من سافرت وهي حامل

[حامل خانو]

السلام عليكم
الان لي تقريبا شهر وكم اسبوع وناويه اسافر باذن المولى بعد شهر ونصف
لماليزيا او اندنوسيا لسه ماقررت
من سافرت وهي حامل هل هناك تعب عليها ولا عادي
اليوم سالت الدكتوره قالت عادي مايضر بس كل ساعه تمشي بالطياره على قولتها شيكي على الركاب ههههههههه وممكن اعطيك حبوب مثبته وعن المغص لو حصل لك شي بس ان شاء الله مايضر
بصراحه هي ثاني او ثالث سفره ناجلها مرتين بسبب الحمل الغير مخطط له
وهالمره بالوقت اللي بنحجز فيه بعد ماعملت جدول وكل ابو شي طلعت حامل كنت ناويه على ماليزيا بس بشيل نصف الجدول لانه الترفيه اللي فيها مايناسب الحوامل قلت اجل احولها لاندنوسيا دامها بس تمشيه مو لعب ورحلات بحريه ايش رايكم
لان السنه الجايه مررره صعبه عندي اطفال وغير كذا بتروح شغالتي
وانا والحمد لله مرتااحه بالمره للسفره عكس اي مشوار ثاني تكنسل احس براحه
وابيكم تدعولي ان ما احد ينتبه لحملي او سفرتي الا لما اجي لاني عانيت من انفس الناس اللي ماتعطي خير ان شاء الله ما بخبر احد الا امي فقط اني حامل مع اني خايفه تمنعني من السفر لاكن لاحاولت افهمها بتفهمني
ياكثر هرجي ههههههههههههه بس بجد مقهوره اني اكنسلها خصوصا ابو الشباب ماصدق بالحمل قال انا اروح وانتي بعد ماتولدين اعرفه نصااب ههههههههههههه
وهل افضل اخذ معي واحد من اطفالي او لا خصوصا لاندنوسيا؟

[يقين]

ربي يثبتلك حملك وتولدي علي خير
بالنسبه ليا سافرت واني حامل مره في الشهر التاني ومره في السادس ومره في الثامن وعااااااادي جدا ومافيش اين ضرر عليا ولا عالبيبي
ربي يثبت ما في رحمك وتشوفيه بخير في حضنك

[إلى متى ... ؟]

لو أنا منك ماسافر

والسبب انا اذكر زوجة اخوي كانت تروح مع اخوي لمقر عملة 700 كيلو وبعدها تعبت وصابها نزيف مع انه اخوي رفض تروح معه وهي حامل لكن اصرت على الروحه معه ومسكينه للحين تعاني من هذا الالم مع انها انجبت من ثمان سنوات لكن الى الان هي متعبة وكذلك الطفل مازال متعب بسبب كثرة النزيف التي تعرضت له الام


السفر ملحوقة عليه خليه بعد ماتطلعين من النفاس تكوني رايقة ومبسوطة وماعندك خوف على نفسك وعلى الجنين

علشان كذا لما عرفت اني حامل رفضت اسافر لمدن تبعد عن مقرنا 300 او 400 كيلو مابي اشوف المعاناة اللي شافتها زوجة اخوي



اتمنى لك يوم سعيد

هذه نصيحتي لك

[omroro]

هوة انا سافرت بس بالطيارة فى الشهر ال8 وتعبت مرة وولدت تانى يوم

[soso**]

مانصحك تسافرين
احنا بعد كنا مخططين سفريه لدبي بس حملت وكنسلنا السفره

[شهرزاااد]

والله حبينتي انا سافرت وانا بالشهر الثاني بالطيارة وكانت الرحلة 4 ساعات
بس الحمد لله ما تعبت ولا صارلي شي بس حاولت اني ما امشي كثير او اروح رحلات متعبة
انتي استخيري والله يكتبلك الي فيه الخير

[نونه الأموره]

أنصحك ماتسافرين ماتدرين عن الظروف بعدين لاسمح الله يصير شي وتندمين بسم الله عليك
أجلي السفر وارتاحي لأن بعد الطياره صعبه شوي
ولما تولدين بالسلامه إن شاالله كل شي وقتها يتسهل

[OUM NADINE]

أنا بحكم تجربه شخصيه أنصحك أن لا تسافري
أنا سافرت بالسيارة على منطقه تبعد 300كلم
ومشيت كثير
وصار لي نزيف وسقط الجنين وأنا في بداية الشهر الثالث

[نوتيلا]

كل حرمه تختلف عن الثانيه وبحملها اذا انتي ماعندك مشاكل بالحمل توكلي علي الله واستودعيه نفسك وجنينك وسافري والله يحميكم ويوسع صدوركم

[كارينا]

عادي السفر بالشهور الاولى اهم شي لاتكسري عظامك بكثرة الجلوس الحامل في بعض الدول يمنعوها من ركوب الطائرة من الاسبوع 28 وفوق