مشكلتي مع زوجي .. اتمنى تساعدوني وتنصحوني ..

[Water Lily]

المشاركة الأصلية كتبت بواسطة مشاعل الدوسري

الحين انا مب عارفة ايش اسوي .. خيانته واضحه .. (( الصبر ثم الصبر))
انا مب عارفه ايش السبب لانها من بداية الزواج ..
حتى ما عطاني فرصه اثبت نفسي له .. (( لا تخربين بيتك بيدك ولا تتنازلين عنه لانه مالك لك هذي خويته مو زوجته انتي ملكه و هو ملكك و فوق كل هذا عندك عيال منه لو حتى واحد))

مارست الرياضه عشان اضعف بعد الحمل ..
واشتري ملابس عشان التغيير ..
بس صرت متحطمة ..
يعني متحطمة لان ادري كل محاولاتي بتكون فاشلة
لانه شكله من البداية مب مقتنع فيني او يحب البنت الي يكلمها ..
(( هذا اللي مااحبه في البنات اضعف على شان زوجي صحيح جزء من رغبتك في النحف علشانه لكن لما تكشخين اكشخي لنفسك وله و اضعفي عشان صحتك و مظهرك مو بس على شانه ليه متحطمه كملي و واصلي بلي تبينه ادري الموضوع صعب و يقهر اللي ماينقهر
انتي محطمه نفسك بنفسك و مو واثقه بحالك كيف تبينه هو يقتنع فيك حاولي مررره ثانيه ))


حتى صارمن حملي يخفف من الجماع وكنت اعرف لانه خايف على البيبي .. وخف الجماع بعد الولادة بعد بشكل غير طبيعي ... يمكن مرة كل اسبوعين او 3 .. اعذاره ان مافي وقت وان البيبي مايخلينا ناخذ راحتنا وان وان ولما بينت له اني متضايقه راح يجامعني اسبوعيا كانه مجبور .. وكانه جدول نمشي عليه !

((موضوع الجماع هذا نسبيا و جاء يمكن صدفه مع هذا الموضوع ..))


اذا تبين ترتاحين أقعدي معاه و كلمي بكل هدوء ..

بس قبل لا تكلمينه حطي في بالك ممكن كلامه يجرح مشاعرك
ممكن يصدمك بأشياء ماتخطر على بالك ..
يمكن هو بجد متضايق منك ..
و في شي انتي مو حاسه فيه ..

روحي له و اساليه حبيبي ممكن اتكلم معاك بموضوع يخصني و يخصك يعني يخص مستقبلنا .. و ابي نتكلم بصراحه حتى لو الصراحه هذي بتجرحنا لازم الأمور تتوضح لي و لك؟
اذا ممكن نحكي الحين وله اختارالوقت المناسب .. اللي يريحك ..

ممكن تتكلمون وقتها و ممكن يقولك بعدين و يقعد يأجل
الله و اعلم اذا شفتيه يأجل و مااختار وقت معين اجبريه
انه يقعد معاك بس بهدؤ و بسياسه ..المهم

لا تتكلمين معاه و تقولين له انت و انت و انت و فيك..

