تجمع النساء اللاواتي سيلدن بشهر *ربيع الأول* 1433

[عبير 99]

هلا فوفو ايش جابت مرت حماك
الله يخليه لها وعقبابنا يارب


وش هو المعمول لايكون التحميلة ؟
والملحة كيف قصدك تتنقعي فيها قصدك

[فوفوً]

اهلين زوجه ماجد اخبارك
زوجه حماي جابت ولد
والمعمول تحاميل صغيره تنحط والملحه نفس الشي بس الفرق ان الملحه تنقعينها بشوي زيت زيتون قبل لاتحطينها وفيه عند العطار زي المره شي اسمه صبره هذي تنقعين شوي منها وتحطينها ع الفوطه اول الايام ع الجرح يقولك تبرد عليه مره ترتاحين ماتحسين بالجرح كثير

[عبير 99]

ايه حركة الصبره حلوة
بس انتبهي تكفين لاتدخلين اي شي
انتبهو بنات
صديقتي اخوها دكتور يقول جتنا وحدة فيها ورم في الرحم وكانت والده قبل فتره
وقالو لازم عمليه نستاصل الورم بعدين نحلله نشوف هو حميد او خخبيث

ولما استاصلوه يقول لقيناه اعشاب وخرابيط مجمعه مو ورم بس تجمعت وتكتلت
تخيلو الحاله النفسيه اللي عاشتها

[فوفوً]

ياساتر اختي تقولي لاتحطين شي ماتعرفينه للبنات الصبره طلع اسمها مقلى
انا بشووف ايش الاغراض اللي يحطونها وبنزلها مره وحده لما اخذهم من اختي ما ابي اتسبب باحد 

[عبير 99]

الله يعافيك
بس اهم شي مانكثر من الاعشاب والخرابيط ناخخذ في حدود المعقول


وكمان فيه معلومه تقول ان الاجانب يقومو يعد الولادة بسرعه ويشتد حيلهم لانهم يتسبحو بموية البحر ومعروف انها مالحة عشان كيدا احنا نتنثع في موية مذوب فيها ملح لانه يساعد في تلائم الجروح

[فوفوً]

يب الملح كويس للجرح صحيح يحرق بس كويس

[شهودهـ]

مساء الخير

زوجة ماجد نظام الاكل موصيتني فيه امي الله يخليها لي الصبح لازم عصيده وحلبه مع سمن بري وطبعا تمر ورشاد وحليب مع فلفل ابيض وزنجبيل مخفف

الغداء لحوم وسلطه وفواكه

العصر شوربة وشاي الاعشاب او قهوة القشر
والعشاء يامصابيب او خبز الصاج بر مع سمن بري وسلطه وحليب حلبه

ومدري بلتزم على النظام او ماقدر ههههههههه

يلا يابنات كل وحده تكتب لنا نظام النفاس تبعها والاعشاب اللي بستخدمنه

[شهودهـ]

الملح والمر لاتستخدمنه اول الولاده كغسول ابدا بيضر ويتعب الجرح خلكن على ديتول او بيتادين بس

[saronna15]

ماشاء الله عليكم والله أني ما اعرف ولاشي من اللي كتبتو ههههه بس أنتو قولو وانا بغش عليكم هههههه

[فليك]

السلام عليكم
وحشتووووني كثير , اعذروني ما قدرت ادخل من اول ....
كيفكم كلكم و كيف ايامكم ان شاءالله كله تمام ؟؟؟؟