سر ولادتي السهله والسريعه...حيااااكم

[tooot]

السلام عليكم ورحمة الله وبركاته
مرحبا حوامل الله يسهل عليكم كلكم
الحمد لله ولدت بتاريخ 11-3-1433 وجبت احلى ولد بالعالم . كان من المقرر لي اني اولد بتاريخ 24-1-1433 بس الحمد لله ماخدت شي من التاسع. والسر كالتالي اول مادخلت التاسع بديت ادور اشياء تفتح الرحم فكان افضل حاجه الجماااااع . والله يابنات كثروا منه يفتح لك الرحم صحيح بتكوني تعبانه بس اهم حاجه النتيجه ولما وصلت الاسبوع 37 لقيت شوية مويه نازله مني طبعا خفت وعلى طول رحت المستشفى طبعا ماكان عندي لاطلق ولا الم الا اقول لي الدكتوره مفتوح 3 سم قالت لي تنويم وصعدوني قسم التنويم لكن للأسف ماعندي طلق ظليت يوم كامل ولا حتى فيه نص طلقه وانا تحطمت حدي فقررت لي الدكتوره خروج قالت افضل انتظري تكملي اسبوع 37 احسن للجنين. طبعا رحت البيت وانا في قمة التعاسه لني ابي اولد ظليت اشرب في الدارسين ماكو فايده وتبخرت بالمره وبقشور بصل ابد ولا فيه فايده. اخر شي قررت اشرب زيت خروع . فشربته في اخر يوم من الاسبوع 37 على الساعه 2 الظهر ومابي اتذكر طعمه ولا ريحته اخذت منه ملعقتين كبار ونمت وعلى الساعه 7 الليل صحيت الا عندي الم .المهم الالم يروح ويرجع ومنتظم بس ماكان قاتل يعني يحتمل وظليت الى الساعه 11 كذا وقررت اروح المستشفى . قالوا لي مفتوح 3 سم وتحطمت قلت كل هالالم على ولا شي زياده وبعدها حطوا جهاز الطلق والحمد لله الدكتوره قالت هذا طلق ولاده عندك طلق منتظم قالت لي لا تستعجلين روحي البيت امشي لك شويه وبعدها تعالي . ورجعت البيت والالم عادي يروح ويجي وعلى الفجر بعد ماصليت خف الالم ونمت الى الساعه 9 الصباح رجع لي الالم لكنه كان خفيف واتصل لي زوجي قال خلاص بجيك وبوديك المستشفى . قلت له لا انا ابي الم حقيقي هذا الم عادي . مسكين كان خايف اكثر مني وطلع من دوامه وجا لي على الظهر وتكرمون دخلت الحمام الا لقيت دم وسيده طلعت ورحت المستشفى كشفوا علي قالت 3 لكن عنق الرحم لين واحس براس الجنين. ودوني قسم التنويم الساعه 1 الظهر ولما جات الساعه 4 فتح الرحم 4 والحمد لله وبعدها ودوني غرفة الولاده ومافيني الم . الطلق كان تحجر يروح ويجي مع شوية الم مثل الدوره وانا مو مستوعبه اني بولد بألم كذا وتركوني الى الساعه 8 جات الدكتوره وكشفت لقته 5 قامت وفتحت كيسة المويه وبعدها بعشر دقايق حسيت بزلازل مو الم والطلق صار حامي ومتعب وصار يجي كل 10 الى 20 ثانيه وبين كل طلقه انام لاشعوري والساعه 10 وصل الرحم 6 بس وانا مو مصدقه الالم وادعي ربي بس بطله انا ماكنت اصرخ اكتم الصراخ داخلي المهم تركوني اعاني الى الساعه 12 الا خمس حسيت اني بموت وكل شوي اقول ابي اروح الحمام جو كشفوا علي الا قالوا 10 سم خلاص ولاده. احمدت ربي واتصلت على زوجي واقوله حبيبي انا بولد خلاص ادري قمة الرومنسيه. وكانت معاي الممرضه بس اقول لها كيف بولد ومافي دكتوره الا تقول الدكتوره جايه وانا قابله يلا توكلي على الله وادفعي . الدفعه الاولى كانت خربوطه لكنها حمستني قالت لي شفت شعر البيبي. والدفعه الثانيه طلع نص راسه لكن ماقدرت اكملها والحمد لله في الدفعه الثالثه طلع نور عيني ولدي حبيبي حسين الله يحفظه وبس طلع وين الالم مدري وين راح ياسبحان الله. خذوه ينظفونه وانا اقول جيبوا ولدي ابيه والقابله والدكتوره يضحكون اقول لهم لا تنظفونه ابيه وصخ. وجا دور الخياط خيطوني وخلصوا وانا ماسكه جوالي اسولف مع زوجي وامي واخواتي والدكتوره تقول لا تسكري التلفون عشان لا اجننها بالخياط
والحمد لله تمت الولاده على خير لا طلق صناعي ولا تحاميل
واتمنى لجميع الحوامل السهاله والتوفيق

[tooot]

بنات انا ولدت 11-1-1433 غلطت فب التاريخ

[سحـآب]

ماشاءالله تبارك الله


الله يرزقنا ولاده سهله مثل مارزقك يارب العالمين


ويارب يخلي لك ولدك ويرزقنا اطفال اصحاء يارب

[سفن بارد]

ماشاء الله تبارك الله الله يرزقني ولاده سهله ياااارب
تعبت في ولادتي الاولى يااارب تجعل ولادتي الثانيه بردا وسلاما على قلبي كما جعلت النار بردا وسلاما على ابراهيم اللهم امييييييييييييين

[ام ناصروطلال]

مبروك والحمدلله على السلامه

[نسمة دفا]

مبرووووووووووك

يتربى في عزك وعز أبوه وربي يحفظه من كل مكروه

[(( أم يارا ))]

الف الف مبروك ياقلبي ويتربى بعزكم ..
سؤال ...؟ انتي بكريه ..؟
انا بكريه وسمعت البكر ولادتها سهله يااارب صدق .. خايفه والمشوار باقي قدامي ههههه

[ايفوريا]

الف الف مبروك والحمدلله على السلامه
يتربى بعزكم انشالله والله يرزقنا ولاده سهله ميسره باذن الله

[سموة المشاعر]

الف الف مبروووك يتربى بعزكم ان شاء الله
الله يجعله من مواليد السعادة
ويارب يسهل علي وعلى الحوامل
بس الخروع يخووف مافكر اجربه

[يمكـ دروبي]

الحمد لله على سلامتك ..
وال الف مبرووووووووووك