أقعدي معاه بكل هدؤء و ابتسامه زعل و قولي له..
أبيك تسمعني للاخر و بعدها أحكي..
ادري صارت بعلاقتنا فتور من بعد الحمل
و و ادري اني كنت مقصره معاك لكن هلشي مكان بيدي و لا هو بيدك..
و الأمور اللي صارت و عرفتها و تكلمنا فيها يمكن اكون انا غلطانه فيها لكن
خيانتك لي لا تتعذر بأغلاطي
عموما انا الحين قاعده معاك و أبي أسمع منك
ابيك تفتح لي قلبك .. يمكن اني مافهمتك و ماعرفت كيف اتصرف معاك
ابي اعرف وشو اللي يضايقك مني بلتصرفات بشخصيتي بأخلاقي بلجنس معاك..
أنا مستعده اسمعك و ابي أحاول و ابيك تحاول معاي نفتح صفحه جديده
اذا مو عشاني و لا على شانك علشان عيالنا
مانبي لا اكبرو يشفونا مو متفاهمين مانبي يتربون في بيئه كلها مشاحنات
مافي واحد منا كامل الأوصاف كلنا نغلط
الاهم من أن نتعترف بلغلط الاهم منه أنه نصلح الغلط
اذا فيني عيوب و اغلاط اذكرها لي .. و انا شخصيا مستعده أحاول و ابذل جهد اني اتغير..
لكن السؤال اللي يطرح نفسه و ماأبيك تجاوبني الحين..
هل انت مستعد تتغير معاي و تحافظ على بيتك و تحاول تفتح صفحه جديده؟
و ياليت تكفر بهذا السؤال و بكلامي و بعدها ترد ...
و ياليت تقولي الحين اللي بخاطرك ..
انا خلصت كلامي و اذا ماتبي ترد الحين تبي تفكر انا ماعندي اي مانع فكر بكلامي و استخير ربك و شوف وين الصح و ابدي فيه..

يكون انتي سويتي اللي عليك و كلمتيه و ذيك الساعهمنتظره رده هو ...


و أعيد أقولك لا تتخلين عن زوجك .. بسبب وحده..

و تعاملي معاه بما يرضي الله لا تهملين في نفسك و في زوجك و في بيتك

لانك لواهملتي نفسك بتزيدي الشكوك لنفسك و ممكن يتزيدي الاعذار لزوجك ..

بلعكس اهتمي اكثر و اكثرر.. و الله يهدي زوجك و يصلحه و يهدي البنت و توخر عنه..

مشكورة حبيبتي على التشجيع والنصايح والمساعدة ...
ان شاء الله بحاول اهتم بنفسي اكثر وبحاول اغير من اسلوب تفكيري .. ومحتاجة دعواتكم لي ...

[Water Lily]

مشكورين يابنات على التشجيع وهذا انا ادعي ربي وان شاء الله خير

[السماح]

الله يكون بعونك والله حاسة بيكى جدااا..
ولكن عليكى بالدعاء ثم الدعاء له بالهداية..
وعليكى حبيبتى بمصارحته اولا , قولى له على شكوكك فيه..
ولا تخبرى احد على هذا الموضوع, توددى اليه وكلميه بهدوء تام, انا عارفة انه صعب عليكى, ولكن حاولى حتى لا تخربى بيتك ..
فمن الممكن ان تكون شكوك, ولكن تكلمى معه وقولى له انكى تريدين الحقيقة منه ...
ربنا يهديلك زوجك ويحببه فيكى ويتم حياتك عليكى بالخير والحب ان شاء الله...

[أسيرة زوجي]

حبيبتي الله يعينك على هيك رجال ، بس اختي لا ترجعين الغلطة كلها فيك ، لأن المرأة قد ما تتعب في البيت و خاصة إذا كانت مع أهل الزوج تروح عليها كثير شغلات ، و يصير ما في وقت أنك تراقبي زوجك في كل تصرفاته
بس أختي إذا كنت في مكانك و عندي رقم تلفون شاكة فيه ، أحاول أتصل أنا أو حدا ممن تثقين بهم و تأخذين منها موعد أو تحاولي معرفة مكان تواجدها و تواجهيها بخيانتها
و ربما هي الأخرى تكون مخدوعة فيه و قايلها إنو مومتزوج
أختي حاولي بكل الطرق لاسترجاع زوجك و ابو ابنك و صلي صلاة الاستخارة و إن شاء الله خير

[لمعة الماسة]

الله يسخرة لك يارب ويبعد عنة بنات الحرام

[يارب احفظلي زوجي]

السلام عليكم ورحمة الله وبركاته والله انا لو محلك ماجلس عنده دقيقه وحده برووح بيت اهلي واذا كان يبيني يجي ياخذني مدام يكلم اكيد يطلع معاها ووو والله اعلم هذا راييي وانت براحتك

[نور منوره]

مالك الا الله
دعااااااااااااااااء واستغفاااااااااااااااااااااار
واعرفي محد بدنيته راضي او مرتاح