دردشة حوامل أهل جدة - دردشة بنات جدة - تجمع حوامل مدينة جدة

..ام بدر.. · 12-04-2011, 02:20 AM

ام ادم الله يفرج كربت ويعجل بولادتك ويسهلها لك يااااارب

عمتووووووو · 12-04-2011, 04:56 AM

سلاااام يارشيقات القواااام

أم آدم

تخيلي تخيلي تخيلي أنا وانت بيننا بس يوم واحد في الحمل !!!!!

الدكتورة ياستي اسمها سوسن عبد الدايم ,,, ماكانت عاجبتني من البداية ,,بس زوجي الله يهديه مايبغى زحمة الطريق حق فقيه فقال مافي الا فتيحي عجبك ولا ماعجبك

ماعلينا ,, أول مره رحت فتيحي كان مع الدكتورة سحر العيدروس حبيتها ,, بس غيرت منها عشان المواعيد ماتناسب سبع السباع زوجي

الحمدلله رجعت لفقيه بأمر الله وياااااارب تخلص الاسبوعين دووول بسرعه طفششششششششششششششت آخر تلاته حاجات في الدنيا .........

بالسلامة لك وليا وأصحي تاني مره تشتغلي شغل جامد في البيت ترا ماما تقول ممكن البيبي يغير وضعه وتتعبي ومايعرفو يقلبوة على راسو تاني لا سمح الله
الله يقومك بالسلامة وكل الرشيقات يااااارب

شهرزاااد · 12-04-2011, 10:51 PM

ام آدم و عمتووووووو
الله يسهلكم بساعة مفترجة ولا تنسونا من دعاءكم

حبيت اسأل بالنسبة لمستشفى فقية زي ما قلتلكم انا لقيت دكتورتي الي اتعامل معاها من 15 سنة وولدتني مرتين ولله الحمد مرتاحة معاها بس سمعت ان نظام المستشفى لما تجيكي ولادة المناوبة هي الي تولدك
وانا سألت دكتورتي قالتلي بأعطيكي رقمي وانسق انا وانت
تتوقعوا انها فعلا حتجي تولدني ولا بس تقولي كذا
في احد منكم كلم دكتورته وجاته طبعا دكاترة التأمين مو الخاص
طبعا السؤال موجه للكل

..ام بدر.. · 12-04-2011, 11:55 PM

شهرزاد...مدام اعطتك رقمها فهي فعلا راح تجي انتي اتصلي عليها اذا طلعتي من البيت وخبريها...وممكن تقولين لي اش اسم الدكتورة؟

عمتووووووو · 12-05-2011, 03:15 AM

سلام لكل رشيقة قواااام ..

شهرزاااد

دا الموضوع مرررره قالقني ماني عارفه دكتورتي حتجي ولا لأ ... انا طلبت منها انها هي اللي تولدني وما أكدتلي , ادتني اسماء دكتورات تانيين وقالتلي دول اللي اثق فيهم لو انا ماني في......
ومني عارفه.!

في ولادتي الأولى ولدتني الدكتورة المناوبه اسمها شيرين كانت على حظي زي العسل ,,,, وانا اصلا ماكان عندي احد معين اتابع عندو عشان كدا ما طلبت أحد لما دخلت ولادة...

أدري ما أفدتك بشي ,, بس حبيت انقلك تجربتي...

الله يفرج عليكي ويسهلك أمرك ويرزقك ولادة مويه مويه انتي وأنا وكل الحوامل
ودايما أقول يــــــــــــــــــارب اغنينا بفضلك عن من سوااااك

..ام بدر.. · 12-05-2011, 04:23 AM

عمتوو الله يسهل علينا اجمعين

عمتووووووو · 12-05-2011, 04:29 AM

ام بدر
تسلميلي , يااارب يهون علينا ويرزقنا ساعه مباركة

والله اللي مهون عليا اني سجلت في المنتدى معاكم وجالسه أفضفض
ولا زماني من طفشي جاتي حاله نفسية من طوووول الانتظار
أبا أولـــــــــــــــــــد خلاااااااص
يـــــــــــــــــــــــارب فرجــــــــــــــــــك

همسات قلبي · 12-05-2011, 04:35 AM

بنات دحين بجد الدكتوره اللي اتابع عندها ماتولدني

والله خائفه كيف يسير وضعي بعدين
يارب يسهل علينا

شهرزاااد · 12-05-2011, 07:27 AM

ام بدر
الله يسمع منك
اسمها تغريد البدري سورية

عمتووووو
بالعكس افدتيني ويعطيك العافية وان شاء الله تولدك دكتورتك والله ييسرلك
فعلا كلامك الي مهونها هاذي الجمعة الطيبة الي بنستفيد منها

همسات قلبي
ان شاء الله تولدك دكتورتك انتي في اي مستشفى وخاص أو تأمين

ريموو · 12-05-2011, 07:58 PM

السلام عليكم ..
كيفكم يااخواتي
انا جديده عالمنتدى ... وكانت وحده تكلمني عليه كتير ...
انا الان في الاسبوع 10 من حملي يعني تقريبا شهرين ونص ... وهدا اول حملي إلي .. انا ملي 3 شهور متزوجه
بتابع عند دكتوره صفاء فرغل بالمستشفى السعودي
حماتي ولدت عندها بنتين ... وتمدح فيها ... وانا مرتاحتلها ...

انتو لكم معرفه فيها احد يعرفها ؟؟؟
وطبعا بستفيد منكم لأنو من ردودكم في اخوات مو اول حمل لهم ... ومنكم نستفيد ^_^
لاتحرموني نصايحكم ^_^
اختكم ريم