قصة ولادتي ببعد قلبي رائد-ربي يحميه

[ام ميتو]

اخيييييييييييييييييرا صرت ام يارب الف حمد وشكر
عقبال كل الي يتمنو الله يرزقهم بالذريه الصالحه المعافاة ياااااااارب
بوجع راسكم بقصة ولادتي لاني راح اكتبها بالتفصيل وماراح اغفل عن شي ابد علشان تدخلو جو معايا
اول شي تعرفون كلكم الي صار معي بوجهي جاني التهاب بالعصب السابع وانا بالاسبوع 39ورحت بعالجه بمستشفى الولاده رحت وبعد انتظار دخلت وكشفت علي وقالت لازم تاخذي كرتزون ومانقدر نعطيك اياه وانتي حامل لازم تولدين ولما تولدين ماترضعين لفتره
المهم قالت بكشف عليك وبشوف المويات حول الجنين واشوف الرحم كم فاتح
لقت الرحم فاتح 3 سم--انا قبلها بيومين رحت لدكتورتي الي بتولدني وسوت لي تحريض بعد مالقت الرحم مفتوح 3 سم من الاحم احم!!!!!
وانا طلقي باااااااااااارد بمعنى الكلمه
قررت لي طبيبة المستشفى الحكومي ولاده اول ماشافت الرحم مفتوح بطلق صناعي!!
تقول لي ماما انتي في طلق بس مافي وجع!!!
تبخصني بروحي وانا طبعا عيوني بالسما طااااااااايره مصدومه
شلون ولاده مافيني طلق وانا جايه اعالج الي بوجهي؟؟!!
يعني مااستعديت نفسيا ابد--وتخيلو خلت الممرضه تلاحقني تقول يالله ماما انتي ولاده اجلسي سرير انا في حطي ابرة مغذي علشان انتي ترقيد!!!!
وانا بديت اتأتأ بالكلام من صدمتي عجزت اتكلم--قلت للدكتوره بطلع على مسؤليتي وعصبت وهاوشتني وبصمتني 3 مرات وطلعت وقلت لزوجي كل الي حصل
يالله بروح لمستشفى الحبيب دامهم قررو ولاده بشوف وش راح يقولو لي
واستعديت نفسيا بقوه وكنت مستعده لأي الم حتى لو بيقطعوني(اموت عالشجاعه)
ومريت بيتي واخذت شنطة البيبي وعلى طول عالحبيب وزوجي يقول اقعدي شوي بكرا اوديك!!مب مستوعب انصدم
وصلت الحبيب وكشفو علي وحطو جهاز الطلق لمدة 30 دقيقه تخيلو ولاطلقه مرت علي قررو لي خروج قالت لي الطبيبه لاجاك طلق منتظم او فك كيس المويه او نزل دم تعالي علطول
انا ضااااااااق صدري بقوه واحبطت (شلون مستشفى الولاده قالو ولاده وذولا طلعوني!!!)
ولا--- يوم استعديت نفسيا وقويت قلبي!!!
الله المستعان رجعت للبيت وكان يوم خميس وجلست انتظر الطلق الي مب جاي!
زاد الي بوجهي وبدا يجيني صداع يفزز بي من النوم الم لايطاق
قررت اتصل بطبيبتي الي بولد عندها قالو اخذه اجازه بتجي السبت
احبطت زياده وقلت استنى يمكن خيره يجي الطلق من عند الله سبحانه
كلمتها صباح السبت وقلت ابي اولد الله يخليك طلق طبيعي والا صناي بولد انا فيني التهاب العصب السابع ومو قادره اتحمل الالم الي يجيني براسي --قالت دام فيك التهاب لازم تولدين تعالي بعد شوي!!!انا فرحت وخفت الصراحه احس جت اللحظه الي انتظرها من زماااااان بعد عذاب علاج حمل وعذاب وحاام وتعب ثقل وطول شهور

