخباركم وحشتوني كلكم
السنتر عامل بعض التخفيضات على ملابس البيبي
بس طبعا الدفعة الجديدة احلى
وعاملين تخفيضات على اسرة الاطفال
يلي ناوية تجيب فرصة الحين
طمنوني عنكم
انا الخميس بدخل بالسابع انشالله
^^

[متغربه]

كيفكم كروشات.. أم رزان.. أم ليان.. يمك دروبي.. وش أخباركم اليوم؟؟

همسات.. كيفك يا عمري،، وسعي صدرك النفسيه عندنا كلنا بس وش نسوي.. ما لنا ألا نتحمل ونصبر كلها كم شهر ويروح كل شي مع شوفة عيالنا.. الله يبلغنا شوفتهم يارب ويقومنا بالسلامه..

سروؤه.. كيفك يا حلوه والله فقدناك.. أن شاء الله تدخلين السابع بخير وسلامه حبيبتي.. وانتي بالقلب والله..

[متغربه]

في الفتره الجايه إذا قلت دخلتي للمنتدى أبيكم تعرفون أنه غصب عني.. لأن الدراسه بتبدأ خلاص وبرجع مثل أول أطلع الصباح ولا أرجع ألا المغرب.. وإذا رجعت مذاكره وطبخ وعيال والله يعين بس.. بس بحاول أدخل كل يوم وأنا في الميترو أطمن عليكم..