دردشة حوامل أهل جدة - دردشة بنات جدة - تجمع حوامل مدينة جدة

[همسات قلبي]

تسلمي h&h
راح أحاول اغير من وضعي


لذه

روحي لأسماء شحرور الكل يمدحها وربنا يسهل لك ولكل وحده


الله يبعد عن الكل الشر

[شهرزاااد]

عمتووووو
الله يسهلك حبيبتي كلي رطب بنية التيسير واكثري من الاستغفار ترا مافي أفضل منه والصلاة على النبي مع الادعية والقرآن وكمان حاولي تمشي كثير
والله يهون عليكي تعب الحمل ويرزقك الولد الصالح الي تفرحي ببره

ام آدم
شكرا على هذي الفكرة وفعلا زي ما قالت الاخت goge خليتيني افكر مع نفسي ايش انبسطت منه والي طفشني
انا انبسطت من اني ما عرفت اني حامل الا وانا في اول الشهر الخامس
لأنه كانت بتجيني زي الدورة في نفس التاريخ ونفس الالام بس الدم الله يكرمكم اقل واخر شهر الي هو الرابع ما جاتني فقلت اروح اشوف ايش فيه
طبعا حللتلي لقتني حامل وانا بصراحة ما كان ببالي خاصة اخر طفل عندي عمره 10 سنوات ولمن عملتي السونار قالت انتي بأول الخامس ففرحت كثير لانه هونت عليا المسافة وزي ما قلتوا حركة البيبي طبعا
واللي مطفشني الحرقان له حوالي اسبوع بس احس زي النار الله يجيركم في معدتي والبلعوم والله يهونها طولت عليكم سامحوني

goge
لا تقلقي نفسك ان شاء الله يكون طلق مع انه باقيلك 33 يوم وكل ما طول البيبي في بطنك يكون افضل
ربي يكتبلك الخير ان شاء الله والساعة المفترجة
لا تنسينا من دعاءك

H&H
أهلا فيك والله يسهلك ويسهلنا معاكي

لذة
لازم تشوفي دكتورة كويسة ولا تستخدمي التحاميل إلا إذا تأكدتي إنها كويسة لوضعك
والله يكتبلك الي في الخير

أم أمجاد
وعليكم السلام
أهلا فيك وإن شاء الله يعطيكي الولد الصالح الي تتمنيه ويفرح قلبك وترا البنات فيهم خير وبركة وكل شيء من الله رزق لنا نحمده ونشكره عليه
والله ييسرلك ويتمم على خير

بنات كل وحدة تولد تطمنا عليها ولا تنسانا من الدعاء

[&لــــــــــذه&]

الدكتوره اسماء الشحرور باي مستشفى فديتكم قسم ادعي ربي ع الاخوات اللي عندي انتظر ردكم ومشكورين عشاااااااااان محد طنشني بس رايكم ماخذ التحاميل لانهاا مسببه التهاب خارجي وداخلي واحس رحمي منتهي مووت خاااايفه حيييل ي بناااااات..

[GoGe]

لذة حبيبتى بالنسبة للدكتورة انا لا اعرف بس استنى لما تروحى للدكتورة الثقة وهى تقولك على اللى يصلح لك ولا تستعجلى والف سلامة يا قمر

[GoGe]

h&h انا فاضلى يومين وادخل فى التاسع الله يهونها علينا جميعا وشكرا على ردك يا قمر
ام امجاد اهلا وسهلا بيكى وان شاء الله ربنا يرزقك بولد سليم صالح

[GoGe]

شهرزاد شكرا يا حبيبتى على دعائك وان شاء الله يهونها علينا جميعا

[شهرزاااد]

لذة
الدكتورة اسماء شحرور في عيادة خاصة في بناية نورة على شارع فلسطين
بجانب مستشفى سليمان فقية
واعتقد هذا رقم العيادة
رقم الهاتف: 6650860
رقم الهاتف: 6653534
نصيحة لا تاخذي التحاميل لين تشوفي دكتورة كويسة
بس روحي بكرة لا تتأخري على نفسك
طمنينا

[همسات قلبي]

لذه
لا تتاخري روحي ولا تكوني في قلق
وزي ماقالت شهرزاد الوصف صحيح
والله يطمنك يارب
بس طمنينا عليك

[عمتووووووو]

سلااام ايتها الرشيقـــــــــات

همسات قلبي
امييين يااااارب
ان شاء الله في الخامس نفسيتك تتحسن ويخف الاكتئاب
ويارب يسهلك اختباراتك ,, ويهون عليكي حملك وتقومي بالسلامة


GoGe
تسلميلي حبيبتي ولك بالمثل يارب


H&H
تسلميلي حبيبتي ,, الله يقومك بالسلامه ,,
ودايما أقووووول الجنة مو ببلاش :) :) :) :)

شهرزاااد
اكلت رطب الين خرج من خشمييييي ..ههههههههه
تسلميلي عالدعوه
الله يتمملك حملك على خير ... وترا كلهم نعمه ورزق من ربي, ماتدري مين انفعهم لك.. الله يجعلهم بارين صالحين..