قلت طيب وخليت خدامتي ترتب اغراضي وتاخذ اغراضهاو تروشت و شلت شعر جسمي
وكلمت زوجي قلت استأذن من دوامك ضروري قال ليه فيك طلق !!قلت ياليت
تعال الدكتوره قررت ولاده لي باقرب فرصه علشان الالتهاب اعالجه بموت من راسي
فرح وبنفس الوقت خايف
انتظرته لين جا الساعه 12 الظهر ثم اخذت ساعه اكمل حاجياتي واتفقت مع خدامتي انها ماتقول لامي لان امي بتزعجني اتصالات وهي مريضه ماتتحمل اي شي
مابغى اقلقها معي
وديت خدامتي يوم دخلت على امي بقشها دقت علي وقالت بتولدين صح طيب على خير!!!
امي مصدومه بعد
رحت ودخلت الطوارئثم رقدوني مباشره بغرفة الولاده كانت الساعه 2 الظهر ثم 2ونص دخلت علي الطبيبه وامرت ينحط لي حقنه شرجيه الله يكرمكم وبعدها تحاميل طلق صناعي واذا مااستجاب الرحم بنعطيك ابره مع المغذي(طبعا سمعة الابره زززززفت لانها العن مليون مره من التحاميل)
انا جتني رعشه الخوف +الفرح وزوجي جوعااااان عقب الدوام اخذني ويفكر ببطنه!!! ولا فيه نوم ماالومه دوامه بعيد الله يعينه ياحرام
اخذتهم وجلست انتظر الطلق تخيلو ماجاني الا عالمغرب!! وكل ذا الوقت محجوره بالسرير على جهاز الطلق ونبض البيبي ومغذي
بدا الطلق اوله تقدرون عليه ثم بدا يشتد من الساعه12 بالليل عذاااااااااااااااااااااااااب
ولاجتني الطلقه اصرخ غصب عني(وانا الي اقول بكتم وباخذ نفس وتمارين مدري ايش والله خرطي)!!
وزوجي يدور حوالين نفسه مايدري وش يسوي ثم يقول لي خوذي نفس ويكرر وانا اطالعه ودي يسكت صوته يزيد الالم!!! حطو فيني كمام يبغوني اضيع وانا سمعت انه يخليك تقل سكرانه وتضيعين وتشوفين عصافير >>>والله كنت اشوف وحوش وديناصورات هههههههه
واطلق واطلق واااااااااااااااااه الطلقات الاخيره بديت اصرررررررررخ ولاخفت الطلقه انااااااااااااااااام !!محششه
ودخلت علي الطبيبه تقيس الرحم قالت 10 سم
تعالو شوفو وجهي حسيت اني خلاااااااااااااص عيوني طارن-- قرب الحلم ينتهي وجهزو المقصات
وقالت لي لاجت الطلقه اززززززززززززززززززحري
وازززززززززززززحر دخلت الطبيبه وخلت زوجي ينتظر من ورا ستاره علشان مايشوف شي بس يسمع(ام العذاب احسسسسن علشان كان يبغى انجب فريق كوره مب عيال)
وازززززززحر ويقولو يالله ايوه كذا كويس استمري ماشالله ماما شاطره ممتاز(كل عبارات التشجيع بالدنيا سمعتها)
وازززززززززززززززززززحر وانا مغمضه واجي اصرخ صرخه ااخر طلقه ويطلع رائد يااارب الف حمد وشكر الساعه 3 فجر يوم 2-1 -1433
طلع يبكي شوي ثم حطوه على صدري كان ياعمري يرجف بردان ومفتح عنونه يارب خلهن لي ثم خذوه يوروه ابوه وانا بعد ماطلع وبعد الصرخه ذيك(ماراح انساها طول حياتي) جلست ابكي بكاااااا بالصوت زي المسلسلات والله اببببببكي من الفرحه ان الفلم خلص ثم طلعت المشيمه(على فكره طلعتها اسهل من شرب المويه)
ثم نظفوني وخيطوني وبدلو ملابسي
كل هذا ماادري وش صار بابني اثره ياعمري بعد ماطلع مني ازززززززرق مو واصله اكسجين كفايه ومو قادر يتنفس واجتمعو عليه الاطباء وزوجي خااااااااااااف قال راح ولدي ضاق صدره وطلع يدعي ان الله ينجيه من كل شر
اخذو رائد عالحضانه جلس تحت الاكسجين 5 ساعات ثم صار بعافيه الف حمد وشكر لك يارب
وفرحنا انا ابوه بسلامته وتوته توته خلصت الحدوته
عقبااااااااالكم ياكروشات يارب

[noory]

ياقلبي عليك الف الف الف مبرووووووووك ياعسل ويتربى العريس بعزكم يارب

[ام ميتو]

الله يبارك فيك ياقلبي عقبالك يارب
اتمنى اكون مافقعت راسك بكثر الخررررررط
:)

[Όм чαяα ♡♥]

الف الف الف مبروووووك

والحمد الله ع سلامتك ..

الحمد لله عدت ع خيرررررر ياغلاي

ويتربى بعزكم رآئد والله يحفضه لكم ياآآآآآآآآآرب ..

بس كيف طريقة الدفع او الزحر :)

وربي حسيت بشعور حلووو ودي اولد الحين ..

الله يسهل علينا يارب

[noory]

لا وربي تحمسسسسسسسست لدرجه ان عيوني دمعت الله يسعدك يارب

[ورده بين ايديه]

ياااعمررري عليك..
يله الحمد لله بعد العذاب هذا هو باحضاانك..
ربي يحميه لك..
وعقباااالنا ان شاء الله ربي يعطينا سااعه سهله من عنده..

[وصاايف]

الف الف الف مبروووووك

والحمد الله ع سلامتك

[ام ميتو]

ياعمري يانوري ياااااااااااارب تولدي بكل يسر وسهوله ويهون عليك ياقلبي
احلى شعور بالدنيا الامومه
:)
يارب خلي لي لنا اولادنا وارزقنا برهم ياحي ياقيوم

[ام ميتو]

ام سالم طريقة الدفع تماااااااما زي التبرز الله يكرمك
بالضبط اول مايجي الم شديد يقولون لك ادفعي تاخذين نفس ثم كنك تتبرزين فيك امسااااااك
هههههههههههههه
اعذريني بس ابغاك تفهمي كويس
الله يهون عليك ياقلبي

[فليك]

ماشاءالله ، الف الحمدلله على سلامتك و سلامة ولدك
اجر و عاااافيه يارب