تجمع لحوامل شهر جمادى الأولى 1433

[متغربه]

يمك دروبي..

لا تشيلين هم النفاس أبدا، انتي بس رتبي امورك من بدري وكل شي راح يكون تمام.. أهم شي أنه لازم يكون عندك شغاله وأن ما كان عندك جيبي وحده بالشهر.. انتي علميها على اللي تبينه، يعني جهزي انتي الاواني حقت القهوه والشاهي وعلميها كيف تسويها مثل ما تبين.. خلي في ثلاجتك عصير مشكل.. ومثل ما قالت أم رزان يبيلك سلة شوكولاته فخمه وثانيه بعد للمعمول.. والموالح مثل الفطاير ممكن تجيبينها في نفس اليوم إذا كان بيجيك أحد..

فيه ناس يحطون بالفريزر أنواع مثلا كبه وفطاير زيت وسمبوسه محشيه، يصيرون يطلبونها من حرمه تجهزها لهم ويفرزنونها.. تبلغين الشغاله تقليهم إذا صار بيجيك زوار وتقدمهم في صينيه كبيره مع صحون صغيره ومناديل وشوك..

ومثل ما قالت أم رزان العصير أول.. أهم شي انك تجهزين امورك والباقي على الشغاله.. لا تنسين المفرش وسرير البيبي والأرواب..

أنا بالنسبه لي ما أحب التكاليف الزايده، أحب البساطه والترتيب، يعني ما أحس أن فيه داعي للهدايا وهالأشياء، والله يقومك بالسلامه يارب..

[ريم11]

اخبارك ي احلى اخوات وربي وحشتنووووووني

زوجي راح يجي هذا الثلوث لي شهرين ماشفته
مدري شلون استقبله..

ام رزان طمنيني عنك ان شاءالله بخير؟
متغربه اخبارك الله يعينك على البرد..؟

[متغربه]

مرحبا ريم..
استقبليه بالابتسامه الحلوه والنفس الزينه وتكشخي وتدلعي وتزيني وتعطري.. اشتريلك فستان حلو وحاولي تحجزين لكم ليله بفندق.. وممكن تسوين حركات رومانسيه مثل ما سووا البنات.. اشتريله هديه حلوه ودلعيه بعد هالقطعه الطويله.. الله يسخره لك يارب

[رحمة2011]

صباح الخير حبوبات
صار لي زماااان مادخلت وحشتوووني والله
كيفكم كروشات ان شاء الله يارب تكونو بخير
وكيف الي دخلو الشهر السابع !!!
كيف حاسين !!
انا صراحه احس من دخلت السابع بدأ التعب واحس ضغط على تحت كثييييير والله احيانا
حتى مااقدر اوقف اذا صار ضغط كذا : (
واحيانا ضغط احسه على المثانه يعني توني اكون داخله الحمام وانتو بكرامه بعد خمس دقايق احس اني ابي الحمام مره ثانيه ؟؟ مدري طبيعي او لا؟؟؟؟

[يمكـ دروبي]

مساء الخير ..
كيفكم ..؟

[أم رزاان]

مساء الخير يالغوالي
كيفكم اليوم ؟ :)

ريم أنا بخير جعلك بخير ياقلبي
وبالنسبة لإستقبال زوجك مثل ماقالت لك الغالية متغربة
احجزي لك فندق وقولي لهم جهزوا الغرفة على نظام العرسان
هما راح يجهزووه لك بالشمووع والورود ... الخ
وأنت روحي واشتري لك فستان حلو تستقبلي فية زوجك
بس مو اي فستان !!
حاولي يكون فية شيء من الإغراء .. ومن الآن ابدئي بجسمك كريمات ولوشنات
وسنفرة .. عشان مايجي إلا جسمك حرير ^_*
واليوم اللي بيجي فية روحي للمشغل
واعملي تسريحة حلوووة وميك آب خفيف وحلو
واشتري لك عطر حلو وحبذا لو يكون نفس عطر الملكة او عطر ليلة الدخلة
عشان رائحة العطر تعيد له تلك الذكريات ! :)
وطبعاً لا تنسي هديتة !

والله يسعدك إن شاء الله ويسخرة لك

[يمكـ دروبي]

كيفك ام رزان ..؟

[أم رزاان]

هلا رحمة
منووورة يالغالية
شيء طبيعي يالغالية
بس اكثري من شرب الماء وحاولي اول ماتحسي
إنو عندك رغبة تروحي لدورة المياة روحي على طول
لآن إحتباس البول وانت بكرامة حتى لو شيء بسيط
بيسبب لك التهاب أنت في غنى عنة
وخصوصاً أن المثانة ماتفرغ كل اللي فيها
وذلك نتيجة ضغط الرحم عليها فيحتبس شيء من البول فيها !

يالله يالغالية هي فترة بسيطة وخلاص بنرتاح بإذن الله :)

[أم رزاان]

مساك سعادة يمك دروبي
كيفك اليوم يالغالية ؟ :)

[يمكـ دروبي]

تمام الحمد لله

بس تعبانه شوي .. رحت موعدي الخميس ولقيت الدم عندي نااااااااااااازل 9
وصرفت لي ابر حديد .. اخذها لمدة اسبوع كل يوم 200 مل
تنحط مع المغذيه ..
وربي تعبت