&لــــــــــذه&
الف سلامة عليكي طمنينا
وابدا لاتروحي الجدعاني .. اسوأ مستشفى في الحياه

ام امجاد

اهلا فيكي معانا ..
خبرينا عنك ,, اي مستشفى تراجعي ,
الله يرزقك الولد الصالح ياااارب

[Omm Adam]

همسات قلبي
أنا من جدة يعني قمة الرطوبة ،، والكريمات والزيوت ماخليت شي إلا وحطيته على نفسي ،، بس خلاص هالشي شر لابد منه
والتاسع الجنين الله يبارك فيه كبر مررررررره وبطني أحسه بينفجر فما أعتقد أي شي بينفع معاه لأنه مافي مجااااااااال <<< فيس يبكي يبغى يولد
الحركة أنا حسيتها أول يوم بالخامس ،، صدقيني بتغير في نفسيتك الكثيـــــــــــــــر
وعلى صور الولادة فإيش رأيك باللي شافت فيدو ولادة حقيقيه كااااااااااااااامله هههههههههه
أول وحده جابتلي المرض لأنهم شقوها وكنت أول مره أعرف كيفية الشق -_-
الثانيه كانت قيصري وأثرت فيه مررررررره ربي يبعد عنا القيصري
الثالثه والرابعه صراحه حببوني بالولادة مرررررررررررره ،، وحده وهي جالسه القرفصاء بالبيت وبكل سهولة خلال 30 ثانيه نزل الولد كأنه موزه اتزحلقت هههههه ،، والثانيه بمغطس مويه ومسدوحه ولا كأنها بتولد !!
والخامسه آخر شي ماخذه إبرة ظهر وتولد وضحكتها شاقه وجهها ههههههه
ربي ييسرها عالجميــــــــــــــــــع

عمتوووووووو
هلا بريانة العود هههههه
ماشاء الله تبارك الله ،، ربي يباركلك في ابنك ويقر عينك بشوفته ،، أنا عن نفسي مافرحت أبدا أبدا أبدا إنه ولد !! كان نفسي ببنت موووووت بس دحين غير ولله الحمد ،، وزوجي مافرقت معاه - على قولته - لأنه أول واحد من جهه ومن جهه تانيه أخوه له 11 سنه ما خلف ودحين سوى لزوجته أنابيب وأموره ماشيه ولله الحمد ويقول لحرمته جيبيلي شي يقول واء وبس ماهمني بنت ولا ولد ،، فيمكن زوجي متأثر من أخوه ويبغى يجيب نونو للعيله وبس .. مع إنه الكل يقلي لو جات بنت ماكان بيفرح زي الولد وفعلا أنا أشوف عيونه تلمع كل ما اتخيلنا الولد وكيف هو حيربيه ويهتم فيه ،،
أما الطلق فأنا بكريه ومدري عنه حاجه ،، أحيانا أحس بألم دورة لكن مو كألم كغثيان وخمول وشوية برد وأقول لنفسي هو دا الطلق ؟! لا لا لسه بدري !! وقتها أكيد بحس وأعرف إيش يعني طلق -_-
وحلللللوه منك زيت بطيخ ،، يللا يقولوا الولد أكبر حجما من البنت عشان كذا البطن يشقق أكثر ،، الله يثبت أجرنا وبس

جوجي
أكيد التعب لابد منه ،، بس الحركة والشوق لشوفة البيبي بالذات إذا كنتي بكريه غيــــــــــــــــــــــــــــــــــــر
وعن الطلق والله مدري عنه حاجه ،، ربي يسهلها عالجميع

h&h
زمااااااااااان ياحلو ماطليت ،، ألف سلامه عليكي وماتشوفي شر
انبسطي انبسطي بالحركه قبل لايجكي التاسع لأنك وقتها بتحسي البيبي قاعد يجرح بيكي لأنه كبر والمويات خفت فالحركة تتغير مرررررررره ،، أنا أول التاسع بس كآبه وبكا كل ما اتحرك ،، بس دحين اتعودت ورجعت للونااااااسه لأني بديت أحس برجله ويده يعني كأنه قدامي الله يحفظه
وآلام الحوض بالتاسع خلتني أحس إني بنشل - الله يبعد الشر - بس أهونها على نفسي وأتذكر رشاقة ماقبل الزواج على أمل إني أرجع لذيك الأيام قرييييييييييييبا

لذة
خوفتيني عليكي يابنت ،، لا تهملي نفسك توك صغيره انتبهي على حالك عشان ماتعاني طول عمرك .. أنا ما أعرف عن دكاترة جدة لأني جديدة بيها لكن استخيري وروحي بأقرب وقت للي البنات نصحوكي بيها ولا تاخذي أي دوا لين ما تشوفيها
طمنينا عليكي الله يسعدك

أم أمجاد
ياربي ياكريم يارحمن يارحيم يا قادر على كل شي قدّر مافي رحم أختي أم أمجاد ولدا صالحا بارا بلا زيادة ولا نقص وأقر عينها وزوجها به يااااااااااااااااااااسميع يامجيب الدعاء ،، آميــــــــــــــن

شهرزاد
ماشاء الله ،، بالخامس !!! يعني الشهور الأولى الثقيـــــــــــــــــلة الدم خلصتي منها ،، ربي يسعدك ويتمملك على خيــــــــــــــر
والحرقان الحمدلله ماعانيت منه أبدا بس عانيت من آلام بالمعده زي الالتهابات
ربي يثبت أجرنا ويفرحنا بكتاكيتنا